ହାଇଦ୍ରାବାଦ: ଆଲିଆ ଭଟ୍ଟ ଏବଂ ରଣଭୀର ସିଂଙ୍କ ଫିଲ୍ମ ‘ରକି ଔର ରାନୀ କି ପ୍ରେମ କାହାନୀ’ ସିନେମା ଘରେ ଧମାଲ ମଚାଇବା ପରେ ବର୍ତ୍ତମାନ ଓଟିଟି ପ୍ଲାଟଫର୍ମରେ ମୁକ୍ତିଲାଭ କରିଛି । ଏହି ରୋମାଣ୍ଟିକ୍-କମେଡି ପାରିବାରିକ ଡ୍ରାମା ଚଳଚ୍ଚିତ୍ର ସହିତ କରଣ ଜୋହର ସାତ ବର୍ଷ ପରେ ନିର୍ଦ୍ଦେଶନାକୁ ଫେରିଛନ୍ତି । ସାତ ବର୍ଷ ପରେ ପ୍ରତ୍ୟାବର୍ତ୍ତନ କରଣଙ୍କ ପାଇଁ ଶାନଦାର ରହିଥିଲା । ଲୋକମାନେ ଆଲିଆ ଏବଂ ରଣଭୀରଙ୍କ କେମେଷ୍ଟ୍ରିକୁ ବହୁତ ପସନ୍ଦ କରିଥିଲେ, ଏହି କାରଣରୁ ଏହି ଚଳଚ୍ଚିତ୍ରଟି ଦୀର୍ଘ ଦିନ ପର୍ଯ୍ୟନ୍ତ ପ୍ରେକ୍ଷାଳୟରେ ରହିଲା । ଏହି ଚଳଚ୍ଚିତ୍ର ଜୁଲାଇ 28ରେ ପ୍ରେକ୍ଷାଳୟରେ ମୁକ୍ତିଲାଭ କରିବାର ପ୍ରାୟ 2 ମାସ ପରେ ଏହା ଓଟିଟି ପ୍ଲାଟଫର୍ମରେ ମୁକ୍ତିଲାଭ କରିଛି ।
ପ୍ରେକ୍ଷାଳୟ ପରେ ଫିଲ୍ମ ‘ରକି ଔର ରାନୀ କି ପ୍ରେମ କାହାନୀ’କୁ ବର୍ତ୍ତମାନ ଓଟିଟି ପ୍ଲାଟଫର୍ମରେ ଦର୍ଶକ ଉପଭୋଗ କରିପାରିବ । କରଣ ଜୋହର ସୋସିଆଲ ମିଡିଆରେ ଏକ ପୋଷ୍ଟ ସେୟାର କରି ଫିଲ୍ମ ରିଲିଜ ବିଷୟରେ ସୂଚନା ଦେଇଛନ୍ତି । କେଉଁ ଓଟିଟି ପ୍ଲାଟଫର୍ମରେ ଫିଲ୍ମ ରିଲିଜ ହୋଇଛି ତାହା ମଧ୍ୟ ସେ କହିଛନ୍ତି ।
ଆମାଜନ ପ୍ରାଇମରେ କଲା ମୁକ୍ତିଲାଭ
ଫିଲ୍ମର ପୋଷ୍ଟର ସେୟାର କରିବାବେଳେ କରଣ ଜୋହର ଲେଖିଛନ୍ତି-ରକି ଏବଂ ରାନି ସେମାନଙ୍କ ପ୍ରେମ କାହାଣୀ ସହିତ ଆପଣଙ୍କୁ ଦେଖିବାକୁ ପ୍ରସ୍ତୁତ ଅଛନ୍ତି । ବର୍ତ୍ତମାନ ଆମାଜନ ପ୍ରାଇମରେ ‘ରକି ଔର ରାନୀ କି ପ୍ରେମ କାହାନୀ’ ଦେଖନ୍ତୁ ।
ଏହା ମଧ୍ୟ ପଢନ୍ତୁ: RARKPK: ସାରା ବିଶ୍ୱରେ ପାର୍ କଲା 200 କୋଟି, ଭାବପ୍ରବଣ ନୋଟ୍ ଲେଖି ଧନ୍ୟବାଦ ଜଣାଇଲେ କରଣ
22 ସେପ୍ଟେମ୍ବରରେ ଓଟିଟି ପ୍ଲାଟଫର୍ମରେ ‘ରକି ଔର ରାନୀ କି ପ୍ରେମ କାହାନୀ’ ରିଲିଜ୍ ବିଷୟରେ ସୂଚନା ଦିଆଯାଇଥିଲା । କିଛି ଦିନ ଧରି ଏହି ଚଳଚ୍ଚିତ୍ର ଆମାଜନ ପ୍ରାଇମରେ ରେଣ୍ଟରେ ଉପଲବ୍ଧ ଥିଲା । ବର୍ତ୍ତମାନ ଦର୍ଶକମାନେ ଏହି ଚଳଚ୍ଚିତ୍ରକୁ ଆମାଜନ ପ୍ରାଇମରେ ମାଗଣାରେ ଦେଖିପାରିବେ ।
‘ରକି ଔର ରାନୀ କି ପ୍ରେମ କାହାନୀ’ ବିଷୟରେ କଥି ହେବା ତ, ଆଲିଆ ଭଟ୍ଟ ଏବଂ ରଣଭୀର ସିଂଙ୍କ ସହିତ ଧର୍ମେନ୍ଦ୍ର, ଶବାନା ଆଜମୀ ଏବଂ ଜୟା ବଚ୍ଚନ ଏଥିରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରୁଥିବା ଦେଖିବାକୁ ମିଳିଛି । ଚଳଚ୍ଚିତ୍ରର କାହାଣୀ ବିଷୟରେ କହିବାକୁ ଗଲେ, ଫିଲ୍ମରେ ଭରପୂର ମନୋରଞ୍ଜନ ସହ ପାରିବାରିକ କାହାଣୀ ରହିଛି । ଏହି ଚଳଚ୍ଚିତ୍ରରେ ରଣବୀର ସିଂ ଜାଟ୍ ପଞ୍ଜାବୀ ପରିବାର ଏବଂ ଆଲିଆଙ୍କ ଚରିତ୍ର ଜଣେ ବଙ୍ଗାଳୀ ପରିବାରର ଅଟନ୍ତି । ଯେଉଁମାନେ ପରସ୍ପରକୁ ଭଲ ପାଆନ୍ତି । ସେମାନେ ନିଜ ପରିବାରକୁ ଖୁସି କରିବା ପାଇଁ, ଦୁହେଁ ପରସ୍ପରର ପରିବାର ସହିତ ତିନିମାସ ରୁହନ୍ତି । ଏହିଭଳି ଏକ କ୍ୟୁଟ୍ ଲଭଷ୍ଟୋରୀକୁ ନେଇ ଏହି ଫିଲ୍ମ ପ୍ରସ୍ତୁତ କରାଯାଇଛି ।
