ହାଇଦ୍ରାବାଦ: ଅଭିନେତା ବରୁଣ ଧାୱନ ଆଜିକାଲି ତାଙ୍କ ଫିଲ୍ମ 'ଭେଡିଆ'କୁ ନେଇ ଟର୍ଚ୍ଚାରେ ଅଛନ୍ତି । ନିକଟରେ ଫିଲ୍ମର ଭୟାନକ ଟିଜର ରିଲିଜ ହୋଇଥିଲା(varun dhawan and samantha ruth prabhu citadel) । ଭେଡିଆ ଚଳଚ୍ଚିତ୍ରର ଟିଜର୍କୁ ମଧ୍ୟ ଦର୍ଶକ ବହୁତ ପସନ୍ଦ କରିଥିଲେ । ବର୍ତ୍ତମାନ ବରୁଣ ଧାୱନ ତାଙ୍କର OTT ଡେବ୍ୟୁ କରିବାକୁ ଯାଉଛନ୍ତି ତାହା ପୁଣି ଦକ୍ଷିଣର ଚର୍ଚ୍ଚିତ ଅଭିନେତ୍ରୀ ସାମନ୍ଥା ରୁଥ ପ୍ରଭୁଙ୍କ ସହ । ତେବେ ବରୁଣ ଏବଂ ସାମନ୍ଥାଙ୍କ ଯୋଡିକୁ ଦର୍ଶକ ଖୁବ ଶୀଘ୍ର ଦେଖିବାକୁ ପାଇବେ । ବରୁଣ-ସାମନ୍ଥା ଖୁବ୍ ଶୀଘ୍ର 'Citadel' ସିରିଜର ଭାରତୀୟ ସଂସ୍କରଣ ପାଇଁ ସୁଟିଂ ଆରମ୍ଭ କରିବାକୁ ଯାଉଛନ୍ତି । ପ୍ରିୟଙ୍କା ଚୋପ୍ରା Citadelର ଗ୍ଲୋବାଲ ସିରିଜରେ ଅଛନ୍ତି।
ମିଡିଆ ରିପୋର୍ଟ ଅନୁଯାୟୀ, ସାମନ୍ଥା ଏହି ଧାରାବାହିକ ପାଇଁ କାମ ଆରମ୍ଭ କରିଛନ୍ତି । ବର୍ତ୍ତମାନ ସାମନ୍ଥା ଆମେରିକାରେ ଫିଟନେସ୍ ଟ୍ରେନିଂ ନେଉଛନ୍ତି । ମିଡିଆ ରିପୋର୍ଟ ମୁତାବକ ବରୁଣ ଧାୱନ ଏବଂ ସାମନ୍ଥା ଆସନ୍ତା ମାସରୁ ଏହି ସିରିଜ୍ ପାଇଁ ଓ୍ବାର୍କସପ୍ ଆରମ୍ଭ କରିବାକୁ ଯାଉଛନ୍ତି। ଏହା ଏକ ସ୍ପାଇ ଥ୍ରୀଲର ସିରିଜ୍ । ଏହା ଭାରତୀୟ ସଂସ୍କରଣରେ ପ୍ରସ୍ତୁତ କରାଯାଉଛି । ଏଥି ସହିତ, ସାମନ୍ଥା ସିରିଜ୍ ପାଇଁ ଆମେରିକାରେ ସ୍ଟ୍ରିଟ୍ ଡାଏଟ୍ ସହିତ ରୁଟିନ୍ ଫଲୋ କରୁଛନ୍ତି । ଏଥିପାଇଁ ଓ୍ବାର୍କସପ୍ ମଧ୍ୟ ଆସନ୍ତା ମାସରୁ ଆରମ୍ଭ ହେବାକୁ ଯାଉଛି|
କାହାଣୀ କ’ଣ ହେବ ?
ଏହି ଧାରାବାହିକର କାହାଣୀ ଭାରତୀୟ ସଂସ୍କରଣରେ 90 ଦଶକର କାହାଣୀକୁ ଆବୃତ କରାଯିବ । ଏଥିପାଇଁ ବରୁଣ ଏବଂ ସାମନ୍ଥାଙ୍କ ଲୁକ୍ ଉପରେ ମଧ୍ୟ କାମ ଚାଲିଛି । ତେବେ ଏପର୍ଯ୍ୟନ୍ତ ଏ ସମ୍ପର୍କରେ ସିରିଜ ମେକର୍ସଙ୍କ ପକ୍ଷରୁ ଏହାକୁ ନେଇ କୌଣସି ସୂଚନା ଦିଆଯାଇନାହିଁ।
ପ୍ରିୟଙ୍କାଙ୍କୁ 'Citadel'ରେ ଦେଖିବାକୁ ମିଳିଥିଲା
'Citadel' ଗ୍ଲୋବାଲ ସିରିଜରେ ବଲିଉଡର ଦେଶୀ ଗାର୍ଲ ପ୍ରିୟଙ୍କା ଚୋପ୍ରାଙ୍କୁ ଦେଖିବାକୁ ମିଳିଥିଲା। ଏହି ଗ୍ଲୋବାଲ୍ ସିରିଜ୍ରେ ଭାରତ, ମେକ୍ସିକୋ ଏବଂ ଇଟାଲୀର ଦୃଶ୍ୟ ଦେଖିବାକୁ ମିଳିଥିଲା ।
