ହାଇଦ୍ରାବାଦ: ଜରା ହଟକେ ଜରା ବଟକେ ଫିଲ୍ମର ଦମଦାର ସଫଳତା ପରେ ବର୍ତ୍ତମାନ ବିକି କୌଶଲ ଆଗାମୀ ଫିଲ୍ମ ଦ ଗ୍ରେଟ୍ ଇଣ୍ଡିଆନ୍ ଫ୍ୟାମିଲି ସହ ବଡ ପରଦାରେ ନଜର ଆସିବେ । ଏହି ଫିଲ୍ମ ସେପ୍ଟେମ୍ବର 22ରେ ରିଲିଜ ହେବ । ଯାହାକୁ ନେଇ ବର୍ତ୍ତମାନ ଅଭିନେତା ଫିଲ୍ମର ପ୍ରମୋସନରେ ବ୍ୟସ୍ତ ଅଛନ୍ତି । ସେ ତାଙ୍କ ପତ୍ନୀ କ୍ୟାଟ୍ରିନା କୈଫଙ୍କ ସହ ତାଙ୍କ ଲଭଷ୍ଟୋରୀକୁ ନେଇ ଖୁଲାସା କରିଛନ୍ତି । କ୍ୟାଟ୍ରିନାଙ୍କ ସହ ସମ୍ପର୍କ ନେଇ ତାଙ୍କ ପରିବାରର କିଏ ପ୍ରଥମେ ଜାଣିଲେ ଅଭିନେତା ସେନେଇ ପ୍ରତିକ୍ରିୟା ଦେଇଛନ୍ତି ।
ଏକ ରେଡିଓ ଚ୍ୟାନେଲରେ ସାକ୍ଷାତକାର ସମୟରେ ବିକି ପ୍ରକାଶ କରିଛନ୍ତି ଯେ, ତାଙ୍କ ପରିବାରରେ କିଏ ପ୍ରଥମେ କ୍ୟାଟ୍ରିନାଙ୍କ ସହ ତାଙ୍କ ସମ୍ପର୍କ ବିଷୟରେ ଜାଣିଥିଲେ। ବିକି କହିଥିଲେ ଯେ, ପ୍ରତ୍ୟେକ ମଣିଷର ବାପାମା' ହିଁ ବିଶ୍ବସ୍ତ ଲୋକ ଅଟନ୍ତି। ଏଣୁ ଉଭୟ ମା' ଏବଂ ବାପାଙ୍କୁ କ୍ୟାଟ୍ରିନାଙ୍କ ସହ ସମ୍ପର୍କ ବିଷୟରେ ମୁଁ ଅବଗତ କରାଇଥିଲି । ଏହା ପରେ ତାଙ୍କୁ ଯେତେବେଳେ ପଚରାଗଲା ତାଙ୍କ ପିତାମାତା ଏହା ଶୁଣିବା ପରେ ଆପଣଙ୍କୁ ବିଶ୍ବାସ କଲେ କି ? ପ୍ରଥମେ ସେମାନେ ବିଶ୍ବାସ କରିପାରିଲେ ନାହିଁ କିନ୍ତୁ ପରେ ସେମାନେ ରାଜି ହୋଇଥିଲେ ।
ଏହି ସାକ୍ଷାତକାରରେ ତାଙ୍କୁ ପଚରାଗଲା ଆପଣଙ୍କ ପିତାମାତା ଆପଣଙ୍କ ସମ୍ପର୍କିତ ଖବର ନ୍ୟୁଜ ଚ୍ୟାନେଲ, ଲୋକପ୍ରିୟ ପାପରାଜିଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଭାଇରାଲ ହେଉଛି ଜାଣିଥିଲେ କି । ଏହି ପ୍ରଶ୍ନର ଉତ୍ତରରେ ବିକି ହସି ଉତ୍ତର ଦେଇଛନ୍ତି ଯେ, ମୋ ବାପା ମା' ବାହାର ଲୋକଙ୍କ ଠାରୁ ଏହି କଥା ଜାଣି ନଥିଲେ । ମୁଁ ହିଁ ପୂର୍ବରୁ ଅବଗତ କରାଇଥିଲି । ପରେ 2021ରେ କ୍ୟାଟ୍ରିନା ଏବଂ ବିକି ବିବାହ କରିଥିଲେ । ଏହା ପରେ ବିକିଙ୍କୁ ପଚରାଗଲା କି, ପରିବାର ଆରମ୍ଭ ନେଇ କେହି ସଦସ୍ୟ ଆପଣଙ୍କୁ ଚାପ ପକାଉଥିଲେ କି । ସେ କହିଛନ୍ତି, ଆମ ପରିବାରର ସଦସ୍ୟ ସମସ୍ତେ ଶାନ୍ତ । ଆମ ପରିବାରରେ କାହାରି ଉପରେ ଚାପ ପକା ଯାଏନାହିଁ ।
ବିବାହିତ ଦମ୍ପତି ହୋଇଥିଲେ ମଧ୍ୟ ବିକି ଏବଂ କ୍ୟାଟ୍ରିନାଙ୍କୁ କୌଣସି ଫିଲ୍ମରେ ଏକାଠି କାମ କରିବାର ସୁଯୋଗ ମିଳିନାହିଁ । ଅନ୍ସ୍କ୍ରିନ୍ ଏକାଠି ନଜର ଆସିବା ନେଇ ପଚାରିବାରୁ ବିକି ମଜାଳିଆ ଢଙ୍ଗରେ ଉତ୍ତର ଦେଇ କହିଲେ ଯେ ସେଟ୍ରେ ଦୁଇଜଣ ନିର୍ଦ୍ଦେଶକ ରହିବୁ ବୋଲି ଆଶା କରିଥିଲି । ଜଣେ ଚଳଚ୍ଚିତ୍ର ନିର୍ଦ୍ଦେଶକ ଏବଂ ଆଉ ଜଣେ କ୍ୟାଟ୍ରିନା । ଜଣେ ସୁଟିଂରେ ଏବଂ ଆଉ ଜଣେ ସୁଟିଂ ପରେ ଘରେ ତାଙ୍କ କ୍ରିଏଟିଭିଟିକୁ ଇନପୁଟ୍ ପ୍ରଦାନ କରିବେ ।
ଏହା ମଧ୍ୟ ପଢନ୍ତୁ: କ୍ୟାଟ୍ରିନା କୈଫଙ୍କ ସହ ସମ୍ପର୍କକୁ ନେଇ ବିକିଙ୍କ ଖୁଲାସା, ଏମିତି କ୍ୟାଟ୍ରିନାଙ୍କ ପ୍ରେମରେ ପଡିଥିଲେ
ୱାର୍କଫ୍ରଣ୍ଟ୍ କଥା କହିବାକୁ ଗଲେ, ବିକି କୌଶଲଙ୍କୁ ଶେଷ ଥର ପାଇଁ ସାରା ଅଲି ଖାନଙ୍କ ସହ 'ଜରା ବଚକେ ଜରା ହଟକେ' ଫିଲ୍ମରେ ଦେଖିବାକୁ ମିଳିଥିଲା । ଏହି ଫିଲ୍ମ ଭଲ ରୋଜଗାର କରିବା ସହ ହିଟ୍ ହୋଇଥିଲା । ବର୍ତ୍ତମାନ ଅଭିନେତାଙ୍କୁ ଦ ଗ୍ରେଟ୍ ଇଣ୍ଡିଆନ ଫ୍ୟାମିଲି ଫିଲ୍ମରେ ଦେଖିବାକୁ ମିଳିବ । ଏହି ଫିଲ୍ମ ସେପ୍ଟେମ୍ବର 22ରେ ସାରା ବିଶ୍ୱରେ ରିଲିଜ୍ ହେବାକୁ ଯାଉଛି । ଏଥିସହ ବିକି 'ଡଙ୍କି' ଏବଂ 'ମେରେ ମେହବୁବ ମେରେ ସନମ'ରେ ନଜର ଆସିବେ । ସେପଟେ କ୍ୟାଟ୍ରିନାଙ୍କୁ ପୁଣି ଟାଇଗର-3ରେ ସଲମାନ ଖାନଙ୍କ ସହ ଦେଖିବାକୁ ମିଳିବ । ଏଥିସହ ସେ ମେରୀ ଖ୍ରୀଷ୍ଟମାସରେ ମଧ୍ୟ ନଜର ଆସିବେ ।
