ମୁମ୍ବାଇ: ଦର୍ଶକଙ୍କ ମନ ଜିଣୁଛି ରଣବୀର କପୁର ଷ୍ଟାରର ଫିଲ୍ମ ଆନିମଲ । ବମ୍ପର କଲେକ୍ସନ ସହ ଭଲ ପ୍ରଦର୍ଶନ କରୁଛି ଫିଲ୍ମ ଆନିମଲ । କେବଳ ଭାରତରେ ନୁହେଁ ବିଦେଶରେ ମଧ୍ୟ ଧମାକା କରୁଛି ଆନିମଲ । ଲୋକଙ୍କ ମଧ୍ୟରେ ଫିଲ୍ମକୁ ନେଇ ଭିନ୍ନ କ୍ରେଜ୍ ଦେଖିବାକୁ ମିଳିଛି । ଥିଏଟରରେ ଜମୁଛି ପ୍ରବଳ ଭିଡ । 'ଆନିମଲ' ରଣବୀର କପୁରଙ୍କ ସର୍ବୋତ୍ତମ ଓପନିଂ ଫିଲ୍ମ ପାଲଟିଛି । ତେବେ ଡିସେମ୍ବର 1ରେ ମୁକ୍ତିଲାଭ କରିଥିବା ଏହି ଫିଲ୍ମ ସାରା ବିଶ୍ୱରେ 300 କୋଟିରୁ ଅଧିକ ଆୟ କରି ସାରିଲାଣି । ଆକ୍ସନ୍-ଥ୍ରୀଲର ଫିଲ୍ମର ଅତୁଳନୀୟ ସଫଳତା ପରେ ସନ୍ଦୀପ ରେଡ୍ଡୀ ଭଙ୍ଗା ଏବଂ ଭୂଷଣ କୁମାର ନିଜ ଦଳ ସହିତ ବୈଷ୍ଣବ ଦେବୀଙ୍କ ଦର୍ଶନ କରିଛନ୍ତି ।
-
Gratitude-filled moments at #VaishnoDevi for team #Animal#BhushanKumar #SandeepReddyVanga #PranayReddyVanga #ShivChanana #AnilThadani pic.twitter.com/PEvTeWafya
— $@M (@SAMTHEBESTEST_) December 4, 2023 " class="align-text-top noRightClick twitterSection" data="
">Gratitude-filled moments at #VaishnoDevi for team #Animal#BhushanKumar #SandeepReddyVanga #PranayReddyVanga #ShivChanana #AnilThadani pic.twitter.com/PEvTeWafya
— $@M (@SAMTHEBESTEST_) December 4, 2023Gratitude-filled moments at #VaishnoDevi for team #Animal#BhushanKumar #SandeepReddyVanga #PranayReddyVanga #ShivChanana #AnilThadani pic.twitter.com/PEvTeWafya
— $@M (@SAMTHEBESTEST_) December 4, 2023
ବର୍ତ୍ତମାନ ଭାରତୀୟ ବକ୍ସ ଅଫିସରେ 'ଆନିମଲ'ର ଭଲ ପ୍ରଦର୍ଶନ ପରେ ଫିଲ୍ମର ନିର୍ଦ୍ଦେଶକ ସନ୍ଦୀପ ରେଡ୍ଡୀ ଭେଙ୍ଗା ତାଙ୍କ ପିତା ପ୍ରଣୟ ରେଡ୍ଡୀ ଭେଙ୍ଗା, ନିର୍ମାତା ଭୂଷଣ କୁମାର, ଶିବ ଚାନ୍ନା ଏବଂ ଅନିଲ ଥଡାନୀ ବୈଷ୍ଣବ ଦେବୀଙ୍କ ଦର୍ଶନ କରିଛନ୍ତି । ଆନିମଲ ଟିମ୍ର ଲାଟେଷ୍ଟ ଫଟୋ ଏକ ଗଣମାଧ୍ୟମ ତାଙ୍କ ଇନ୍ଷ୍ଟାଗ୍ରାମରେ ସେୟାର କରିଛନ୍ତି । ଫଟୋରେ ଆନିମଲ ଟିମ୍ କ୍ୟାମେରା ପାଇଁ ପୋଜ୍ ଦେଉଥିବା ଦେଖିବାକୁ ମିଳିଛି ।
ଆନିମଲକୁ ସମଗ୍ର ବିଶ୍ୱରେ ପ୍ରଶଂସକଙ୍କଠାରୁ ଭଲ ପ୍ରତିକ୍ରିୟା ମିଳୁଛି । ତେବେ ନିର୍ମାତାମାନେ X ମାଧ୍ୟମରେ ଫିଲ୍ମର ଏକ ପୋଷ୍ଟ ସେୟାର କରି ଉତ୍ତର ଆମେରିକାରେ 1 ମିଲିୟନ୍ ଡଲାର କଲେକ୍ସନ ପାର କରିଥିବା ପ୍ରଥମ ହିନ୍ଦୀ ଫିଲ୍ମ ହେଉଛି ' ଆନିମଲ' । ଆନିମଲ' ବଲବୀର ସିଂ ନାମକ ଜଣେ ବିଜନେସ୍ ଟାଇକୁନ୍ ଏବଂ ତାଙ୍କ ପୁଅ ରଣବିଜୟ ସିଂଙ୍କୁ ନେଇ ବାପା-ପୁଅର ଭିତରେ ଥିବା ସମ୍ପର୍କର କାହାଣୀ । ରଣବିଜୟଙ୍କ ଭୂମିକାରେ ଅଭିନୟ କରୁଥିବା ରଣବୀର କପୁର ତାଙ୍କ ପରିବାରର ସୁରକ୍ଷା ପାଇଁ ଯେ କୌଣସି ବି ସ୍ତରକୁ ଯାଇପାରୁଥିବା ଦେଖିବାକୁ ମିଳିଛି । ଫିଲ୍ମରେ ରଣବୀରଙ୍କ ଅଭିନୟ ଏବଂ ସନ୍ଦୀପ ରେଡ୍ଡୀଙ୍କ ନିର୍ଦ୍ଦେଶନା ଦର୍ଶକଙ୍କ ହୃଦୟ ଜିତିବାରେ ସଫଳ ହୋଇଛି ।
ଏହା ମଧ୍ୟ ପଢନ୍ତୁ- ଦୁଇ ଶହ କୋଟି କ୍ଲବରେ ଆନିମଲ, ଭାଙ୍ଗିଲା ପଠାନ ଓ ଟାଇଗର 3ର ରେକର୍ଡ
'ଆନିମଲ' ଫିଲ୍ମ ବିଷୟରେ କହିବାକୁ ଗଲେ, ଏହି ଫିଲ୍ମର ନିର୍ଦ୍ଦେଶନା ଦେଇଛନ୍ତି ସନ୍ଦୀପ ରେଡ୍ଡୀ ଭଙ୍ଗା । ରଣବୀର କପୁରଙ୍କ ବ୍ୟତୀତ ବବି ଦେଓଲ, ସୁରେଶ ଓବରୋଇ, ରଶ୍ମିକା ମନ୍ଦାନା, ଅନିଲ କପୁର, ଶକ୍ତି କପୁରଙ୍କ ସମେତ ଅନେକ କଳାକାର ଏହି ଚଳଚ୍ଚିତ୍ରରେ ନଜର ଆସିଛନ୍ତି । ପ୍ରଥମ ଥର ପାଇଁ ଏହି ସମସ୍ତ ତାରକା ଏକାଠି ଏହି ଫିଲ୍ମରେ ଦେଖିବାକୁ ମିଳିଛି । ରଣବୀର କପୁର ଏବଂ ବବି ଦେଓଲଙ୍କ ଦମଦାର ଆକ୍ସନ ଦର୍ଶକଙ୍କୁ ଆକୃଷ୍ଟ କରିବାରେ ସଫଳ ହୋଇଛି । 'ଆନିମଲ' ପ୍ରଥମ ସପ୍ତାହରେ ୩୬୦ କୋଟିରୁ ଅଧିକ ଆୟ କରିଛି ।
