ହାଇଦ୍ରାବାଦ: ବଲିଉଡର 'ଚକାଚକ ଗର୍ଲ' ସାରା ଅଲି ଖାନ ତାଙ୍କର ନୂଆ ଚଳଚ୍ଚିତ୍ର 'ମେଟ୍ରୋ ଇନ୍ ଦିନୋ' (Metro In Dino) ଘୋଷଣା କରିଛନ୍ତି । ଏହି ଚଳଚ୍ଚିତ୍ର ସହିତ ଜଡିତ ହୋଇ ସାରା ଅଲି ଖାନ ବହୁତ ଖୁସି ଅନୁଭବ କରୁଛନ୍ତି । ଫିଲ୍ମର ସୁଟିଂ ଖୁବ ଶୀଘ୍ର ଆରମ୍ଭ ହେବ ବୋଲି ସାରା କହିଛନ୍ତି । ସାରା ଅଲି ଖାନ ସୋସିଆଲ ମିଡିଆରେ ଏକ ପୋଷ୍ଟ ସେୟାର କରି ପ୍ରଶଂସକଙ୍କୁ ଏହି ଖୁସି ଖବର ଦେଇଛନ୍ତି । ଉଲ୍ଲେଖଯୋଗ୍ୟ, ସାରା ଅଲି ଖାନଙ୍କୁ ଅକ୍ଷୟ କୁମାର ଏବଂ ଦକ୍ଷିଣ ଅଭିନେତା ଧନୁଷଙ୍କ ସହ ଫିଲ୍ମ 'ଅତରଙ୍ଗି ରେ'ରେ ଶେଷ ଥର ପାଇଁ ଦେଖିବାକୁ ମିଳିଥିଲା । ଗତ ବର୍ଷ ଏହି ଚଳଚ୍ଚିତ୍ର ମୁକ୍ତିଲାଭ କରିଥିଲା । ସେବେଠାରୁ ସାରାଙ୍କୁ କୌଣସି ଫିଲ୍ମରେ ଦେଖିବାକୁ ମିଳି ନଥିଲା ।
- " class="align-text-top noRightClick twitterSection" data="
">
'ମେଟ୍ରୋ ଇନ୍ ଦିନୋ'ଫିଲ୍ମର ଷ୍ଟାରକାଷ୍ଟ
ସାରା ଅଲି ଖାନ ତାଙ୍କ ପୋଷ୍ଟରେ ଫିଲ୍ମ ସହ ଜଡିତ ସମସ୍ତ କଳାକାରଙ୍କ ନାମ ମଧ୍ୟ ସେୟାର କରିଛନ୍ତି । ଆଗାମୀ ଚଳଚ୍ଚିତ୍ର 'ମେଟ୍ରୋ ଇନ୍ ଦିନୋ'ରେ ସାରା ଅଲି ଖାନଙ୍କ ବ୍ୟତୀତ ଅନୁପମ ଖେର, ନୀନା ଗୁପ୍ତା, ପଙ୍କଜ ତ୍ରିପାଠୀ, କୋଙ୍କଣା ସେନ, ଅଲି ଫୈଜଲ ଏବଂ ଫତିମା ସନା ଶେଖ ପ୍ରମୁଖ ଭୂମିକାରେ ନଜର ଆସିବେ । ସାରା ଏହି ପୋଷ୍ଟର କ୍ୟାପସନ୍ ଦେଇଛନ୍ତି, '#MetroInDino ର ଏକ ଅଂଶ ହୋଇଥିବାରୁ ଉତ୍ସାହିତ ଏବଂ କୃତଜ୍ଞ' ।
- " class="align-text-top noRightClick twitterSection" data="
">
ଏହି ଚଳଚ୍ଚିତ୍ରର ମୁଖ୍ୟ ଷ୍ଟାର କାଷ୍ଟ ହେଉଛନ୍ତି ଆଦିତ୍ୟ ରୟ କପୁର ଏବଂ ସାରା ଅଲି ଖାନ । ଆଦିତ୍ୟ ରୟଙ୍କ ସହ ଅନ୍ ସ୍କ୍ରିନ୍ ରୋମାନ୍ସ କରିବେ ସାରା । ଏହି ଚଳଚ୍ଚିତ୍ରର ନିର୍ମାତା ହେଉଛନ୍ତି ଭୂଷଣ କୁମାର, ଅନୁରାଗ ବସୁ, କୃଷ୍ଣ କୁମାର । ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେବେ ଅନୁରାଗ ବସୁ । ଏହି ଚଳଚ୍ଚିତ୍ରରେ ପ୍ରସିଦ୍ଧ ସଂଗୀତଜ୍ଞ ପ୍ରୀତମଙ୍କ ସଙ୍ଗୀତ ରହିବ । ଟି-ସିରିଜର ବ୍ୟାନରରେ ଏହି ଫିଲ୍ମ ନିର୍ମାଣ ହେବାକୁ ଯାଉଛି । ଫିଲ୍ମର ସୁଟିଂ କେବେ ଆରମ୍ଭ ହେବ ସେ ସମ୍ପର୍କରେ କୌଣସି ସୂଚନା ଦିଆଯାଇ ନାହିଁ ।
ଏହା ମଧ୍ୟ ପଢନ୍ତୁ: Google Year in Search 2022: ଭାରତରେ ଅଧିକ ସର୍ଚ୍ଚ ହୋଇଛି 'ବ୍ରହ୍ମାସ୍ତ୍ର', ବିଦେଶରେ ହିନ୍ଦୀ ଗୀତ
ସାରା ଅଲି ଖାନଙ୍କ ବିଷୟରେ କହିବା ତ, ସେ କ୍ରିତି ସାନନ ଷ୍ଟାରର ହିଟ ଫିଲ୍ମ 'ମିମି' ଫେମ୍ ନିର୍ଦ୍ଦେଶକ ଲକ୍ଷ୍ମଣ ଉଟେକରଙ୍କ ଫିଲ୍ମରେ କାମ କରୁଛନ୍ତି । ଏହି ଚଳଚ୍ଚିତ୍ରରେ ସେ ଅଭିନେତା ବିକି କୌଶଲଙ୍କ ସହ ନଜର ଆସିବେ । ଉଲ୍ଲେଖନୀୟ କଥା ହେଉଛି, ଏହି ଚଳଚ୍ଚିତ୍ରରୁ ସାରାଙ୍କୁ କାଟି ଦିଆଯାଇଛି, କିନ୍ତୁ ଏହା ଉପରେ କୌଣସି ସରକାରୀ ବିବୃତ୍ତି ଆସିନାହିଁ ।
