ମୁମ୍ବାଇ: ସିଦ୍ଧାର୍ଥ ମଲହୋତ୍ରା ଏବଂ କିଆରା ଆଡଭାନୀ ବଲିଉଡର ପାୱାରପ୍ୟାକ୍ ଦମ୍ପତିଙ୍କ ମଧ୍ୟରୁ ଅନ୍ୟତମ । ଉଭୟ ସର୍ବଦା ପରସ୍ପର ପ୍ରତି ପ୍ରେମବ୍ୟକ୍ତ କରୁଥିବା ନେଇ ଲାଇମଲାଇଟରେ ରହିଥାନ୍ତି । ଏହାରି ମଧ୍ୟରେ ବର୍ତ୍ତମାନ ଏହି ଦମ୍ପତିଙ୍କୁ ଏକ ଡିନର ନାଇଟରେ ଦେଖିବାକୁ ମିଳିଛି । ସୋସିଆଲ ମିଡିଆରେ ଉଭୟଙ୍କ ଭିଡିଓ ଭାଇରାଲ ପରେ ଫ୍ୟାନ୍ସ ଯୋଡିର ପ୍ରଶଂସା କରିଛନ୍ତି ।
ସିଦ୍ଧାର୍ଥ ମଲହୋତ୍ରା ଶନିବାର ରାତିରେ ତାଙ୍କ ପତ୍ନୀ ତଥା ଅଭିନେତ୍ରୀ କିଆରା ଆଡଭାନୀଙ୍କ ସହ ରାତ୍ରୀ ଭୋଜନ ପାଇଁ ମୁମ୍ବାଇର ବାନ୍ଦ୍ରାସ୍ଥିତ ଏକ ରେସ୍ତୋରାଁକୁ ଯାଇଥିଲେ । ଏଠାରେ ବାହାରେ ପ୍ୟାପଙ୍କୁ ପୋଜ ମଧ୍ୟ ଦେଇଥିଲେ ସିଡ କିଆରା । ତେବେ ଇନଷ୍ଟାଗ୍ରାମରେ ଏକ ପ୍ୟାପ୍ ଉଭୟଙ୍କ ଭିଡିଓ ସେୟାର କରିଛନ୍ତି । ଭିଡିଓରେ ସିଦ୍ଧାର୍ଥ ଏବଂ କିଆରା ରେସ୍ତୋରାଁକୁ ହାତ ଧରି ଯାଉଥିବାର ଦେଖିବାକୁ ମିଳିଛି । କିଆରା ଏହି ସମୟରେ ହ୍ବାଇଟ ସର୍ଟ୍ସରେ ନଜର ଆସିଥିବା ବେଳେ ସିଦ୍ଧାର୍ଥ ବ୍ଲୁ ଟି-ସାର୍ଟ, ଧୂସର ରଙ୍ଗର ପ୍ୟାଣ୍ଟ ପିନ୍ଧିଥିଲେ । ଭିଡିଓ ସେୟାର ହେବା ମାତ୍ରେ ପ୍ରଶଂସକମାନେ ଏହାକୁ ଲାଇକ କରିବା ସହ ପ୍ରିତିକ୍ରିୟା ଦେଇଛନ୍ତି । ଅନେକ ଫ୍ୟାନ୍ସ ଲାଲ ହାର୍ଟ ଏବଂ ସ୍ମାଇଲ ଇମୋଜି ଦେଇଥିବା ବେଳେ ଆଉ କେତେକ ପ୍ରଶଂସକ ସିଦ୍ଧାର୍ଥ ଏବଂ କିଆରାଙ୍କୁ 'ସୁନ୍ଦର ଦମ୍ପତି' ବୋଲି କହିଛନ୍ତି । ଆଉ ଜଣେ ପ୍ରଶଂସକ ଲେଖିଛନ୍ତି, ଏହି ଦମ୍ପତି କାହାର 'ନଜର ନ ଲାଗୁ' ।
ସିଦ୍ଧାର୍ଥ ଏବଂ କିଆରାଙ୍କ ୱାର୍କପ୍ରଣ୍ଟ କଥା କହିବାକୁ ଗଲେ, ଶେଷ ଥର ପାଇଁ ସିଦ୍ଧାର୍ଥ ମଲହୋତ୍ରାଙ୍କୁ ନେଟଫ୍ଲିକ୍ସରେ ଗୁପ୍ତଚର ଥ୍ରୀଲର ମିଶନ୍ ମଜନୁରେ ଦେଖିବାକୁ ମିଳିଥିଲା । ସେ ଆଗାମୀ ଆକ୍ସନ୍ ଚଳଚ୍ଚିତ୍ର ଯୋଦ୍ଧାରେ ନଜର ଆସିବେ । ଏହି ଫିଲ୍ମ ଚଳିତ ବର୍ଷ ଡିସେମ୍ବରରେ ରିଲିଜ ହେବ । ସେହିପରି ଆମାଜନ ପ୍ରାଇମରେ ଆଗାମୀ ରୋହିତ ଶେଟ୍ଟୀ ନିର୍ଦ୍ଦେଶିତ ୱେବ୍ ସିରିଜ୍ ଇଣ୍ଡିଆନ୍ ପୋଲିସ୍ ଫୋର୍ସ ସହ ମଧ୍ୟ ସିଦ୍ଧାର୍ଥ ଖୁବ୍ ଶୀଘ୍ର ତାଙ୍କର OTT ଡେବ୍ୟୁ ମଧ୍ୟ କରିବେ । ଏଥିସହ ସିଦ୍ଧାର୍ଥ ରାଉଡି ରାଠୋର ୨ରେ ମୁଖ୍ୟ ଭୂମିକାରେ ଅଭିନୟ କରିବେ ବୋଲି ଶୁଣିବାକୁ ମିଳୁଛି।
ଏହା ମଧ୍ୟ ପଢନ୍ତୁ: ସିଦ୍ଧାର୍ଥଙ୍କ ସହ ସ୍ବିମିଂ ପୁଲ୍ରେ ବର୍ଥ ଡେ’ ସେଲିବ୍ରେସନ: ଏନଜୟ କଲେ କିଆରା, ଭିଡିଓ ଭାଇରାଲ
ସେପଟେ କିଆରା ଆଡଭାନୀ ନିକଟରେ ସତ୍ୟପ୍ରେମ କି କଥାରେ ନଜର ଆସିଥିଲେ। ସେ ଖୁବ ଶୀଘ୍ର ଗେମଚେଞ୍ଜରରେ ନଜର ଆସିବେ। ଏହି ଫିଲ୍ମରେ ସେ ରାମ ଚରଣଙ୍କ ସହ ମୁଖ୍ୟ ଭୂମିକାରେ ନଜର ଆସିବେ। ସୂଚନା ଥାଉ କି, ନିକଟରେ ସିଦ୍ଧାର୍ଥ ଏବଂ କିଆରାଙ୍କ 2021 ଚଳଚ୍ଚିତ୍ର 'ଶେରଶାହା' ଜାତୀୟ ଚଳଚ୍ଚିତ୍ର ପୁରସ୍କାରରେ ସ୍ୱତନ୍ତ୍ର ଜୁରି ପୁରସ୍କାର ଲାଭ କରିଛି।
