ହାଇଦ୍ରାବାଦ: ସାଉଥ ସୁପରଷ୍ଟାର ଜୁନିଅର ଏନଟିଆର ଆଜିକାଲି ଫିଲ୍ମ 'ଆରଆରଆର'ର ଓସ୍କାର ସଫଳତା ପାଇଁ ଲାଇମ ଲାଇଟରେ ରହିଛନ୍ତି । ଏହି ଫିଲ୍ମ ପରେ ଅଭିନେତା NTR 30 ଫିଲ୍ମର ସୁଟିଂ ଆରମ୍ଭ କରିବାରେ ବ୍ୟସ୍ତ ଅଛନ୍ତି । ଜୁନିଅର ଏନଟିଆର କାମର ବିରତି ପରେ ନିଜ ପରିବାର ସହ ସମୟ ଅତିବାହିତ କରିଥାନ୍ତି ଏବଂ ପରିବାରର ଫଟୋ ମଧ୍ୟ ସୋସିଆଲ ମିଡିଆରେ ସେୟାର କରିଥିବା ଦେଖିବାକୁ ମିଳିଛି । ତେବେ ନିକଟରେ Jr NTR ନିଜ ପତ୍ନୀ ଲକ୍ଷ୍ମୀ ପ୍ରଣତୀଙ୍କୁ ତାଙ୍କ ଜନ୍ମଦିନରେ ଶୁଭେଚ୍ଛା ଜଣାଇଛନ୍ତି । ସୋସିଆଲ ମିଡିଆରେ ଉଭୟଙ୍କ ଏକ ଫଟୋ ସେୟାର କରି ଅଭିନନ୍ଦନ ଜଣାଇଥିବା ନଜର ଆସିଛି ।
- " class="align-text-top noRightClick twitterSection" data="
">
ଜୁନିଅର ଏନଟିଆର ତାଙ୍କ ସୁନ୍ଦର ପତ୍ନୀ ପ୍ରଣତୀଙ୍କ ଜନ୍ମଦିନ ନେଇ ତାଙ୍କ ଅଫିସିଆଲ ଇନଷ୍ଟାଗ୍ରାମରେ ଏକ ପୋଷ୍ଟ ସେୟାର କରିଛନ୍ତି, ଯେଉଁଥିରେ ସେ ତାଙ୍କୁ 'ଅମାଲୁ' ବୋଲି ସମ୍ବୋଧନ କରିଛନ୍ତି । ଅଭିନେତା ତାଙ୍କ ପତ୍ନୀଙ୍କ ସହ ଏକ ସୁନ୍ଦର ଫଟୋ ସେୟାର କରି ଲେଖିଛନ୍ତି, ହାପି ବର୍ଥ ଡେ ଅମାଲୁ । ତେବେ ଏହି ଫଟୋରେ ଦମ୍ପତି ସ୍ମାଇଲ କରୁଥିବା ସହ ଏକ ଷ୍ଟାଇଲିସ ପୋଜ ଦେଉଥିବାର ନଜର ଆସିଛନ୍ତି । ଜୁନିଅର ଏନଟିଆର ଏକ ବ୍ଲାକ ସାର୍ଟ, ପ୍ୟାଣ୍ଟ ପିନ୍ଧିଥିବା ବେଳେ ହାତରେ ବ୍ଲାକ ଜ୍ୟାକେଟ ଧରିଥିବାର ନଜର ଆସିଛନ୍ତି । ସେହିପରି ତାଙ୍କ ପତ୍ନୀ ପ୍ରଣତୀ ବ୍କୁ ଜିନ୍ସ ସାର୍ଟ ସହ ବ୍ଲାକ ପ୍ୟାଣ୍ଟ ପିନ୍ଧିଥିବାର ଦେଖିବାକୁ ମିଳିଛି । ଫଟୋଟି ଏକ ରେସ୍ତୋରାଁ ଭିତର, ଯାହା ଖ୍ରୀଷ୍ଟମାସ ସାଜସଜ୍ଜାରେ ସଜାଯାଇଥିବା ଦେଖିବାକୁ ମିଳିଛି । ଏନେଇ ତାଙ୍କ ପ୍ରଶଂସକମାନେ ମଧ୍ୟ Jr NTRଙ୍କ ପତ୍ନୀଙ୍କୁ ଜନ୍ମଦିନର ଶୁଭେଚ୍ଛା ସହ ପ୍ରତିକ୍ରିୟା ଦେଇଛନ୍ତି ।
ସୂଚନା ଥାଉ କି, ମେ 2011ରେ Jr NTR ଏବଂ ପ୍ରଣତୀ ବିବାହ ବନ୍ଧନରେ ବାନ୍ଧି ହୋଇଥିଲେ । ସେତେବେଳେ Jr NTRଙ୍କୁ 26 ବର୍ଷ ହୋଇଥିବାବେଳେ ପ୍ରଣତୀଙ୍କୁ ମାତ୍ର 18 ବର୍ଷ ହୋଇଥିଲା । ପ୍ରଣତୀ ଆନ୍ଧ୍ରପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଏନ ଚନ୍ଦ୍ରବାବୁ ନାଇଡୁଙ୍କ ସମ୍ପର୍କୀୟ ଅଟନ୍ତି । ଉଭୟଙ୍କ ଭାର୍ଗଭ ରାମ ଏବଂ ଅଭୟ ରାମ ନାମକ 2ଟି ପୁଅ ଅଛନ୍ତି ।
ଜୁନିଅର NTRର ୱାର୍କଫ୍ରଣ୍ଟ କଥା କହିବାକୁ ଗଲେ, Jr NTR ଆଗାମୀ ଫିଲ୍ମ 'NTR 30' ରେ ନଜର ଆସିବାକୁ ଯାଉଛନ୍ତି । କୋରତାଲା ସିଭାଙ୍କ ନିର୍ଦ୍ଦେଶିତ ଏହି ଫିଲ୍ମରେ ବଲିଉଡ ଅଭିନେତ୍ରୀ ଜାନୱୀ କପୁର ମଧ୍ୟ ମୁଖ୍ୟ ଭୂମିକାରେ ନଜର ଆସିବେ । ଫିଲ୍ମର ଅଫିସିଆଲ୍ ଟାଇଟଲ୍ ଏବଂ ବାକି ଷ୍ଟାର୍ କାଷ୍ଟ ଖୁବଶୀଘ୍ର ପ୍ରକାଶ ପାଇବ ବୋଲି ଆଶା କରାଯାଉଛି ।
