ମୁମ୍ବାଇ: ଗତ ଏପ୍ରିଲ ୧୪ରେ ଲଙ୍ଗଟାଇମ ଗର୍ଲଫ୍ରେଣ୍ଡ ଆଲିଆ ଭଟ୍ଟଙ୍କୁ ବିବାହ କରିଛନ୍ତି ବଲିଉଡ଼ ଆକ୍ଟର ରଣବୀର କପୁର । ବିବାହ ପାଇଁ ନିଜ ବ୍ୟସ୍ତବହୁଳ କାମରୁ ବିରତି ନେଇଥିବା ରଣବୀର ହାତରେ ମେହେନ୍ଦୀରେ ଆଲିଆଙ୍କ ନାଁ ଲେଖି କାମକୁ ଫେରିଛନ୍ତି । ବିବାହ ଥିବା ସତ୍ତ୍ବେ ଉଭୟ ନିଜ କାମରୁ ଅଧିକ ବିରତି ନେଇଥିଲେ । ବିବାହର ମାତ୍ର ୩ ଦିନ ପରେ ବାରଣାସୀ ଫିଲ୍ମର ସୁଟିଂ ପାଇଁ ରଣବୀର ପୁଣି କାମକୁ ଫେରିଥିବା ଜଣାପଡ଼ିଛି ।
ବିବାହ ପରେ ରଣବୀର ରବିବାର ପାପାରାଜି କ୍ୟାମରାରେ କଏଦ ହୋଇଛନ୍ତି । ମୁମ୍ବାଇରେ T-Series କାର୍ଯ୍ୟାଳୟରେ ଏକ ମିଟିଂରେ ଯୋଗ ଦେବା ପାଇଁ ରଣବୀର କାଜୁଆଲ ଲୁକ୍ରେ ବାହାରିଥିବା ଦେଖିବାକୁ ମିଳିଛି । ରଣବୀର ବ୍ଲୁ ଚେକ୍ଡ ଜ୍ୟାକେଟ ସ ଜିନ୍ସ ପ୍ୟାଣ୍ଟ ଓ ସ୍ନିକର ପିନ୍ଧିଥିବା ଦେଖିବାକୁ ମିଳିଛି । ରଣବୀର ଏବେ ସନ୍ଦୀପ ରେଡ୍ଡି ଭଙ୍ଗାଙ୍କ Animal, ଲଭ ରଞ୍ଜନଙ୍କ ଆଗାମୀ ଫିଲ୍ମ, ସମଶେରା ଓ ବ୍ରହ୍ମାସ୍ତ୍ର ଫିଲ୍ମ ପାଇଁ ବ୍ୟସ୍ତ ରହିଛନ୍ତି । ସେପଟେ ଆଲିଆ ମଧ୍ୟ ବିବାହ ପାଇଁ ରକି ଔର ରାନି କି ପ୍ରେମ କାହାନୀ ଫିଲ୍ମର ସୁଟିଂକୁ ମଧ୍ୟ ସ୍ଥଗିତ ରଖିଛନ୍ତି ।
- " class="align-text-top noRightClick twitterSection" data="
">
ଏହି ନବଦମ୍ପତିଙ୍କ ନିକଟରେ ଅନେକ କାମ ରହିଥିବାବେଳେ ସେମାନେ ହନିମୁନ ପାଇଁ ସାଉଥ ଆଫ୍ରିକା ଗସ୍ତ କରିଥିବା କିଛି ରିପୋର୍ଟରୁ ଜଣାପଡ଼ିଛି । ଆଲିଆ ଓ ରଣବୀର ଏପ୍ରିଲ ୧୪ରେ ପରିବାର ବର୍ଗ ଓ କିଛି ଘନିଷ୍ଠ ବନ୍ଧୁଙ୍କ ଗହଣରେ ବିବାହ ବନ୍ଧନରେ ଆବଦ୍ଧ ହୋଇଛନ୍ତି । ବ୍ରହ୍ମାସ୍ତ୍ର ଫିଲ୍ମର ସୁଟିଂ ସମୟରେ ଉଭୟ ପରସ୍ପର ପ୍ରତି ଆକୃଷ୍ଟ ହୋଇଥିଲେ ।
