ହାଇଦ୍ରାବାଦ: ଦକ୍ଷିଣ ଚଳଚ୍ଚିତ୍ର ଇଣ୍ଡଷ୍ଟ୍ରିର ଚର୍ଚ୍ଚିତ ଅଭିନେତ୍ରୀ ରଶ୍ମିକା ମନ୍ଦାନାଙ୍କ ଫ୍ୟାନ୍ସଙ୍କ ପାଇଁ ଆଉ ଏକ ଖୁସି ଖବର। ରଶ୍ମିକା ମନ୍ଦାନା ଦକ୍ଷିଣରେ ଅନେକ ସୁପରହିଟ୍ ଚଳଚ୍ଚିତ୍ରରେ କାମ କରିଛନ୍ତି, ଯାହା ଆଧାରରେ ସେ ବଲିଉଡରେ ଏଣ୍ଟ୍ରି କରିଥିଲେ। ରଶ୍ମିକାଙ୍କ ପାଖରେ ବର୍ତ୍ତମାନ ଦୁଇଟି ବଲିଉଡ ଫିଲ୍ମ ଅଛି ଏବେ ଆଉ ଏକ ବଡ ଫିଲ୍ମ ତାଙ୍କ ହାତରେ ଲାଗିଛି । ରଶ୍ମିକା ମନ୍ଦାନା ବର୍ତ୍ତମାନ ଟାଇଗର ଶ୍ରଫଙ୍କ ସହ ଏକ ଫିଲ୍ମକୁ ନେଇ ଚର୍ଚ୍ଚାକୁ ଆସିଛନ୍ତି।
- " class="align-text-top noRightClick twitterSection" data="
">
ଗଣମାଧ୍ୟମ ରିପୋର୍ଟ ଅନୁଯାୟୀ, ରଶ୍ମିକା ମନ୍ଦାନା ଏବଂ ବଲିଉଡର ସୁପରହିରୋ ଟାଇଗର ଶ୍ରଫଙ୍କ ପାଇଁ ଏକ ଫିଲ୍ମ ପ୍ରସ୍ତୁତ କରାଯାଉଛି। କୁହାଯାଉଛି ଯେ ଶଶାଙ୍କ ଖୈତାନ ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେବେ ଏବଂ କରଣ ଜୋହର ଏହି ଫିଲ୍ମ ନିର୍ମାଣ କରିବେ।
ଏହି ଚଳଚ୍ଚିତ୍ରଟି ଆକ୍ସନ୍, ରୋମାନ୍ସ ଏବଂ ଆଡଭେଞ୍ଚରରେ ପରିପୂର୍ଣ୍ଣ ହେବ, ଯେଉଁଥିରେ ଟାଇଗରଙ୍କ ଦମଦାର ଆକ୍ସନ ଏବଂ ରଶ୍ମିକା ମନ୍ଦାନାଙ୍କ ସହ ଅଭିନେତାଙ୍କ ରୋମାନ୍ସ ଦେଖିବାକୁ ମିଳିବ । ଟାଇଗର ଏବଂ ରଶ୍ମିକାଙ୍କ ପ୍ରଶଂସକଙ୍କ ପାଇଁ ଏହା ଏକ ବଡ ଉପହାର ହେବାକୁ ଯାଉଛି। କୁହାଯାଉଛି ଯେ ଏହି ଫିଲ୍ମ ଚଳିତ ବର୍ଷ ସେପ୍ଟେମ୍ବରରେ ଆରମ୍ଭ ହେବ।
- " class="align-text-top noRightClick twitterSection" data="
">
ରଶ୍ମିକାଙ୍କ ବଲିଉଡ ପ୍ରୋଜେକ୍ଟ
ରଶ୍ମିକାଙ୍କ ପାଖରେ ପୂର୍ବରୁ ଦୁଇଟି ବଲିଉଡ ଫିଲ୍ମ 'ମିଶନ୍ ମଜନୁ' ଏବଂ 'ଗୁଡବାୟ' ଅଛି । ଏହି ଚଳଚ୍ଚିତ୍ର ସହିତ ରଶ୍ମିକା ବଲିଉଡରେ ଏଣ୍ଟ୍ରି କରିବାକୁ ଯାଉଛନ୍ତି । ତାଙ୍କୁ ସିଦ୍ଧାର୍ଥ ମଲହୋତ୍ରାଙ୍କ ସହ 'ମିଶନ୍ ମଜନୁ'ରେ ଏବଂ ଅମିତାଭ ବଚ୍ଚନଙ୍କ ସହ 'ଗୁଡବାୟ'ରେ ନଜର ଆସିବେ। ଗତ ବର୍ଷ ଡିସେମ୍ବର ଶେଷରେ ମୁକ୍ତିଲାଭ କରିଥିବା ରଶ୍ମିକାଙ୍କ ଫିଲ୍ମ 'ପୁଷ୍ପା-ଦ ରାଇଜ୍' ଏକ ବ୍ଲକବଷ୍ଟରରେ ଫିଲ୍ମ ଥିଲା। ରଶ୍ମିକା ଯେଉଁ ବି ଫିଲ୍ମ କରନ୍ତି, ତାହା ସୁପରହିଟ୍ ହୋଇଥାଏ । ରଶ୍ମିକା ତାଙ୍କ କ୍ୟାରିୟରରେ କ୍ରମାଗତ ସାତୋଟି ହିଟ୍ ଫିଲ୍ମ ଦେଇଛନ୍ତି।
ବ୍ୟୁରୋ ରିପୋର୍ଟ, ଇଟିଭି ଭାରତ
