ମୁମ୍ବାଇ: ଶାହାରୁଖ ଖାନଙ୍କ ଲାଡଲି ସୁହାନା ଖୁବ୍ ଶୀଘ୍ର ଜୋୟା ଅଖତରଙ୍କ ଫିଲ୍ମ 'ଦି ଆର୍ଚିଜ୍'ରେ ଡେବ୍ୟୁ କରିବାକୁ ଯାଉଛନ୍ତି । ଯାହାକୁ ନେଇ ଖୁବ୍ ଚର୍ଚ୍ଚାରେ ଅଛନ୍ତି ସୁହାନା । ଏହି ଫିଲ୍ମରେ ସୁହାନା ଖାନ୍ ଭେରୋନିକା ଚରିତ୍ରରେ ଅଭିନୟ କରୁଛନ୍ତି । ତେବେ ଫିଲ୍ମ ରିଲିଜ୍ ହେବାରେ ଆହୁରି ସମୟ ବାକି ଅଛି । ଏହା ପୂର୍ବରୁ ସୁହାନା ତାଙ୍କ ରୋଲ୍ ଏବଂ ରିଲେସନ୍ସିପ୍ ସମ୍ପର୍କରେ ଆଲୋଚନା କରିଛନ୍ତି ।
ଏକ ସାକ୍ଷାତକାରରେ ସୁହାନା ଫିଲ୍ମରେ ତାଙ୍କ ଚରିତ୍ର ଭେରୋନିକା ଲଜ୍ ଏବଂ ରିୟଲ ଲାଇଫ୍ ସୁହାନା ବିଷୟରେ କହିଛନ୍ତି । ବାସ୍ତବରେ, ସୁହାନାଙ୍କୁ ସାକ୍ଷାତକାରରେ ପଚରାଯାଇଥିଲା ଯେ, ଯଦି ତୁମେ ଜାଣିବ ଯେ ତୁମର ପ୍ରେମିକ ତୁମକୁ ଚିଟ୍ ବା ଧୋକା ଦେଉଛି, ଅନ୍ୟ ଅନେକ ଝିଅଙ୍କ ସହ କଥା ହେଉଛି, ତୁମେ କ’ଣ କରିବ ? ଯଦି ସେ ଭେରୋନିକା ତେବେ ତାଙ୍କର ପ୍ରତିକ୍ରିୟା କ’ଣ ହେବ ଏବଂ ଯଦି ସେ ସୁହାନା ତେବେ ତାଙ୍କର ପ୍ରତିକ୍ରିୟା କ’ଣ ହେବ ? ଏହା ଉପରେ ସୁହାନା କହିଛନ୍ତି, 'ଭେରୋନିକାଙ୍କ ଆଗ ପଛରେ ତାଙ୍କ ପ୍ରଶଂସକଙ୍କ ଲମ୍ବା ଧାଡ଼ି ଲାଗିଛି, ଏପରି ସ୍ଥିତିରେ ସେ ନିଜେ ଯାଇ ଅନ୍ୟ ଲୋକଙ୍କ ସହିତ କଥାବାର୍ତ୍ତା କରିବେ ଏବଂ ସେମାନଙ୍କ ସହିତ ସମ୍ପର୍କ ସ୍ଥାପନ କରିବେ ।'
ମୁଁ ସେହି ପ୍ରକାରର ଝିଅ, ଯାହାକୁ ବିଶ୍ୱସ୍ତ ପୁଅ ପସନ୍ଦ: ସୁହାନା
ସୁହାନା ନିଜ ବିଷୟରେ ଅଧିକ କଥାବାର୍ତ୍ତା କରି କହିଛନ୍ତି- ‘‘ଯଦି ମୋ ପ୍ରେମିକ ମୋତେ ଚିଟ୍ ବା ଧୋକା ଦିଏ, ମୁଁ ତାଙ୍କୁ ଛାଡିଦେବି । ମୁଁ ସେହି ପ୍ରକାରର ଝିଅ, ଯାହାକୁ ଜଣେ ମହିଳା ପୁରୁଷ (ଓ୍ବାନ ଓ୍ବମେନ୍ ମ୍ୟାନ) ପସନ୍ଦ । ଖାସ୍ କରି ପୁଅମାନେ ବିଶ୍ବସନୀୟ ହୋଇଥିବା ଦରକାର । ମୋତେ ଲାଗୁଛି, ମୁଁ ଚରିତ୍ରରେ ଅଭିନୟ କରୁଛି, ତାଠାରୁ ମୁଁ ବହୁତ ଅଲଗା । ଯଦି ଏହା ମୋ ସହିତ ଘଟେ, ତାହାଲେ ମୁଁ ବହୁତ କାନ୍ଦିବି ।’’
ଏହା ମଧ୍ୟ ପଢନ୍ତୁ: ଲାଡଲିକୁ ନେଇ ଗର୍ବ କଲେ ଶାହାରୁଖ, କହିଲେ ସବୁ ଶ୍ରେୟ ଗୌରୀଙ୍କର
ଶାହରୁଖ ଖାନ ସେୟାର କଲେ ଝିଅର ଫଟୋ
ବୁଧବାର ଦିନ ଶାହରୁଖ ଇନଷ୍ଟାଗ୍ରାମ ଷ୍ଟୋରୀରେ ଝିଅ ସୁହାନା ଖାନଙ୍କ ବିଟିଏସ ଫଟୋ ସେୟାର କରିଛନ୍ତି । ଫଟୋରେ ସୁହାନା ତାଙ୍କ ବିଲେଇ ସହ କ୍ୟାମେରା ଆଗରେ ପୋଜ୍ ଦେଉଥିବା ନଜର ଆସିଛନ୍ତି । ଏହି ପୋଷ୍ଟ ସହିତ କିଙ୍ଗ ଖାନ ତାଙ୍କ ଝିଅ ପାଇଁ ଏକ ନୋଟ୍ ଲେଖିଛନ୍ତି- 'ସୁହାନା ତୁମକୁ ମୋର ପ୍ରିୟ ସ୍ଥାନରେ କ୍ୟାମେରା ଆଗରେ ଦେଖି ଭଲ ଲାଗିଲା । ତୁମେ ବହୁତ କମ୍ଫଟେବଲ ଏବଂ ସୁନ୍ଦର ଦେଖାଯାଉଛ । ତୁମେ ପ୍ରକୃତରେ ଚମକୁଛ, ମୁଁ ତୁମ ପାଇଁ ଗର୍ବିତ । କିନ୍ତୁ ତୁମର କୋ-ଷ୍ଟାର, ବିଲେଇ କ୍ୟାମେରା ସାମ୍ନା କରିବା ପାଇଁ କିଛି ତାଲିମର ଆବଶ୍ୟକ ଅଛି ।
ସୁହାନା ଶାହାରୁଖଙ୍କ ପୋଷ୍ଟ ଉପରେ ପ୍ରତିକ୍ରିୟା ପ୍ରକାଶ କରିଛନ୍ତି
ସୁହାନା ତାଙ୍କ ଇନଷ୍ଟାଗ୍ରାମ ଷ୍ଟୋରୀରେ ଏହି ପୋଷ୍ଟକୁ ସେୟାର କରି ଲେଖିଛନ୍ତି- 'ମୁଁ ତୁମକୁ ଭଲ ପାଏ, ଆଗକୁ ଯେଉଁ ଜିନିଷ ହେବାର ଅଛି, ମୁଁ ତାହାକୁ ନେଇ ଉତ୍ସାହିତ ଅଛି । କିନ୍ତୁ ମୋତେ ଲାଗୁଛି ଏହା ବିଲେଇ ଉପରେ ସତ୍ୟ।
ଅଗସ୍ତ୍ୟ ନନ୍ଦାଙ୍କ ସହ ଯୋଡା ଯାଇଛି ସୁହାନାଙ୍କ ନାମ
ସୁହାନାଙ୍କ ନାମ ଅମିତାଭ ବଚ୍ଚନଙ୍କ ନାତି ଅଗସ୍ତ୍ୟ ନନ୍ଦାଙ୍କ ସହ ଯୋଡି ହୋଇ ରହିଛି। ସୁହାନା ଏବଂ ଅଗସ୍ତ୍ୟଙ୍କ ଡେଟିଂ ରିପୋର୍ଟ ସେମାନେ ପ୍ରଥମ ଚଳଚ୍ଚିତ୍ରରେ ଏକାଠି କାମ କରିବା ଦିନଠାରୁ ଗଣମାଧ୍ୟମରେ ଚର୍ଚ୍ଚାର ବିଷୟ ପାଲଟିଛି । ତେବେ ଏ ପର୍ଯ୍ୟନ୍ତ ଉଭୟେ ଏ ବିଷୟରେ କଥାବାର୍ତ୍ତା କରିନାହାଁନ୍ତି । ଆସନ୍ତୁ ଆପଣଙ୍କୁ କହିବା ଯେ ଉଭୟଙ୍କ ଆର୍ଚିଜ୍ ଫିଲ୍ମ ଡିସେମ୍ବର 12 ରେ OTTରେ ମୁକ୍ତିଲାଭ କରିବ ।
