ହାଇଦ୍ରାବାଦ: ଅମିତାଭ ବଚ୍ଚନ ଏବଂ ଜୟା ବଚ୍ଚନଙ୍କ ନାତି ଅଗସ୍ତ୍ୟା ନନ୍ଦା ଆଜି ଅର୍ଥାତ୍ ନଭେମ୍ବର ୨୩ରେ ତାଙ୍କ ୨୩ତମ ଜନ୍ମଦିନ ପାଳନ କରୁଛନ୍ତି । ଏହି ଅବସରରେ ତାଙ୍କ ମା' ଶ୍ବେତା ବଚ୍ଚନ, ଭଉଣୀ ନବ୍ୟା ନଭେଲି ନନ୍ଦା ଏବଂ ତାରକା ମାମୁଁ ଅଭିଷେକ ବଚ୍ଚନଙ୍କ ସହ ଅନେକ ବଲିଉଡ ତାରକାମାନେ ଅଗସ୍ତ୍ୟାଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି । ଏହି ସମୟରେ ଅଗସ୍ତ୍ୟାଙ୍କ ଜନ୍ମଦିନ ସେଲିବ୍ରେସନର କିଛି ଫଟୋ ମଧ୍ୟ ସାମ୍ନାକୁ ଆସିଛି । ଏଥିରେ ଅଗସ୍ତ୍ୟା ରୁମର ଗାର୍ଲଫ୍ରେଣ୍ଡଙ୍କ ସହ ଜନ୍ମଦିନ ପାଳନ କରିଥିବା ଦେଖିବାକୁ ମିଳିଛି । ତାଙ୍କ ଡେବ୍ୟୁ ଫିଲ୍ମ 'ଦ ଆର୍ଚିସ' ଷ୍ଟାରକାଷ୍ଟ ମଧ୍ୟ ଏଥିରେ ସାମିଲ ହୋଇଛନ୍ତି ।
ଅଗସ୍ତ୍ୟା ନନ୍ଦଙ୍କ ଜନ୍ମଦିନ ସେଲିବ୍ରେସନର ଭିଡିଓ ଏବଂ ଫଟୋ ଭାଇରାଲ ହେବାରେ ଲାଗିଛି । ତାଙ୍କ ଜନ୍ମଦିନ ପାଳନର କିଛି ଫଟୋ ଏବଂ ଭିଡିଓ ସୁହାନା ଖାନ ମଧ୍ୟ ନିଜ ଇନଷ୍ଟାଷ୍ଟେରୀରେ ସେୟାର କରିଛନ୍ତି । ଏବଂ କ୍ୟାପସନରେ ହାପି ବର୍ଥ ଡେ ଅଗସ୍ତ୍ୟା ବୋଲି ଲେଖିଛନ୍ତି । ଏହି ଭିଡିଓଗୁଡ଼ିକରେ ସୁହାନା ଏବଂ ଅଗସ୍ତ୍ୟା ନନ୍ଦା ଏକାଠି ନଜର ଆସିଛନ୍ତି । ଦୁହେଁ ବ୍ଲାକ ଆଉଟଫିଟରେ ନଜର ଆସିଥିବା ବେଳେ ଅଗସ୍ତ୍ୟା କେକ କାଟିବା ସମୟରେ ସୁହାନା ଖାନ ହସୁଥିବାର ନଜର ଆସିଛନ୍ତି । ଏଥିସହ ଦ ଆର୍ଚିସର ସହ ତାରକା ମିହିର ଆହୁଜା ମଧ୍ୟ ଇନ୍ଷ୍ଟାଗ୍ରାମରେ ସେୟାର କରିଛନ୍ତି ।
ସେପଟେ ଅଗସ୍ତ୍ୟାଙ୍କ ଜନ୍ମଦିନରେ ତାଙ୍କ ମା' ଶ୍ୱେତା ବଚ୍ଚନ, ଭଉଣୀ ନବ୍ୟା ନନ୍ଦା ଏବଂ ମାମୁଁ ଅଭିଷେକ ମଧ୍ୟ ତାଙ୍କ ଜନ୍ମଦିନର ଶୁଭେଚ୍ଛା ଜଣାଇଛନ୍ତି । ଏହି ବିଶେଷ ଅବସରରେ ଅଭିଷେକ, ଶ୍ୱେତା ଅଗସ୍ତ୍ୟାଙ୍କ ପିଲାଦିନର ଫଟୋ ସେୟାର କରିଛନ୍ତି । ନବ୍ୟା ଉଭୟ ଭାଇ ଭଉଣୀଙ୍କ ଫଟୋ ସେୟାର କରି ଶୁଭେଚ୍ଛା ଜଣାଇଛନ୍ତି । ଶ୍ୱେତା ଏବଂ ନବ୍ୟା କ୍ୟାପ୍ସନରେ ଲେଖିଛନ୍ତି, ଶୁଭ 23-23-23 ପୁଅ, ତୁମର ସାହସୀ ହୃଦୟ ତୁମକୁ ଶୀର୍ଷକୁ ନେଇଯାଉ, ଲୋକଙ୍କୁ ଭଲ ଦେବେ କେବେବି ଭୁଲିବ ନାହିଁ । ସେହିପରି ଅଭିଷେକ ଲେଖିଛନ୍ତି, ବାପି ବର୍ଥ ଡେ ଆର୍ଚି ଆଣ୍ଡ୍ର୍ୟୁ । ଏହା ପରେ କୋରିଓଗ୍ରାଫର ଫରାହ ଖାନ, ଚଙ୍କି ପାଣ୍ଡେ, ସୋନାଲି ବେନ୍ଦ୍ରେ, ଶ୍ୱେତାଙ୍କ ଜନ୍ମଦିନ ପୋଷ୍ଟରେ ଅଗସ୍ତ୍ୟାଙ୍କୁ ଶୁଭକାମନା ଜଣାଇଛନ୍ତି ।
ଏହା ମଧ୍ୟ ପଢନ୍ତୁ: ସୁହାନା ଖାନଙ୍କୁ ଅଗସ୍ତ୍ୟା ନନ୍ଦାଙ୍କ ଫ୍ଲାଇଂ କିସ୍ , ଡେଟିଂ ନେଇ ଚର୍ଚ୍ଚା
ସୂଚନା ଥାଉ କି, ସୁହାନା ଖାନ ଏବଂ ଅଗସ୍ତ୍ୟା ନନ୍ଦା ସେମାନଙ୍କର ଡେବ୍ୟୁ ପ୍ରୋଜେକ୍ଟ 'ଦ ଆର୍ଚିସ'ରେ ଏକାଠି ନଜର ଆସିବେ । ଜୋୟା ଅଖତର ଏହି ଚଳଚ୍ଚିତ୍ର ନିର୍ମାଣ କରିଛନ୍ତି ଏବଂ ଏହା ଡିସେମ୍ବର ୭ରେ ନେଟଫ୍ଲିକ୍ସରେ ମୁକ୍ତିଲାଭ କରିବ । ପ୍ରଥମ ଥର ପାଇଁ ସୁହାନା ଏବଂ ଅଗସ୍ତ୍ୟା ସ୍କ୍ରିନ୍ ସେୟାର କରିଛନ୍ତି । ଏହି ଫିଲ୍ମରେ ଏକାଠି କାମ କରିବା ଦିନଠାରୁ ଆଲୋଚନାରେ ରହି ଆସିଛନ୍ତି ସୁହାନା ଅଗସ୍ତ୍ୟା । ଉଭୟ ଡେଟିଂ କରୁଥିବା ଚର୍ଚ୍ଚା ହେଉଥିବା ବେଳେ ଉଭୟ ଏପର୍ଯ୍ୟନ୍ତ କୌଣସି ପ୍ରତିକ୍ରିୟା ଦେଇନାହାନ୍ତି । ସେପଟେ ଏହି ଫିଲ୍ମ ସହ ଖୁସୀ କପୁର ମଧ୍ୟ ଡେବ୍ୟୁ କରିବାକୁ ଯାଉଛନ୍ତି ।
