ହାଇଦ୍ରାବାଦ: ଫିଲ୍ମ ନିର୍ମାତା କରଣ ଜୋହରଙ୍କ ଧର୍ମା ପ୍ରଡକ୍ସନ୍ସର ବ୍ୟାନରରେ ନିର୍ମିତ ଫିଲ୍ମ 'ଲାଇଗର'ର ଟ୍ରେଲର ଗୁରୁବାର (ଜୁଲାଇ 21)ରେ ରିଲିଜ ହୋଇଥିବା ବେଳେ ଆଜି ଫିଲ୍ମର ଏକ ନୂଆ ଗୀତ 'Waat Laga Denge' ରିଲିଜ ହୋଇଛି । ଫିଲ୍ମ 'ଲାଇଗର'ର ମୁଖ୍ୟ ଷ୍ଟାରକାଷ୍ଟ ହେଉଛନ୍ତି ଦକ୍ଷିଣ ସୁପରଷ୍ଟାର ବିଜୟ ଦେବରକୋଣ୍ଡା ଏବଂ ଅଭିନେତ୍ରୀ ଅନନ୍ୟା ପାଣ୍ଡେ । ବିଜୟ ଏହି ଫିଲ୍ମ ସହିତ ବଲିଉଡରେ ଡେବ୍ୟୁ କରିବାକୁ ଯାଉଛନ୍ତି । ଏହି ଫିଲ୍ମ ଖୁବ୍ ଶୀଘ୍ର ରିଲିଜ ହେବାକୁ ଯାଉଛି ।
- " class="align-text-top noRightClick twitterSection" data="">
ଉଲ୍ଲେଖନୀୟ ଯେ, ଏହି ଗୀତକୁ ନିର୍ଦ୍ଦେଶକ ପୁରୀ ଜଗନ୍ନାଥ ଲେଖିଛନ୍ତି ଏବଂ ଫିଲ୍ମର ମୁଖ୍ୟ ଅଭିନେତା ବିଜୟ ଦେବରାକୋଣ୍ଡା ନିଜେ ଏହାକୁ ଗାଇଛନ୍ତି । ଏହାପୂର୍ବରୁ ବିଜୟଙ୍କ ପ୍ରଥମ ହିନ୍ଦୀ ଚଳଚ୍ଚିତ୍ର 'ଲାଇଗର'ର ଟ୍ରେଲର ଆଉଟ୍ ହୋଇଥିଲା । 2.02 ମିନିଟର ଟ୍ରେଲରରେ ବିଜୟ ଦେବରକୋଣ୍ଡା ଏକ ଜବରଦସ୍ତ ଷ୍ଟାଇଲରେ ନଜର ଆସିଛନ୍ତି । ଅନନ୍ୟା ପାଣ୍ଡେ ମଧ୍ୟ ବହୁତ ସୁନ୍ଦର ଅଭିନୟ କରିଛନ୍ତି । ଫିଲ୍ମ ବିଷୟରେ କହିବା ତ, 2019 ରେ ଫିଲ୍ମ ଘୋଷଣା କରାଯାଇଥିଲା ଏବଂ 2021ରେ ଏହାର ନାଁ ଉପରେ ମୋହର ଲଗାଯାଇଥିଲା । ଫେବୃଆରୀ 2021ରେ ଫିଲ୍ମର ସୁଟିଂ ଆରମ୍ଭ ହୋଇଥିଲା । ଏହି ଚଳଚ୍ଚିତ୍ରରେ ରାମ୍ୟା କୃଷ୍ଣନ୍ ମଧ୍ୟ ନଜର ଆସିବେ । ଆମେରିକୀୟ ବକ୍ସର ମାଇକ ଟାଇସନଙ୍କ ମଧ୍ୟ ଏହି ଫିଲ୍ମରେ ଏକ କ୍ୟାମୋ ରହିଛି ।
ଏହାପୂର୍ବରୁ ଅର୍ଥାତ ବୁଧବାର (ଜୁଲାଇ 6) ରେ କରଣ ଜୋହର ଫିଲ୍ମ 'ଲାଇଗର'ର ନୂଆ ପୋଷ୍ଟର ସେୟାର କରି ଲେଖିଥିଲେ,' 50 ଦିନ ପରେ ଆପଣଙ୍କ ସାମ୍ନାରେ ଯାହା ଉପସ୍ଥାପିତ ହେବାକୁ ଯାଉଛି ତାହାର ଆଉ ଏକ ସୁନ୍ଦର ଝଲକ ... ଆସନ୍ତୁ କିଛି ବଡ ମ୍ୟୁଜିକ୍ ସହିତ ପାଳନ କରିବା । ଦକ୍ଷିଣ ନିର୍ଦ୍ଦେଶକ ପୁରୀ ଜଗନ୍ନାଥ ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି। ଏହି ଚଳଚ୍ଚିତ୍ର ଚଳିତ ବର୍ଷ ଅଗଷ୍ଟ 25ରେ ରିଲିଜ ହେବାକୁ ଯାଉଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
