ମୁମ୍ବାଇ: ଗତ ୭ ତାରିଖରେ ବିବାହ ବନ୍ଧନରେ ବାନ୍ଧି ହୋଇଛନ୍ତି ବଲିଉଡର କ୍ୟୁଟ କପଲ୍ କିଆରା ଆଡଭାନୀ ଓ ସିଦ୍ଧାର୍ଥ ମଲହୋତ୍ରା । ରାଜସ୍ଥାନର ଜୈସଲମେରର ସୂର୍ଯ୍ୟଗଡ ପ୍ୟାଲେସରେ ଘନିଷ୍ଠ ବନ୍ଧୁ ଓବଂ ପରିବାରର ଉପସ୍ଥିତିରେ ଦୁହେଁ ସାତଜନ୍ମର ସାଥି ହୋଇଛନ୍ତି । ତେବେ ଏହାପରେ ଦିଲ୍ଲୀରେ ସେମାନେ ନିଜର ସମ୍ପର୍କୀୟ ଏବଂ କିଛି ଖାସ ବନ୍ଧୁମାନଙ୍କୁ ରିସେପ୍ସନ ଭୋଜି ଦେଇଥିଲେ ।
- " class="align-text-top noRightClick twitterSection" data="
">
ବର୍ତ୍ତମାନ ବଲିଉଡ ତାରକାଙ୍କୁ ରିସେପ୍ସନ ପାର୍ଟି ଦେବାକୁ ସ୍ଥିର କରିଛନ୍ତି ବଲିଉଡର ଏହି ଚର୍ଚ୍ଚିତ ଯୋଡି । ଆଗାମୀ ୧୨ ତାରିଖ ଅର୍ଥାତ ରବିବାର ଦିନ ମୁମ୍ବାଇର ଏକ ତାରକା ହୋଟେଲରେ ହେବ କିଆରା ଆଡଭାନୀ ଓ ସିଦ୍ଧାର୍ଥ ମଲହୋତ୍ରାଙ୍କ ରିସେପ୍ସନ ପାର୍ଟି । ତେବେ ରିସେପ୍ସନ ପାର୍ଟିର ନିମନ୍ତ୍ରଣ କାର୍ଡ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
- " class="align-text-top noRightClick twitterSection" data="
">
ଏହି ହୋଟେଲରେ ହେବ ରିସେପ୍ସନ: ତେବେ ଆସନ୍ତାକାଲି ମୁମ୍ବାଇର ଏକ ତାରକା ହୋଟେଲରେ ଏକାଠି ହେବେ ବଲିଉଡ ତାରକା । ରବିବାର ମୁମ୍ବାଇର ସେଣ୍ଟ ରେଜିସ ହୋଟେଲରେ ହେବ ରିସେପ୍ସନ ପାର୍ଟି । ଫେବୃଆରୀ ୧୨ ତାରିଖ ରାତି ୮.୩୦ରେ ପାର୍ଟି ଆରମ୍ଭ ହେବା ନେଇ କାର୍ଡରେ ଦର୍ଶା ହୋଇଛି । ସିଦ୍ଧାର୍ଥ-କିଆରାର ମୁମ୍ବାଇ ରିସେପ୍ସନର ନିମନ୍ତ୍ରଣ କାର୍ଡ ସହ ଦିଲ୍ଲୀରେ ହୋଇଥିବା ରିସେପ୍ସନ ଫଟୋ ମଧ୍ୟ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ଏହା ମଧ୍ୟ ପଢନ୍ତୁ: WATCH VIDEO: ବରମାଳା ସମୟର ଭିଡିଓ ସେୟାର କଲେ ସିଡକିଆରା
ଏହି ଅତିଥିମାନେ ଯୋଗଦେବେ: ରାଜସ୍ଥାନରେ ସିଦ୍ଧାର୍ଥ-କିଆରାଙ୍କ ବିବାହରେ ବଲିଉଡ ଫିଲ୍ମ ନିର୍ମାତା କରଣ ଜୋହର, ସାହିଦ କପୁର, ମିରା କପୁର, ଜୁହି ଚାୱଲା ଏବଂ ପ୍ରସିଦ୍ଧ ଫ୍ୟାଶନ ଡିଜାଇନର୍ ମନୀଷ ମଲହୋତ୍ରା ଯୋଗ ଦେଇଥିଲେ । ତେବେ ଆସନ୍ତାକାଲି ମୁମ୍ବାଇରେ ହେବାକୁ ଥିବା ରିସେପ୍ସନ ପାର୍ଟିରେ ଏହି କଳାକାରଙ୍କ ସହ ଆହୁରି ଅନେକ ନାମିଦାମୀ କଳକାର ଯୋଗ ଦେବେ । ଶାହାରୁଖ ଖାନ, ଅଜୟ ଦେବଗନ ଏବଂ ସଲମାନ ଖାନ, ଅନିଲ କପୁର, ପରିଣିତି ଚୋପ୍ରା, ମନିଷ ମଲହୋତ୍ରା, ରକୁଲ ପ୍ରୀତ ସିଂଙ୍କ ପରି ଅନେକ ତାରକା ଆସିବେ ବୋଲି ଅନୁମାନ କରାଯାଉଛି । କିନ୍ତୁ ଦମ୍ପତିମାନଙ୍କ ତରଫରୁ କୌଣସି ସୂଚନା ଦିଆଯାଇ ନାହିଁ ।
ଅନ୍ୟପଟେ ବଲିଉଡ କପଲ୍ କିଆରା ଆଡଭାନୀ ଓ ସିଦ୍ଧାର୍ଥ ମଲହୋତ୍ରା ସୋସିଆଲ ମିଡିଆରେ ବିବାହରେ ବରମାଳା ସମୟର ଭିଡିଓ ସେୟାର କରିଛନ୍ତି । ଯେଉଁଥିରେ କିଆରା ବିବାହ ମଣ୍ଡପକୁ ଆସୁଥିବା ବେଳେ ସିଦ୍ଧାର୍ଥ ତାଙ୍କ ପାଇଁ ଅପେକ୍ଷା କରିଛନ୍ତି । ଉଭୟ ଏହି ପ୍ରେମଭରା ଭିଡିଓ ସେୟାର କରି ନିଜ ବିବାହ ତାରିଖ (୦୭.୦୨.୨୦୨୩) କ୍ୟାପସନରେ ଲେଖିଛନ୍ତି । ଏହି ଭିଡିଓଙ୍କୁ ଅନେକ ପସନ୍ଦ କରିଥିବା ଦେଖାଦେଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
