ହାଇଦ୍ରାବାଦ: ସାଉଥ ସିନେମାର ଦୁଇ ସୁପରଷ୍ଟାର ସାମନ୍ଥା ରୁଥ ପ୍ରଭୁ ଏବଂ ବିଜୟ ଦେବରକୋଣ୍ଡା ଆଗାମୀ ଫିଲ୍ମ 'ଖୁସି'ରେ ଏକାଠି ନଜର ଆସିବାକୁ ଯାଉଛନ୍ତି । ତେବେ ନିକଟରେ ଫିଲ୍ମର ନୂଆ ପୋଷ୍ଟର ରିଲିଜ ହୋଇଥିବା ବେଳେ ବର୍ତ୍ତମାନ ଫିଲ୍ମର ଟ୍ରେଲର ରିଲିଜ କରିଛନ୍ତି ନିର୍ମାତା । ଏହି ଚଳଚ୍ଚିତ୍ରରେ ସାମନ୍ଥା ଏବଂ ବିଜୟଙ୍କ ଲଭଷ୍ଟୋରୀ ଦେଖିବାକୁ ମିଳିବ । ତେବେ ସୋସିଆଲ ମିଡିଆରେ ଏହା ରିଲିଜ ହେବା ପରେ ଏହାକୁ ଫ୍ୟାନ୍ସ ଲାଇକ୍ କରିବା ସହ ଫିଲ୍ମକୁ ନେଇ ଉତ୍ସାହିତ ଅଛନ୍ତି ।
- " class="align-text-top noRightClick twitterSection" data="">
ବିଜୟ ଏବଂ ସାମନ୍ଥା ଫିଲ୍ମର ଟ୍ରେଲର କସୀ ତେଲୁଗୁ ଏବଂ ତାମିଲ, ହିନ୍ଦୀ ଏବଂ କନ୍ନଡ଼ରେ ରିଲିଜ ହୋଇଛି । ଫିଲ୍ମର 2.45 ମିନିଟର ଟ୍ରେଲରରେ କାଶ୍ମୀର ଅଞ୍ଚଳରୁ ସାଉଥ ସଂସ୍କୃତିର ଝଲକ ଦେଖିବାକୁ ମିଳିଛି । ବିଜୟ ଦେବରକୋଣ୍ଡା କାଶ୍ମୀରରେ ସାମନ୍ଥାଙ୍କୁ ଭେଟିଛନ୍ତି ଏବଂ ସେ ତାଙ୍କୁ ପ୍ରଥମ ଦେଖାରେ ଭଲପାଇ ବସୁଛନ୍ତି । ପରେ ଉଭୟ ବିବାହ କରିବାକୁ ନିଷ୍ପତ୍ତି ନେଇ ନିଜ ନିଜ ପରିବାରକୁ ମିଶାନ୍ତି। ହେଲେ ପରିବାରର ଧାରଣା ମିଶି ପାରୁନାହିଁ । ତେବେ ଉଭୟଙ୍କ ଲଭଷ୍ଟୋରୀ ସଫଳ କରିପାରୁଛନ୍ତି କି ନାହିଁ ତାହା ଫିଲ୍ମ ଦେଖିବା ପରେ ହିଁ ଜଣା ପଡିବ ।
ଶିବ ନିର୍ବାଣଙ୍କ ନିର୍ଦ୍ଦେଶିତ ଖୁସୀ ଜଣେ କାଶ୍ମୀରୀ ଝିଅ (ସାମନ୍ଥା ରୁଥ ପ୍ରଭୁ) ଏବଂ ଜଣେ ସେନା ଅଧିକାରୀ (ବିଜୟ ଦେବରକୋଣ୍ଡା)ଙ୍କ ପ୍ରେମ କାହାଣୀ ଉପରେ ଆଧାରିତ ଏକ ଚଳଚ୍ଚିତ୍ର । ଏହି ଚଳଚ୍ଚିତ୍ରରେ ବିଜୟ ଏବଂ ସାମନ୍ତଙ୍କ ବ୍ୟତୀତ ଜୟରାମ, ହାସ୍ୟ ଅଭିନେତା ଭେନେଲା କିଶୋର ଏବଂ ସହ ଅଭିନେତା ସଚିନ ଖେଡକର ମଧ୍ୟ ପ୍ରମୁଖ ଭୂମିକାରେ ନଜର ଆସିବେ । ଏହି ଚଳଚ୍ଚିତ୍ରଟି ମୈତ୍ରୀ ମୁଭି ମେକର୍ସ ଦ୍ୱାରା ନିର୍ମିତ ଏବଂ ଏହି ଚଳଚ୍ଚିତ୍ରର ସଙ୍ଗୀତ ହେଶାମ ଅବଦୁଲ ୱାହାବ ଦେଇଛନ୍ତି । ଏହି ଚଳଚ୍ଚିତ୍ରଟି ସେପ୍ଟେମ୍ବର 1ରେ ପ୍ରେକ୍ଷାଳୟରେ ମୁକ୍ତିଲାଭ କରିବାକୁ ଯାଉଛି ।
ଏହା ମଧ୍ୟ ପଢନ୍ତୁ: ନୂଆ ପୋଷ୍ଟର ଆଉଟ୍, ଏହି ଦିନ ରିଲିଜ ହେବ ଫିଲ୍ମର ଟ୍ରେଲର
ସେପଟେ ଜୁଲାଇ 28ରେ ଖୁସୀର ଟାଇଟଲ୍ ଟ୍ରାକ୍ ଗୀତ ରିଲିଜ ହୋଇଥିଲା । ଗୀତଟି ହେଶାମ ଅବଦୁଲ୍ ୱାହାବଙ୍କ ଦ୍ୱାରା ରଚନା କରାଯାଇଥିଲା । ଏହି ଗୀତ ରିଲିଜ ହେବା ଦିନଠାରୁ ଏହି ଗୀତଟି ୟୁଟ୍ୟୁବ୍ରେ 11 ମିଲିୟନରୁ ଅଧିକ ଭ୍ୟୁ ମିଳି ସାରିଲାଣି । ତେବେ ଗୀତ ଦର୍ଶକ ବେଶ ପସନ୍ଦ କରିଥିବା ବେଳେ ଫିଲ୍ମ ମଧ୍ୟ ହିଟ୍ ହେବା ସହ ଲୋକପ୍ରିୟତା ହାସଲ କରିବ ବୋଲି ଆଶା କରାଯାଉଛି ।
ୱାର୍କ ଫ୍ରଣ୍ଟ୍ ବିଷୟରେ କହିବାକୁ ଗଲେ, ବିଜୟ ପରବର୍ତ୍ତୀ ସମୟରେ ଗୌତମ ଟିନ୍ନୌରୀଙ୍କ ଆଗାମୀ ଚଳଚ୍ଚିତ୍ରରେ ଶ୍ରୀଲେଲାଙ୍କ ସହ ନଜର ଆସିବେ, ଯାହାର ନାମ ଭିଡି 12 ହେବ । ଅପରପକ୍ଷେ, ସାମନ୍ଥା ଆକ୍ସନ୍ ସିରିଜ୍ ସିଟାଡେଲର ଭାରତୀୟ ଆଡାପ୍ଟେସନରେ ବରୁଣ ଧୱନଙ୍କ ସହ ନଜର ଆସିବେ । ରାଜ ଏବଂ ଡି.କେ ଦ୍ୱାରା ନିର୍ମିତ ଏହି ସିରିଜ୍ ଆମାଜନ ପ୍ରାଇମ ଭିଡିଓରେ ଏହି ଫିଲ୍ମ ଷ୍ଟ୍ରିମିଂ ହେବ ।
