ହାଇଦ୍ରାବାଦ: ବଲିଉଡ୍ର ଲିଟିଲ ସୁପରହିରୋ ଟାଇଗର ଶ୍ରଫ୍ ଏବଂ ଅଭିନେତ୍ରୀ କ୍ରିତି ସାନନ୍ଙ୍କ ଅଭିନୀତ ଫିଲ୍ମ 'ଗଣପଥ-ଏ ହିରୋ ଇଜ ବର୍ନ'କୁ ନେଇ ଏକ ନୂଆ ଅପଡେଟ୍ ସାମ୍ନାକୁ ଆସିଛି । ନିର୍ମାତାମାନେ ବୁଧବାର ସେମାନଙ୍କ ଚଳଚ୍ଚିତ୍ରର ଟିଜର ରିଲିଜ୍ ତାରିଖ ଆଗକୁ ବଢ଼ାଇ ଦେଇଛନ୍ତି । ଏହାପୂର୍ବରୁ ଘୋଷଣା ହୋଇଥିଲା କି, ଫିଲ୍ମର ଅଫିସିଆଲ୍ ଟିଜର ଆଜି (27 ସେପ୍ଟେମ୍ବର) ମୁକ୍ତିଲାଭ କରିବ । କିନ୍ତୁ ବର୍ତ୍ତମାନ ପ୍ରଶଂସକଙ୍କୁ ଆଉ କିଛି ଦିନ ଅପେକ୍ଷା କରିବାକୁ ପଡ଼ିପାରେ ।
ସ୍ଥଗିତକୁ ନେଇ କଣ କହିଲେ ଟାଇଗର
27 ସେପ୍ଟେମ୍ବର ସକାଳେ ଟାଇଗର ଶ୍ରଫ୍ ଏକ ପୋଷ୍ଟ ସେୟାର କରିଛନ୍ତି । ଏଥିରେ ଟାଇଗର କହିଛନ୍ତି ଯେ, "ଗଣପଥ ଟିଜର ରିଲିଜ ତାରିଖକୁ ସ୍ଥଗିତ ରଖାଯାଇଛି । ବର୍ତ୍ତମାନ ଗଣପଥର ଟିଜର 29 ସେପ୍ଟେମ୍ବରରେ ମୁକ୍ତିଲାଭ କରିବ । ସେ ଆହୁରି ଲେଖିଛନ୍ତି ଯେ, "ଆମକୁ ଭେଟିବା ପାଇଁ ଆଉ ଟିକିଏ ସମୟ ଅପେକ୍ଷା କରିବାକୁ ପଡିବ, କାରଣ ଆମେ ଆପଣଙ୍କ ପାଇଁ କିଛି ଖାସ୍ ଆଣିଛୁ ।"
ଟାଇଗର 3 ସହିତ କରିବାକୁ ଚାହୁଁନାହାନ୍ତି ମୁକାବିଲା
ଉଲ୍ଲେଖନୀୟ ଯେ, ଗଣପଥର ଟିଜର 29 ସେପ୍ଟେମ୍ବର 2023 ରେ ମୁକ୍ତିଲାଭ କରୁଛି । ଏଠାରେ ଅନୁମାନ କରାଯାଉଛି କି, ଟାଇଗର 3 ସହିତ ଗଣପଥ ଟକ୍କର ଦେବାକୁ ଚାହୁଁନାହିଁ । କେବଳ ଏତିକି ନୁହେଁ, ଟାଇଗର 3 ଆଗରେ ଆଉ କୌଣସି ଫିଲ୍ମକୁ ଲାଇମଲାଇଟ୍ ମିଳି ପାରିବା ବି ମୁସ୍କିଲ୍ ଅଟେ । ତେବେ ଫିଲ୍ମ ଗଣପଥ ଦୁର୍ଗା ପୂଜା ଅବସରରେ ଅକ୍ଟୋବର 20ରେ ରିଲିଜ ହେବ । ହିନ୍ଦୀ ସହିତ ଏହି ଚଳଚ୍ଚିତ୍ର ତାମିଲ, ତେଲୁଗୁ, ମାଲାୟାଲମ୍ ଏବଂ କନ୍ନଡ଼ରେ ମଧ୍ୟ ମୁକ୍ତିଲାଭ କରିବ ।
ଏହା ମଧ୍ୟ ପଢନ୍ତୁ: ‘ଗଣପଥ’ରୁ କ୍ରିତି ସାନନ୍ଙ୍କ ନୂଆ ପୋଷ୍ଟର ଆଉଟ୍, ଜସି ଭୂମିକାରେ ଆସିବେ ନଜର
ନୂଆ ପୋଷ୍ଟରରେ ଟାଇଗର ଶ୍ରଫ୍ ଏବଂ କ୍ରିତି ସାନନଙ୍କୁ ପୋଜ୍ ଦେଉଥିବା ଦେଖିବାକୁ ମିଳିଛି । ବିକାଶ ବହଲଙ୍କ ନିର୍ଦ୍ଦେଶିତ ଏହି ଚଳଚ୍ଚିତ୍ରରେ ମେଗାଷ୍ଟାର ଅମିତାଭ ବଚ୍ଚନ ମଧ୍ୟ ଅଭିନୟ କରିଛନ୍ତି । 'ଗଣପଥ-ଏ ହିରୋ ଇଜ ବର୍ନ' ଏକ ଚମତ୍କାର ଉଚ୍ଚ-ଆକ୍ସନ୍ ଫିଲ୍ମ । ଟାଇଗର ଷ୍ଟାରର ଚଳଚ୍ଚିତ୍ରକୁ ଭାସୁ ଭଗ୍ନାନୀ, ଜ୍ୟାକି ଭଗ୍ନାନୀ, ଦୀପଶିଖା ଦେଶମୁଖ ଏବଂ ବିକାଶ ବାହଲ ପ୍ରସ୍ତୁତ କରିଛନ୍ତି । 'ଗଣପଥ' ବ୍ୟତୀତ ଟାଇଗର ଅକ୍ଷୟ କୁମାରଙ୍କ ସହ ଆଗାମୀ ଆକ୍ସନ୍ ଫିଲ୍ମ 'ବଡେ ମିୟାଁ ଛୋଟେ ମିୟାଁ'ରେ ମଧ୍ୟ ଦେଖିବାକୁ ମିଳିବ । ଅଲି ଅବ୍ବାସ ଜାଫରଙ୍କ ନିର୍ଦ୍ଦେଶିତ ଏହି ଚଳଚ୍ଚିତ୍ରଟି ଇଦ୍ 2024 ଅବସରରେ ପ୍ରେକ୍ଷାଳୟରେ ମୁକ୍ତିଲାଭ କରିବାକୁ ଯାଉଛି । ଅନ୍ୟପକ୍ଷରେ କରୀନା କପୁର ଖାନ, ତବୁ ଏବଂ ଦିଲଜିତଙ୍କ ସହ 'ଦ କ୍ରୁ'ରେ ନଜର ଆସିବେ । ଏହା ବ୍ୟତୀତ ତାଙ୍କ ପାଇପଲାଇନରେ କାଜୋଲଙ୍କ ସହ ତାଙ୍କର 'ଦୋ ପତ୍ତି' ମଧ୍ୟ ଅଛି ।
