ହାଇଦ୍ରାବାଦ: ଆଜିକାଲି ସଲମାନ ଖାନ ବହୁ ପ୍ରତୀକ୍ଷିତ ଚଳଚ୍ଚିତ୍ର ଟାଇଗର ୩ ପାଇଁ ଲାଇମଲାଇଟରେ ରହିଛନ୍ତି । ନିକଟରେ ଫିଲ୍ମର ନୂଆ ପୋଷ୍ଟର ଏବଂ ଟିଜର ରିଲିଜ ହୋଇଥିବା ବେଳେ ଖୁବଶୀଘ୍ର ଫିଲ୍ମର ଟ୍ରେଲର ରିଲିଜ ହେବ । ଏହାରି ମଧ୍ୟରେ ବର୍ତ୍ତମାନ ସଲମାନ ଖାନ ତାଙ୍କ ସୋସିଆଲ ମିଡିଆ ଆକାଉଣ୍ଟରେ ଏକ ପୋଷ୍ଟ ସେୟାର କରିଛନ୍ତି । ଯେଉଁଥିରେ ସେ ଏକ ହସିନାଙ୍କ ସହ ରୋମାଣ୍ଟିକ ପୋଜରେ ନଜର ଆସିଛନ୍ତି । ଏହି ଫଟୋ ଏବେ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି ।
ଭାଇଜାନ ନିଜ ଇନଷ୍ଟାଗ୍ରାମରେ ରବିବାର ଅର୍ଥାତ୍ ଆଜି ଏକ ପୋଷ୍ଟ ସେୟାର କରିଛନ୍ତି । ଏହି ପୋଷ୍ଟରେ ସଲମାନଙ୍କୁ ଏକ ହସିନାଙ୍କ ସହ ଦେଖିବାକୁ ମିଳିଛି । ହସିନା ଜଣଙ୍କ ସଲମାନଙ୍କ କାନ୍ଧରେ ମୁଣ୍ଡ ରଖି ପଛପଟୁ ପୋଜ ଦେଇଥିବା ବେଳେ ସଲମାନ ତାଙ୍କ କାନ୍ଧରେ ହାତ ରଖିଥିବା ନଜର ଆସିଛନ୍ତି । ଏଥିସହ ହସିନାଙ୍କ ସାର୍ଟରେ ୨୭/୧୨ ଲେଖାଇଛି । ତେବେ ଉଭୟ ହ୍ବାଇଟ ଆଉଟଫିଟରେ ନଜର ଆସିଥିବା ବେଳେ ଏହି ଫଟୋ ସେୟାର କରି ଭାଇଜାନ କ୍ୟାପସନରେ ଲେଖିଛନ୍ତି, 'ମୁଁ ସର୍ବଦା ତୁମ ସହ ଛିଡା ହେବି ।'
ଏହି ପୋଷ୍ଟ ସେୟାର ହେବା ମାତ୍ରେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏହି ଯୁବତୀ ବା ହସିନା ଜଣଙ୍କ କିଏ ଜାଣିବାକୁ ଫ୍ୟାନ୍ସ ବେକାବୁ ହୋଇଛନ୍ତି । ଅନେକ ଲୋକ ପ୍ରତିକ୍ରିୟାରେ ଲେଖୁଛନ୍ତି ଯେ 'ଶେଷରେ ଭାଉଜ ମିଳିଗଲେ।' ସେହିପରି ଆଉ କେତେକ ଫ୍ୟାନ୍ସ ଲେଖିଛନ୍ତି, ଭାଇ ବିବାହ କରିଦେଲେ କି ? ବର୍ତ୍ତମାନ ଏହି ସମସ୍ତ ପ୍ରଶ୍ନର ଉତ୍ତର ଆସନ୍ତାକାଲି ମିଳିବ । କାରଣ ସଲମାନ ଖାନ ସେୟାର କରିଥିବା ଫଟୋରେ ଲେଖିଛନ୍ତି ଯେ 'ଆସନ୍ତାକାଲି ମୋ ହୃଦୟର କିଛି କଥା ସେୟାର କରିବି।'
ଏହା ମଧ୍ୟ ପଢନ୍ତୁ: ନୂଆ ପୋଷ୍ଟର ଲଞ୍ଚ, ଭିନ୍ନ ଲୁକ୍ରେ ନଜର ଆସିଲେ ଭାଇଜାନ
'ଟାଇଗର ୩' 'ବିଷୟରେ କହିବାକୁ ଗଲେ ସଲମାନ ଖାନଙ୍କ ଏହି ଚଳଚ୍ଚିତ୍ର ଦୀପାବଳିରେ ମୁକ୍ତିଲାଭ କରୁଛି । ଏହି ଫିଲ୍ମରେ ସେ ପୁଣି ବଲିଉଡ ଅଭିନେତ୍ରୀ କ୍ୟାଟ୍ରିନା କୈଫଙ୍କ ସହ ନଜର ଆସିବେ । ଏଥିସହ ଅଭିନେତା ଇମ୍ରାନ ହାସମୀଙ୍କୁ ମଧ୍ୟ ଏଥିରେ ଦେଖିବାକୁ ମିଳିବ। ସଲମାନଙ୍କ ପ୍ରଶଂସକମାନେ ମଧ୍ୟ ଏହି ଫିଲ୍ମକୁ ଉତ୍ସାହର ସହ ଅପେକ୍ଷା କରିଛନ୍ତି। ନିକଟରେ ଫିଲ୍ମର ଟିଜର ସହ ନୂଆ ପୋଷ୍ଟର ରିଲିଜ ହୋଇଥିଲା, ଯାହାକୁ ଦର୍ଶକ ବେଶ ପସନ୍ଦ କରିଥିଲେ । 16 ଅକ୍ଟୋବରରେ ଟାଇଗର 3ର ଟ୍ରେଲର ରିଲିଜ ହେବ ।
