ମୋହାଲି: ସଡ଼କ ଦୁର୍ଘଟଣାର ଶିକାର ହେଲେ ପଞ୍ଜାବୀ ଗୀତିକାର ତଥା ଗାୟକ ଜାନୀ । ମଙ୍ଗଳବାର ସନ୍ଧ୍ୟାରେ ମୋହାଲିର ସେକ୍ଟର -76 ରେ ଏହି ଦୁର୍ଘଟଣା ଘଟିଛି । ଏକ ଫର୍ଚୁନର କାର ଭାରସାମ୍ୟ ହରାଇ ଓଲଟି ପଡ଼ିବାରୁ ଭୟଙ୍କର ଭାବେ କ୍ଷତିଗ୍ରସ୍ତ ହୋଇଛି । ଏହି କାର୍ରେ ଜାନୀ ଜୌହନଙ୍କ ସମେତ 3ଜଣ ଥିଲେ । ଏହି 3 ଗୁରୁତରଙ୍କୁ ଉଦ୍ଧାର କରାଯାଇ ଫେଜ୍ 8ର ଏକ ଘରୋଇ ଡାକ୍ତରଖାନାରେ ଭର୍ତ୍ତି କରାଯାଇଛି। ସେଠାରେ ତାଙ୍କର ଚିକିତ୍ସା ଚାଲିଛି ।
ଏହି ଦୁର୍ଘଟଣାରେ ଜାନୀଙ୍କ ବେକ ଏବଂ ପିଠିରେ ଆଘାତ ଲାଗିଛି । କ୍ଷତିଗ୍ରସ୍ତ ଗାଡିଗୁଡିକୁ ଜବତ କରି ସୋହାନା ପୋଲିସ ଷ୍ଟେସନ ତଦନ୍ତ ଆରମ୍ଭ କରିଛି । ସେକ୍ଟର -76 ଇଷ୍ଟ ପ୍ରିମିୟମରୁ ଆସୁଥିବା ରାସ୍ତାରେ ଅବସ୍ଥିତ ଟ୍ରାଫିକ ଲାଇଟ ନିକଟରେ ଏହି ଦୁର୍ଘଟଣା ଘଟିଛି।
ସୂଚନା ଅନୁଯାୟୀ, ଏହି ସମୟରେ ଗାୟକ ଜାନୀଙ୍କ ଫର୍ଚୁନର କାର ତୀବ୍ର ବେଗରେ ଆସୁଥିଲା । ଏକ ଫୋର୍ଡ ଫିଗୋ କାରରୁ ବଞ୍ଚାଇବାକୁ ଯାଇ ଫର୍ଚୁନର ଡ୍ରାଇଭର ହଠାତ୍ ବ୍ରେକ୍ ମାରିଥିଲେ, କିନ୍ତୁ ଫର୍ଚୁନର୍ କାରଟି ଭାରସାମ୍ୟ ହରାଇ ରାସ୍ତାରେ ଓଲଟି ପଡିଥିଲା । ଏହା ପରେ ସ୍ଥାନୀୟ ଅଞ୍ଚଳର ଲୋକମାନେ ଏକତ୍ରିତ ହୋଇ କାର୍ ଡ୍ରାଇଭର, ଗାୟକ ଜାନୀଙ୍କୁ ଏବଂ ତାଙ୍କର ଜଣେ ସାଥୀଙ୍କୁ ଫର୍ଚୁନ୍ରୁ ବାହାର କରି ସିଧା ଘରୋଇ ଡାକ୍ତରଖାନାକୁ ନେଇଥିଲେ। ସେଠାରେ ତାଙ୍କର ଚିକିତ୍ସା ଜାରି ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
