ହାଇଦ୍ରାବାଦ: ରଣଭୀର ସିଂ ଏବଂ ଆଲିଆ ଭଟ୍ଟଙ୍କ ଅଭିନୀତ ଚଳଚ୍ଚିତ୍ର 'ରକି ଔର ରାନୀ କି ପ୍ରେମ କାହାନୀ'ରେ ଧର୍ମେନ୍ଦ୍ର ଏବଂ ଶବାନା ଆଜମୀ ପରି ଭେଟେରାନ ଅଭିନେତାଙ୍କ ଲିପଲକ ସିନକୁ ନେଇ ସୋସିଆଲ ମିଡିଆରେ ଅନେକ ଚର୍ଚ୍ଚା ହେଉଛି । ପୂର୍ବରୁ ଧର୍ମେନ୍ଦ୍ର ଏନେଇ ପ୍ରତିକ୍ରିୟା ରଖିବା ପରେ ଏବେ ଶବାନା ମଧ୍ୟ ମୁହଁ ଖୋଲିଛନ୍ତି ।
ଶବାନା କହିଛନ୍ତି, ଯେତେବେଳେ ଆମେ ଚୁମ୍ବନ ଦେଇଥାଉ ଲୋକମାନେ ହସନ୍ତି ଏବଂ ପ୍ରୋତ୍ସାହିତ କରନ୍ତି । କିନ୍ତୁ ସୁଟିଂ ସମୟରେ ମୋର କୌଣସି ଅସୁବିଧା ନଥିଲା, ସମସ୍ତେ ଜାଣନ୍ତି ଯେ ମୁଁ ଫିଲ୍ମରେ ଅଧିକ ଚୁମ୍ବନ ଦେଇ ନାହିଁ, କିନ୍ତୁ ଧର୍ମେନ୍ଦ୍ରଙ୍କ ପରି ତାରକା ଏବଂ ସୁନ୍ଦର ଅଭିନେତାଙ୍କୁ କିଏ ବା କିସ କରିବାକୁ ନ ଚାହିଁବ । ଶବାନାଙ୍କ ଏଭଳି କହିବା ପରେ ତାଙ୍କ ସ୍ବାମୀ ତଥା ଲୋକପ୍ରିୟ ଲେଖକ ଜାଭେଦ ଅଖତର ପ୍ରତିକ୍ରିୟା ଦେଇଛନ୍ତି ।
ଯେତେବେଳେ ଶବାନା ଆଜମୀଙ୍କୁ ତାଙ୍କ ସ୍ୱାମୀ ଜାଭେଦ ଅଖତରଙ୍କ ପ୍ରତିକ୍ରିୟା ବିଷୟରେ ପଚରାଯାଇଥିଲା, ଭେଟେରାନ ଅଭିନେତ୍ରୀ କହିଛନ୍ତି ଯେ ସେ ଏଥିରେ କିଛି ସମସ୍ୟା ନାହିଁ, ବରଂ ତାଙ୍କ ସହ ଫିଲ୍ମ ଦେଖିବାବେଳେ ମୁଁ ବହୁତ ହଙ୍ଗାମା କରିଥିଲି, ମୁଁ ଉତ୍ସାହିତ ଥିଲି । ପୁରା ଫିଲ୍ମ ସରିବା ଯାଏଁ ତାଳି ଏବଂ ସିଟି ବଜାଇଥିଲି । ସେ ଏଭଳି ପ୍ରତିକ୍ରିୟା ଦେଉଥିଲେ କି ସେ ମୋତେ ଜାଣି ନାହାନ୍ତି ।
ପୂର୍ବରୁ ଏହି ସିନ ନେଇ ନିର୍ଦ୍ଦେଶକ କରଣ ଜୋହର କହିଥିଲେ, ଏହି ସିନ ପାଇଁ ମୁଁ ସେମାନଙ୍କୁ ଆଦୌ ବାଧ୍ୟ କରି ନ ଥିଲି, ଦୁହେଁ କେବଳ ନିଜ କାମ କରୁଥିଲେ, ମୋର ପ୍ରିୟ ଗୀତ ଅଭି ନା ଜାଓ ବ୍ୟତୀତ ଏହି ସିନରେ ସେମାନେ ମୋତେ କୌଣସି ପ୍ରଶ୍ନ ମଧ୍ୟ ପଚାରି ନଥିଲେ । ଚଳଚ୍ଚିତ୍ରରେ, ଏହା ଏହି ଯୋଡିର ଗୀତ ହୋଇଗଲା । ସେପଟେ ଏନେଇ ଧର୍ମେନ୍ଦ୍ର କହିଥିଲେ ଯେ, ଶବାନା ଏବଂ ମୁଁ ଦୁହେଁ ଏହି ସିନ୍ ପାଇଁ କୌଣସି ପ୍ରକାରର ଖରାପ ଅନୁଭବ କରିନଥିଲୁ କାରଣ ଏହି ସିନ୍ଟି ଖୁବ ସୁନ୍ଦର ଭାବେ କରାଯାଇଥିଲା ।”
ସୂଚନା ଥାଉ କି, କରଣ ଜୋହରଙ୍କ ନିର୍ଦ୍ଦେଶନା ରକି ଏବଂ ରାନୀଙ୍କ ପ୍ରେମ କାହାଣୀରେ ଶବାନା ଆଜମୀ ଧର୍ମେନ୍ଦ୍ରଙ୍କ ଦୀର୍ଘ ଦିନର ହଜିଯାଇଥିବା ପ୍ରେମିକର ଚରିତ୍ରରେ ଅଭିନୟ କରୁଛନ୍ତି ଏହି ଚଳଚ୍ଚିତ୍ରରେ, ଯେତେବେଳେ ସେମାନେ ଦୀର୍ଘ ସମୟ ପରେ ଭେଟନ୍ତି, ପରସ୍ପର ପ୍ରତି ଥିବା ଭଲପାଇବା ପୁନର୍ବାର ଜାଗ୍ରତ ହୁଏ । ଏଥି ସହିତ ଉଭୟଙ୍କ ଫିଲ୍ମରେ ଏକ କିସ ସିନ ରହିଛି, ଯାହାକୁ ନେଇ ଏବେ ଚର୍ଚ୍ଚା ଜୋର ଧରିଛି ।
