ହାଇଦ୍ରାବାଦ: ଟିଭି ଅଭିନେତ୍ରୀ ତଥା 'ବିଗ୍ ବସ୍ 15' ବିଜେତା ତେଜସ୍ୱୀ ପ୍ରକାଶ ଏବେ ଚର୍ଚ୍ଚାରେ ଅଛନ୍ତି । ବିଗ୍ ବସ୍ 15 ଟ୍ରଫି ଜିତିବା ପରେ ସେ ଏକତା କପୁରଙ୍କ ସିରିଏଲ 'ନାଗିନ୍ -6'ରେ ମୁଖ୍ୟ ଭୂମିକା ଅଭିନୟ କରୁଛନ୍ତି । ସେବେ ଠାରୁ ଏହି ଅଭିନେତ୍ରୀ କ୍ରମାଗତ ଭାବରେ ଚର୍ଚ୍ଚାରେ ରହିଆସିଛନ୍ତି । ବର୍ତ୍ତମାନ ଅଭିନେତ୍ରୀ ନିଜର ପରିଶ୍ରମରେ ଏକ ମହଙ୍ଗା ଏବଂ ବିଳାସପୂର୍ଣ୍ଣ କାର ଅଡି କିଣିଥିବାରୁ ଲାଇମଲାଇଟରେ ଏଣ୍ଟ୍ରି କରିଛନ୍ତି । ଅଭିନେତ୍ରୀ ସୋସିଆଲ ମିଡିଆରେ ଏହି କାରର ଟେଷ୍ଟ ଡ୍ରାଇଭର ଏକ ଭିଡିଓ ମଧ୍ୟ ସେୟାର କରିଛନ୍ତି ।
ସୋସିଆଲ ମିଡିଆରେ ତେଜସ୍ୱୀଙ୍କ ନୂଆ କାର ବିଷୟରେ ଚର୍ଚ୍ଚା ଜୋର ଧରିଛି । ଏହି ଅଭିନେତ୍ରୀ ମୁମ୍ବାଇର ଏକ ଶୋ’ରୁମ ପରିଦର୍ଶନ କରି ଏକ ଧଳା ରଙ୍ଗର ଅଡି Q7 କିଣିଛନ୍ତି । ଯାହାର ମୂଲ୍ୟ 1 କୋଟି ଟଙ୍କା ରହିଛି । ତେଜସ୍ୱୀ କାର କିଣିବା ପାଇଁ ସାଙ୍ଗରେ ପ୍ରେମିକ କରଣ କୁନ୍ଦ୍ରାଙ୍କୁ ନେଇ ଯାଇଥିଲେ । ଏଥିସହିତ, ପାପାରାଜିଙ୍କ ଆଖିରେ ଆସିବା ମାତ୍ରେ ହିଁ ଅଭିନେତ୍ରୀଙ୍କ କାର ଲାଇମଲାଇଟକୁ ଆସିଯାଇଛି।
କାର କିଣିବାବେଳେ ତେଜସ୍ୱୀ ପୂଜାପାଠ କରିଥିଲେ ଏବଂ ନଡ଼ିଆ ଭାଙ୍ଗିଥିଲେ । ଏହାପରେ ନୂଆ କାରକୁ ଘରକୁ ନେଇଥିଲେ। ବର୍ତ୍ତମାନ ତେଜସ୍ୱୀଙ୍କ ନୂଆ କାରର ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏହା ପରେ ତେଜସ୍ୱୀ ମଧ୍ୟ ତାଙ୍କ ନୂଆ କାର ସହିତ ଅନେକ ସୁନ୍ଦର ଫଟୋ କ୍ଲିକ୍ କରିଥିଲେ, ଯାହା ସୋସିଆଲ ମିଡିଆରେ ଭାଇରାଲ ହେଉଛି।
ବ୍ୟୁରୋ ରିପୋର୍ଟ, ଇଟିଭି ଭାରତ
