ମୁମ୍ବାଇ: ଅନୀଲ କପୁର ଏବଂ ଆଦିତ୍ୟ ରୟ କପୁରଙ୍କ ଅଭିନୀତ 'ଦ ନାଇଟ୍ ମ୍ୟାନେଜର' ପରେ ଦର୍ଶକମାନେ ଉତ୍ସାହର ସହ 'ଦ ନାଇଟ୍ ମ୍ୟାନେଜର୍ ୨' କୁ ଅପେକ୍ଷା କରିଥିଲେ । ପ୍ରଶଂସକଙ୍କ ଅପେକ୍ଷା ଶେଷ ହୋଇଛି । ଖୁବଶୀଘ୍ର ରିଲିଜ ହେବାକୁ ଯାଉଛି ଫିଲ୍ମ 'ଦ ନାଇଟ୍ ମ୍ୟାନେଜର୍ ୨' । ଆଜି ଫିଲ୍ମର ଟ୍ରେଲର ରିଲିଜ୍ ହୋଇଛି । ଟ୍ରେଲରରେ ଅନୀଲ କପୁର, ଆଦିତ୍ୟ ରୟ କପୁର ଏବଂ ସାଉଥ ଅଭିନେତ୍ରୀ ଶୋଭିତା ଧୁଲିପାଲାଙ୍କ ଦମଦାର ଅନ୍ଦାଜ ଦେଖିବାକୁ ମିଳିଛି । ବର୍ତ୍ତମାନ ଏହାର ଟ୍ରେଲର ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ସମସ୍ତେ ଏହାକୁ ଲାଇକ କରିବା ସହ ଫିଲ୍ମ ଦେଖଇବାକୁ ଅପେକ୍ଷା କରିଛନ୍ତି ।
- " class="align-text-top noRightClick twitterSection" data="">
ହଟଷ୍ଟାର ସ୍ପେଶାଲ୍ସର ଦ୍ୱିତୀୟ ଭାଗର ବହୁ ପ୍ରତୀକ୍ଷିତ ଟ୍ରେଲର 'ନାଇଟ୍ ମ୍ୟାନେଜର୍ 2'ର ଟ୍ରେଲର ରିଲିଜ୍ ହୋଇଛି । ଟ୍ରେଲରରେ ପ୍ରଥମ ଭାଗ ଅପେକ୍ଷା ଦ୍ୱିତୀୟ ଭାଗ ଦ୍ୱିଗୁଣିତ ଭଲ ଏବଂ ଦମଦାର ହେବାକୁ ଯାଉଛି । ଅନୀଲ କପୁର ଏବଂ ଆଦିତ୍ୟ ରୟ କାପୁରଙ୍କ ଏହି ସିରିଜ୍ OTT ପ୍ଲାଟଫର୍ମରେ ପ୍ରସାରିତ ହେବ । ଟ୍ରେଲରରେ ଇଣ୍ଟେଲିଜେନ୍ସ ଅଫିସର ସଚିନ ସେନଗୁପ୍ତା (ଆଦିତ୍ୟ ରୟ କାପୁର) ଶୈଳୀ (ଶୋଭିତା ଧୂଲିପାଲା)ଙ୍କ ଜୀବନକୁ ନଷ୍ଟ କରିବାରେ ନିୟୋଜିତ ଅଛନ୍ତି । ଏଥି ସହିତ, ଫିଲ୍ମର ଭିଲେନ୍ ଶୈଳେନ୍ଦ୍ର ରୁଙ୍ଗତା (ଅନିଲ କପୁର)ଙ୍କ ଖୁଲାସା କରିବା ପାଇଁ ସାନ୍ ତାଙ୍କ ସହ ବନ୍ଧୁତ୍ୱର ହାତ ବଢାଇଛନ୍ତି, କିନ୍ତୁ ଗୁପ୍ତଚର ଅଧିକାରୀ ଭାବରେ ନୁହେଁ, ବରଂ ନାଇଟ୍ ମ୍ୟାନେଜର ଭାବରେ । ଯାହାକୁ ନେଇ ବର୍ତ୍ତମାନ ଉଭୟଙ୍କ ମଧ୍ୟରେ ଯୁଦ୍ଧ ଆରମ୍ଭ ହୋଇଛି ।
ଆଦିତ୍ୟ ରୟ କପୁର ଓରଫ ସାନ ଅନୀଲ କପୁର ଓରଫ ଶୈଳୀଙ୍କ ଲଙ୍କା ଜାଳିଦେବାକୁ ଆସୁଛନ୍ତି । ତେବେ ଅନୀଲ କପୁର ଟ୍ରେଲରକୁ ତାଙ୍କ ଅଫିସିଆଲ ଇନଷ୍ଟାଗ୍ରାମ ଆକାଉଣ୍ଟରେ ସେୟାର କରିଛ ନ୍ତି। ଏହା ସହିତ କ୍ୟାପସନରେ ଲେଖାଯାଇଛି, 'ଶୈଳୀଙ୍କ ଲଙ୍କା ଜଳାଇବାକୁ ସାନ ପ୍ରସ୍ତୁତ, ବହୁ ପ୍ରତୀକ୍ଷିତ ସିଜନ-2 ଏଠାରେ ଅଛି । 30 ଜୁନରୁ ନାଇଟ୍ ମ୍ୟାନେଜର୍ 2 କେବଳ ହଟଷ୍ଟାରରେ ଦେଖିବାକୁ ମିଳିବ । ୱେବ୍ ସିରିଜ୍ 'ଦି ନାଇଟ୍ ମ୍ୟାନେଜର୍ ୨' ପ୍ରିୟଙ୍କା ଘୋଷ ଏବଂ ସନ୍ଦୀପ ମୋଦି ମିଳିତ ନିର୍ଦ୍ଦେଶନା ଦେଇଛନ୍ତି । ଆଦିତ୍ୟ ରୟ କପୁର ଏବଂ ଅନୀଲ କପୁରଙ୍କ ବ୍ୟତୀତ ହିନ୍ଦୀ ୱେବ୍ ସିରିଜରେ ଶୋଭିତା ଧୂଲିପାଲା, ତିଲୋତ୍ତମା ଶୋମ, ଶାସ୍ବତା ଚାଟର୍ଜୀ ଏବଂ ରବି ବେହେଲ ପ୍ରମୁଖ ଅଭିନୟ କରିଛନ୍ତି ।
ଫେବୃଆରୀ 17ରେ ହଟଷ୍ଟାର ଡିଜନିରେ ରିଲିଜ କରିଥିବା ସିରିଜର ପ୍ରଥମ ଭାଗ ଏବଂ ସମାଲୋଚକ ଏବଂ ପ୍ରଶଂସକମାନେ ଏହାକୁ ପ୍ରଶଂସା କରିଥିଲେ । ତେବେ ପୁଣି ବର୍ତ୍ତମାନ ଏହାର ଦ୍ୱିତୀୟ ଭାଗ 30 ଜୁନରେ ଧମାକା କରିବାକୁ ଯାଉଛି । ଏହି ଧାରାବାହିକ ବିଷୟରେ ନିର୍ମାତା ତଥା ନିର୍ଦ୍ଦେଶକ ସନ୍ଦୀପ ମୋଦୀ କହିଛନ୍ତି ଯେ 'ଦ ନାଇଟ୍ ମ୍ୟାନେଜର୍ ପାର୍ଟ ୨' ପାଇଁ ଡିଜନି ପ୍ଲସ୍ ହଟଷ୍ଟାର ସହ କାମ କରିବା ଏକ ବଡ଼ ସୁଯୋଗ ହୋଇଛି ।
