ମୁମ୍ବାଇ: ବିରାଟ କୋହଲି ଏବଂ ତାଙ୍କ ପତ୍ନୀ ଅନୁଷ୍କା ଶର୍ମା ମୁମ୍ବାଇରେ ଥିବା ତାଙ୍କ ରେସ୍ତୋଁରାଣ୍ଟରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଖେଳାଳି ଏବଂ ସପୋର୍ଟ ଷ୍ଟାଫଙ୍କ ପାଇଁ ଏକ ସ୍ୱତନ୍ତ୍ର ରାତ୍ରୀ ଭୋଜନର ଆୟୋଜନ କରିଥିଲେ। ଏହି ସମୟର ଏକ ମଜାଳିଆ ଭିଡିଓ ଏବେ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି। ଯେଉଁଥିରେ ପାପରାଜିଙ୍କ ଆଗରେ ଫଟୋ ପୋଜ ବେଳେ ପାପରାଜି ଅନୁଷ୍କାଙ୍କୁ ଭୁଲରେ ସାର ବୋଲି ଡାକିଥିଲେ। ଏହାକୁ ନେଇ ବିରାଟ ମଜାଳିଆ ଢଙ୍ଗରେ ତାଙ୍କୁ ପ୍ରତିକ୍ରିୟା ଦେଇଥିଲେ। ଏବଂ କହିଥିଲେ, ବିରାଟ ମେମ ବୋଲି ମଧ୍ୟ ଡାକିଦିଅ।
- " class="align-text-top noRightClick twitterSection" data="
">
ଗତକାଲି ଏହି ଦମ୍ପତି ତାଙ୍କ ରେସ୍ତୋଁରାଣ୍ଟ ବାହାରେ ପ୍ୟାପ୍ ପାଇଁ ପୋଜ୍ କରୁଥିବା ବେଳେ ଜଣେ ପାପାରାଜି ଭୁଲରେ ଅନୁଷ୍କାଙ୍କୁ 'ସାର୍' ବୋଲି କହିଥିଲେ। ଏନେଇ ବିରାଟ ପ୍ୟାପଙ୍କୁ ମଜାଳିଆ ପ୍ରତିକ୍ରିୟା ଦେଇଥିଲେ। ସେ ପ୍ୟାପ୍ସକୁ କହିଥିଲେ, ବିରାଟ ମେମ ବୋଲି ମଧ୍ୟ ଡାକିଦିଅ। ପରେ ଦମ୍ପତି ଏବଂ ପ୍ୟାପ୍ ହସିବାକୁ ଲାଗିଲେ। ଏହି ସମୟରେ ଅନୁଷ୍କା ହ୍ବାଇଟ ପ୍ୟାଣ୍ଟ, ସାର୍ଟ ରେ ଷ୍ଟାଇଲିସ ଲୁକରେ ନଜର ଆସିଥିବା ବେଳେ ବିରାଟ ଏକ ପ୍ରିଣ୍ଟେଡ ସାର୍ଟ ସହ ବ୍ଲାକ ପ୍ୟାଣ୍ଟରେ ଖୁବ ସୁନ୍ଦର ଦେଖାଯାଉଥିଲେ। ଏଭଳି ମଜାଳିଆ କଥାବାର୍ତ୍ତା କରି ଉଭୟ ସେଠାରୁ ଚାଲିଯାଇଥିଲେ। ହେଲେ ଏହି ଭିଡିଓ ଏବେ ସୋସିଆଲ ମିଡିଆରେ ବେଶ ଭାଇରାଲ ହେଉଛି।
ସୂଚନା ଅନୁସାରେ, ଲୋକପ୍ରିୟ ସେଲିବ୍ରିଟି ଦମ୍ପତିଙ୍କ ମଧ୍ୟରେ ବିରାଟ କୋହଲି ଏବଂ ଅନୁଷ୍କା ଶର୍ମା ଅନ୍ୟତମ। ବୃତ୍ତିଗତ ସମେତ ନିଜ ବ୍ୟକ୍ତିଗତ ଜୀବନକୁ ନେଇ ବେଶ ଚର୍ଚ୍ଚାରେ ରହିଥାନ୍ତି ଦମ୍ପତି। ଏବଂ ଏହି ସୁନ୍ଦର ଦମ୍ପତିଙ୍କ ସର୍ବଦା ଭିଡିଓ ଏବଂ ଫଟୋ ସେସିଆଲ ମିଡିଆରେ ବେଶ ଭାଇରାଲ ହୋଇଥାଏ। କେତେବେଳେ ବିରାଟ ଅନୁଷ୍କା ତାଙ୍କ ଝିଅଙ୍କ ସହ ଫଟୋ ସେୟାର କରନ୍ତି ତ ଆଉ କେତେବେଳେ ଉଭୟ ତାଙ୍କର ମଜାଳିଆ ଭିଡିଓ ପ୍ରଶଂସକଙ୍କ ହୃଦୟ ଜିତୁଥିବା ଦେଖିବାକୁ ମିଳିଥାଏ । ନିକଟରେ ଉଭୟଙ୍କ ମଜାଳିଆ ଡ୍ୟାନ୍ସର ଭିଡିଓ ଭାଇରାଲ ହୋଇଥିଲା। ଏବେ ପ୍ୟାପ୍ସଙ୍କ ସହ ଦମ୍ପତିଙ୍କ ଏହି ଭିଡିଓ ମଧ୍ୟ ବେଶ ଭାଇରାଲ ହେଉଛି।
ସୂଚନା ଥାଉ କି, ଲୋକପ୍ରିୟ ଫ୍ରାଞ୍ଚାଇଜ୍ ରୟାଲ୍ ଚ୍ୟାଲେଞ୍ଜର୍ସ ବାଙ୍ଗାଲୋରରେ ଖେଳୁଥିବା ବେଳେ କୋହଲି ବର୍ତ୍ତମାନ ତାଙ୍କ ଆଇପିଏଲ୍ କାର୍ଯ୍ୟସୂଚୀରେ ନିୟୋଜିତ ଅଛନ୍ତି। ଅନ୍ୟପକ୍ଷରେ ଅଭିନେତ୍ରୀ ଅନୁଷ୍କାଙ୍କ ୱାର୍କପ୍ରଣ୍ଟ କଥା କହିବାକୁ ଗଲେ, ଅନୁଷ୍କା ତାଙ୍କ ଭାଇ କର୍ନେଶ ଶର୍ମାଙ୍କ ନିର୍ମିତ ଫିଲ୍ମ ଚକଡା ଏକ୍ସପ୍ରେସରେ ଦେଖିବାକୁ ମିଳିବ। ଏହି ଫିଲ୍ମଟି ଭାରତୀୟ ମହିଳା କ୍ରିକେଟର ଝୁଲଣ ଗୋସ୍ବାମୀଙ୍କ ବାୟୋପିକ ଅଟେ। ଫିଲ୍ମରେ ଅନୁଷ୍କା ଝୁଲଣ ଗୋସ୍ବାମୀଙ୍କ ଭୂମିକାରେ ନଜର ଆସିବେ। ତେବେ ଅନୁଷ୍କା କ୍ରିକେଟ ଖେଳୁଥିବାର ଅନେକ ଫଟୋ ଏବଂ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇସାରିଛି। ଝିଅ ଭାମିକାଙ୍କୁ ସ୍ୱାଗତ କରିବା ପରେ ଅନୁଷ୍କାଙ୍କର ଏହା ପ୍ରଥମ ଫିଲ୍ମ ହେବ। ତେବେ ଏହି ଫିଲ୍ମକୁ ନେଇ ଫ୍ୟାନ୍ସ ବେଶ ଉତ୍ସାହର ସହ ଅପେକ୍ଷା କରିଥିବା ବେଳେ ଅନୁଷ୍କା ମଧ୍ୟ ବେଶ ଉତ୍ସାହିତ ଅଛନ୍ତି।
