ହାଇଦ୍ରାବାଦ: ସଙ୍ଗୀତ ନିର୍ଦ୍ଦେଶକ ଅନିରୁଦ୍ଧ ଆଜିକାଲି ‘ଜବାନ’ର ସଫଳତାକୁ ଉପଭୋଗ କରୁଛନ୍ତି । ତାଙ୍କର ଗୀତଗୁଡିକ ସାରା ଦେଶରେ ବହୁତ ପସନ୍ଦ କରାଯାଉଛି । ଏହି ସମୟରେ, ସେ ତାଙ୍କ ବିବାହ ଖବର ପାଇଁ ମଧ୍ୟ କ୍ରମାଗତ ଭାବେ ଚର୍ଚ୍ଚାରେ ରହିଛନ୍ତି । ନିକଟରେ ଏକ ଖବର ଆସିଲା ଯେ ସେ ଜାତୀୟ ପୁରସ୍କାର ବିଜେତା ଅଭିନେତ୍ରୀ କିର୍ତ୍ତୀ ସୁରେଶଙ୍କ ସହ ବିବାହ କରିବାକୁ ଯାଉଛନ୍ତି । କୁହାଯାଉଥିଲା ଯେ ଦୁହେଁ ଏବେ ରିଲେସନସିପ୍ରେ ଅଛନ୍ତି ଏବଂ ସେମାନେ ଆଉ ପାଦେ ଆଗକୁ ବଢିବା ପାଇଁ ନିଷ୍ପତ୍ତି ନେଇଛନ୍ତି ।
ବର୍ତ୍ତମାନ କିର୍ତ୍ତୀଙ୍କ ପିତା ତଥା ନିର୍ମାତା-ଅଭିନେତା ସୁରେଶ କୁମାର ଏହି ଗୁଜବ ଉପରେ ପ୍ରତିକ୍ରିୟା ରଖିଛନ୍ତି । ଯେତେବେଳେ ସୁରେଶ କୁମାରଙ୍କୁ ଅନିରୁଦ୍ଧଙ୍କ ସହିତ ତାଙ୍କ ଝିଅର ବିବାହ ବିଷୟରେ ପଚରାଯାଇଥିଲା, ସେତେବେଳେ ସେ OTT ପ୍ଲେ’ ସହ କଥାବର୍ତ୍ତା କରି କହିଛନ୍ତି ଯେ ଏଥିରେ କୌଣସି ସତ୍ୟତା ନାହିଁ । ସେ ଏହି ରିପୋର୍ଟଗୁଡ଼ିକୁ ସଂପୂର୍ଣ୍ଣ ଭିତ୍ତିହୀନ ବୋଲି କହିଛନ୍ତି । ସେ ଏହା ମଧ୍ୟ ସ୍ବୀକାର କରିଛନ୍ତି ଯେ, କିର୍ତ୍ତୀ ଏବଂ ଅନିରୁଦ୍ଧଙ୍କ ବିଷୟରେ ଏଭଳି ଖବର ଆସିବା ପ୍ରଥମ ଘଟଣା ନୁହେଁ ।
ସୁରେଶ କୁମାର କହିଛନ୍ତି ଅତୀତରେ କିର୍ତ୍ତୀ ଏବଂ ଅନିରୁଦ୍ଧଙ୍କୁ ନେଇ ଅନେକ ଲିଙ୍କ୍-ଅପ୍ ଖବର ଆସିଛି । ଚଳିତ ବର୍ଷ ଆରମ୍ଭରେ, ଖବର ଆସିଥିଲା ଯେ କୀର୍ତ୍ତି ରିଲେସନ୍ସିପ୍ରେ ରହିବା ପରେ ତାଙ୍କ ପିଲାଦିନର ବନ୍ଧୁ ତଥା ବ୍ୟବସାୟୀଙ୍କୁ ବିବାହ କରିବାକୁ ଯୋଜନା କରିଥିଲେ। ସେହି ସମୟରେ କୀର୍ତ୍ତିଙ୍କ ମାଆ ମେନକା ସୁରେଶ ଏହି ଗୁଜବକୁ ଖଣ୍ଡନ କରି ଏହାକୁ ମିଥ୍ୟା ବୋଲି କହିଥିଲେ । ସେ ଏହା ମଧ୍ୟ କହିଛନ୍ତି ଯେ ସେ ଏ ବିଷୟରେ ଅଧିକ କଥାବାର୍ତ୍ତା କରିବାକୁ ଚାହାଁନ୍ତି ନାହିଁ । ମେ ମାସରେ କିର୍ତ୍ତୀ ମଧ୍ୟ ଦୁବାଇର ଜଣେ ବ୍ୟବସାୟୀଙ୍କ ସହ ତାଙ୍କ ବିବାହ ଖବର ଉପରେ ଆଲୋଚନା କରିଥିଲେ ।
ଏହା ମଧ୍ୟ ପଢନ୍ତୁ: 'ଜବାନ'ର ଚଲେୟା ଗୀତରେ ଅଟଲିଙ୍କ ପତ୍ନୀଙ୍କ ସହ ନାଚିଲେ କୀର୍ତ୍ତି ସୁରେଶ, ଭିଡିଓ ଭାଇରାଲ
ସେ ଟ୍ୱିଟ୍ କରି ଲେଖିଥିଲେ, "ହାହାହା !! ମୋର ପ୍ରିୟ ବନ୍ଧୁଙ୍କୁ ଏଥିରେ ଟାଣିବାର କୌଣସି ଆବଶ୍ୟକତା ନାହିଁ । ଯେତେବେଳେ ବି ମୁଁ ବିବାହ କରିବି ସେତେବେଳେ ମୁଁ ରହସ୍ୟମୟ ବ୍ୟକ୍ତିଙ୍କର ଖୁଲାସା କରିଦେବି । ସେପର୍ଯ୍ୟନ୍ତ ଚିଲ୍ କରନ୍ତୁ । ଉଲ୍ଲେଖନୀୟ ଯେ, କୀର୍ତ୍ତି ସୁରେଶ ଏବଂ ଅନିରୁଦ୍ଧ ‘ରେମୋ’, ‘ଥାନା ସରନ୍ଦା କୁଟମ୍’, ‘ଅଗ୍ନିଥବାସି’ ଭଳି ଅନେକ ଚଳଚ୍ଚିତ୍ରରେ ଏକାଠି କାମ କରିଛନ୍ତି । ତେଣୁ ଏହା ପୂର୍ବରୁ ମଧ୍ୟ ସେମାନଙ୍କ ବିବାହର ଖବର ବାରମ୍ବାର ସାମ୍ନାକୁ ଆସିଛି । ଏହା ବ୍ୟତୀତ ଦୁହେଁ ସୋସିଆଲ ମିଡିଆରେ ପରସ୍ପର ସହ ଫଟୋ ଏବଂ ଭିଡିଓ ସେୟାର କରନ୍ତି ।
ସୂଚନାଯୋଗ୍ୟ ଯେ, ନିକଟରେ କିର୍ତ୍ତୀ ସୁରେଶ ଯୁବ ନିର୍ଦ୍ଦେଶକ ଅଟଲିଙ୍କ ପତ୍ନୀ ପ୍ରିୟାଙ୍କ ସହ ଶାହରୁଖ ଖାନ ଏବଂ ନୟନତାରାଙ୍କ ଗୀତ ଚଲେୟା ଗୀତରେ ନାଚୁଥିବାର ନଜର ଆସିଥିଲେ । ସେବେ ଠାରୁ କଳ୍ପନାଜଳ୍ପନାର ବଜାର ପୁଣି ଥରେ ଗରମ ହୋଇଯାଇଛି ।
