ହାଇଦ୍ରାବାଦ: କିଛି ଦିନ ପୂର୍ବରୁ ବାପା ଧର୍ମେନ୍ଦ୍ରଙ୍କ ସହ ସନ୍ନି ଦେଓଲ ଆମେରିକା ଯାଇଥିବା ଜଣାପଡିଥିଲା । ବାପାଙ୍କୁ ଚିକିତ୍ସା ପାଇଁ ସନ୍ନି ସେଠାକୁ ଯାଇଥିବା ନେଇ ଚର୍ଚ୍ଚା ଜୋର ଧରିଥିଲା । ପରେ ସନ୍ନିଙ୍କ ଟିମ୍ ଏବଂ ହେମା ମାଲିନୀ ଉଭୟ ଛୁଟି କାଟିବାକୁ ସେଠାକୁ ଯାଇଥିବା ନେଇ ସ୍ପଷ୍ଟ କରିଥିଲେ । ଏହା ପରେ ସନ୍ନି ମଧ୍ୟ ସେଠାରୁ କ୍ରମାଗତ ଭାବେ ଫଟୋ ସେୟାର କରି ଏହି ଗୁଜବ ଖବରକୁ ମିଥ୍ୟା ପ୍ରମାଣିତ କରିଛନ୍ତି । ତେବେ ସୋସିଆଲ ମିଡିଆରେ ବର୍ତ୍ତମାନ ସନ୍ନି ଏକ ନୂଆ ପୋଷ୍ଟ ସେୟାର କରିଛନ୍ତି । ଯେଉଁଥିରେ ଉଭୟ ପିଜା ପାର୍ଟି ଉପଭୋଗ କରୁଥିବା ଦେଖିବାକୁ ମିଳିଛି ।
ସନ୍ନି ଦେଓଲ ଇନଷ୍ଟାଗ୍ରାମରେ ପିତା ଧର୍ମେନ୍ଦ୍ରଙ୍କ ସହ ଏକ ଫଟୋ ସେୟାର କରିଛନ୍ତି, ଯେଉଁଥିରେ ଉଭୟଙ୍କ ମଧ୍ୟରେ ଥିବା ଘନିଷ୍ଠତା ଦେଖିବାକୁ ମିଳିଛି । ସନ୍ନି ଏହି ଫଟୋ ସେୟାର କରି କ୍ୟାପସନରେ ଲାଲ ହାର୍ଟ ଇମୋଜି ସହ ଲେଖିଛନ୍ତି, ପାପା ଏବଂ ମୁଁ ଶାନ୍ତିରେ ପିଜା ଉପଭୋଗ କରୁଛୁ । ଫଟୋରେ ଧର୍ମେନ୍ଦ୍ର ଏକ ଡେନିମ୍ ସାର୍ଟ ଏବଂ ବ୍ଲାକ୍ କ୍ୟାପ୍ ପିନ୍ଧିଥିବାବେଳେ ସନ୍ନି ହ୍ବାଇଟ୍ ଟି-ସାର୍ଟ ସହ ବ୍ଲୁ କ୍ୟାପ୍ ଏବଂ ବ୍ଲାକ ଗଗଲ୍ସରେ ଖୁବ ସୁନ୍ଦର ଦେଖାଯାଉଛନ୍ତି । ଏହି ଫଟୋ ସେୟାର ହେବା ମାତ୍ରେ ଫ୍ୟାନ୍ସ ଏହାକୁ ଲାଇକ କରିବା ସହ ପ୍ରତିକ୍ରିୟା ଦେଇଛନ୍ତି । ଏଥିସହ ଭଉଣୀ ଇଶା ଦେଓଲ ମଧ୍ୟ ଏହି ଫଟୋ ଉପରେ ପ୍ରତିକ୍ରିୟା ଦେଇ ଏକ ହାର୍ଟ ଇମୋଜି ସେୟାର କରିଛନ୍ତି ।
ସୂଚନା ଥାଉ କି, ଭେଟେରାନ୍ ଅଭିନେତା ବର୍ତ୍ତମାନ 87 ବର୍ଷ ବୟସର ଅଟନ୍ତି ଏବଂ ତାଙ୍କର ସ୍ୱାସ୍ଥ୍ୟଗତ ସମସ୍ୟା ରହିଛି । ଏଣୁ ସନ୍ନି ଧର୍ମେନ୍ଦ୍ରଙ୍କ ଚିକିତ୍ସା ପାଇଁ କାମରୁ ବ୍ରେକ ନେଇ ଆମେରିକା ଯାଇଥିବାର ଖବର ଆସିଥିଲା । ସେଠାରେ ସେ 15 ରୁ 20 ଦିନ ରହିବେ । ସନ୍ନି ଦେଓଲଙ୍କ ଟିମ୍ ସ୍ପଷ୍ଟ କରି କହିଥିଲା ଯେ ସେ ଏବଂ ଧର୍ମେନ୍ଦ୍ର ଚିକିତ୍ସା ପାଇଁ ନୁହେଁ ବରଂ ଛୁଟି କାଟିବାକୁ ସେଠାକୁ ଯାଇଛନ୍ତି । ଏହି ସମୟରେ ଧର୍ମେନ୍ଦ୍ରଙ୍କ ପତ୍ନୀ ହେମା ମାଲିନି ମଧ୍ୟ କହିଥିଲେ, "ଧର୍ମେନ୍ଦ୍ର ଜୀଙ୍କ ସ୍ୱାସ୍ଥ୍ୟାବସ୍ଥା ଭଲ ଅଛି । ସେ ସମ୍ପୂର୍ଣ୍ଣ ସୁସ୍ଥ ଅଛନ୍ତି । ଏଥିରେ କିଛି ଚିନ୍ତା କରିବାର ନାହିଁ ।"
ଏହା ମଧ୍ୟ ପଢନ୍ତୁ: ଦୀର୍ଘ ବର୍ଷ ପରେ ଏକାଠି ନଜର ଆସିଲେ ସନ୍ନି ଦେଓଲ, ଡିମ୍ପଲ କପାଡିଆ ଏବଂ ଅମ୍ରିତା ସିଂ, ଭିଡିଓ ଭାଇରାଲ
ସନ୍ନି ଦେଓଲଙ୍କ ଫିଲ୍ମ 'ଗଦର ୨' ବର୍ତ୍ତମାନ ବି ପ୍ରେକ୍ଷାଳୟରେ ଚାଲିଛି । ଫିଲ୍ମ ରିଲିଜ ହେବାର ଏକ ମାସରୁ ଅଧିକ ସମୟ ବିତିଯାଇଥିଲେ ମଧ୍ୟ ଫିଲ୍ମଟି ତାର ଜଲୱା ଜାରି ରଖିଛି । ଏହି ଫିଲ୍ମ ବକ୍ସ ଅଫିସରେ ଧମାକା କରିଛି । ଫିଲ୍ମଟି ଦର୍ଶକଙ୍କୁ ବେଶ ଆକୃଷ୍ଟ କରିଛି । ଫିଲ୍ମର ରୋଜଗାର ବିଷୟରେ କହିବାକୁ ଗଲେ, ଏହି ଚଳଚ୍ଚିତ୍ରଟି ଭାରତରେ ଏ ପର୍ଯ୍ୟନ୍ତ ମୋଟ 519.43 କୋଟି ଟଙ୍କା କଲେକ୍ସନ୍ କରିଥିବା ବେଳେ ଫିଲ୍ମ ବିଶ୍ବ ବକ୍ସ ଅଫିସରେ 650 କୋଟି ଟଙ୍କା ଅତିକ୍ରମ କରି ସଫଳତା ହାସଲ କରିଛି ।
