ହାଇଦ୍ରାବାଦ: ବଲିଉଡର ସୁପରଷ୍ଟାର ସଲମାନ ଖାନଙ୍କ ଭଉଣୀ ଅର୍ପିତା ଖାନ ଶର୍ମା ଗତକାଲି ରାତିରେ (ମେ 3) ଇଦ୍ ଅବସରରେ ଏକ ପାର୍ଟିର ଆୟୋଜନ କରିଥିଲେ। ଏହି ପାର୍ଟିରେ ବଲିଉଡ ସେଲିବ୍ରିଟି ପହଞ୍ଚି ଧୁମଧାମରେ ଇଦକୁ ସେଲିବ୍ରେଟ କରିଥିଲେ। ଏହି ପାର୍ଟିର ମାହୋଲକୁ ଅଧିକା ରଙ୍ଗୀନ କରିଦେଇଥିଲେ ସଲମାନ ଖାନ ଏବଂ ବିଗବସ୍ ଫେମ୍ ଶେହନାଜ୍ ଗିଲ୍ । ସଲମାନ ଓ ଶେହନାଜଙ୍କ ଏକ ଭିଡିଓ ସାମ୍ନାକୁ ଆସିଛି । ଯେଉଁଥିରେ ଦୁହେଁ କଥାବାର୍ତ୍ତା କରିବା ସହ ଥଟ୍ଟାମଜା ମଧ୍ୟ କରୁଥିବାର ନଜର ଆସିଥିଲେ । ଏହି ସମୟରେ ଶେହନାଜ୍ ସଲମାନଙ୍କୁ ଆଲିଙ୍ଗନ କରି କିସ୍ କରୁଥିବାର ଦେଖିବାକୁ ମିଳିଥିଲା । ଯାହା ପରେ ସେ ସୋସିଆଲ ମିଡିଆ ୟୁଜର୍ସଙ୍କ ଟାର୍ଗେଟରେ ଆସିଛନ୍ତି ।
ସଲମାନଙ୍କ ସହ ଶେହନାଜଙ୍କ ବଣ୍ଡିଂ
ଅର୍ପିତା ଖାନଙ୍କ ଇଦ୍ ପାର୍ଟିରେ ଶେହାନାଜ ଗିଲଙ୍କୁ ଦେଖିବାକୁ ମିଳିଥିଲା । ଇଦ୍ ପାର୍ଟି ପରେ ସବୁଠାରୁ ସୁନ୍ଦର ଦୃଶ୍ୟ ଥିଲା, ଯେତେବେଳେ ସଲମାନ ନିଜେ ଶେହନାଜଙ୍କୁ ତାଙ୍କ କାର ପାଖକୁ ଛାଡିବାକୁ ଆସିଥିଲେ । ଏହି ସମୟରେ ସଲମାନ ଏବଂ ଶେହନାଜ ଗିଲଙ୍କର ଏକ ଭିନ୍ନ ବଣ୍ଡିଂ ଦେଖିବାକୁ ମିଳିଥିଲା । ଭିଡିଓରେ ଶେହନାଜ ଏବଂ ସଲମାନ ପରସ୍ପରକୁ ଆଲିଙ୍ଗନ କରି ଚୁମ୍ବନ ଦେଉଛନ୍ତି । ଶେହନାଜ ସଲମାନଙ୍କ ହାତରେ ଧରି ତାଙ୍କ କାର ପାଖକୁ ନେଇଥିଲେ ।
ଏହି ସମୟରେ ଶେହନାଜ ମଧ୍ୟ ସଲମାନଙ୍କୁ ଅତି ସୁନ୍ଦର ଭାବେ ଅନୁରୋଧ କରି କହୁଛନ୍ତି, ଛାଡିକି ଆସ ମୋତେ....। ସଲମାନ ମଧ୍ୟ ଖୁସିରେ ଶେହନାଜଙ୍କୁ ଛାଡିବାକୁ ତାଙ୍କ କାର ପାଖକୁ ଯାଇଥିଲେ । ଏହାକୁ ନେଇ ଶେହନାଜ କହିଛନ୍ତି, ସଲମାନ ସାର ମତେ ଛାଡିବାକୁ ଆସିଛନ୍ତି । ତା’ପରେ ଶେହନାଜ କାର ଭିତରେ ବସିବା ପୂର୍ବରୁ ସଲମାନ ଖାନଙ୍କ ଗାଲରେ ହାତ ରଖି ଭଲପାଇବା ଦେଖାଇଥିଲେ । ଉଭୟଙ୍କର ଏହି ସୁନ୍ଦର ମୂହୁର୍ତ୍ତ ଗୁଡିକର ଭିଡିଓ ସୋସିଆଲ ମିଡିଆରେ ଖୁବ୍ ଭାଇରଲ ହେବାରେ ଲାଗିଛି ।
ଲାଗୁଛି ସମ୍ପର୍କ ଆରମ୍ଭ ହୋଇଯାଇଛି
ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେବା ପରେ ୟୁଜର୍ସଙ୍କ ଟାର୍ଗେଟରେ ଆସିଛନ୍ତି ସଲମାନ-ଶେହନାଜ । ଯୁଜର୍ସ ଏହା ଉପରେ ମନ୍ତବ୍ୟ ଦେବା ଆରମ୍ଭ କରିଦେଇଛନ୍ତି । ଜଣେ ଲେଖିଛନ୍ତି, 'ସେ ସଲମାନଙ୍କୁ ସିଡ (ସିଦ୍ଧାର୍ଥ ଶୁକ୍ଲା) ଭଳି ବ୍ୟବହାର କରୁଛନ୍ତି। ଅନ୍ୟ ଜଣେ ୟୁଜର ଲେଖିଛନ୍ତି, 'ଦେଖାଯାଉଛି ସେ ମଦ୍ୟପାନ କରିଛନ୍ତି' । ଏହି ସମୟରେ, ଅନ୍ୟ ଜଣେ ୟୁଜର ଲେଖିଛନ୍ତି, 'ଲାଗୁଛି ଏମାନଙ୍କ ସମ୍ପର୍କ ଆରମ୍ଭ ହୋଇଯାଇଛି' ।
ଏହା ବି ପଢନ୍ତୁ: ସଲମାନଙ୍କୁ ଏମିତି ଭଲପାଉଛନ୍ତି ଶେହନାଜ, ଦେଖନ୍ତୁ କ୍ୟୁଟ ଭିଡିଓ
ତେବେ କେହି କେହି ପ୍ରଶଂସକ ଶେହନାଜ ଏବଂ ସଲମାନଙ୍କ ଏହି ବଣ୍ଡିକୁ ବହୁତ ପସନ୍ଦ କରିଛନ୍ତି । ଲୋକମାନେ ଏହାକୁ ସୁନ୍ଦର ଏବଂ ପ୍ରକୃତ ବନ୍ଧନ ବୋଲି କହୁଛନ୍ତି । ଇଦ୍ ପାର୍ଟିରେ ଶେହନାଜ ଗିଲଙ୍କୁ କଳା ରଙ୍ଗର ସୁଟରେ ଦେଖିବାକୁ ମିଳିଥିବାବେଳେ ସଲମାନ ମଧ୍ୟ କଳା ସାର୍ଟରେ ସୁନ୍ଦର ଦେଖାଯାଉଥିଲେ। ଏହି ପାର୍ଟିରେ ଦୀପିକା ପାଦୁକୋନ, ରଣଭୀର ସିଂ, କିଆରା ଆଡଭାନୀ, ସିଦ୍ଧାର୍ଥ ମଲହୋତ୍ରା, କରଣ ଜୋହର, କଙ୍ଗନା ରଣାୱତ ଭଳି ବଡ ତାରକା ଏକାଠି ହୋଇଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
