ହାଇଦ୍ରାବାଦ: ନ୍ୟୁୟର୍କର ଟାଇମ୍ ସ୍କ୍ବାୟାର୍ ବିଲବୋର୍ଡରେ ସାଉଥ ଇଣ୍ଡଷ୍ଟ୍ରି ଏକ ନୂତନ ଧାରା ଆରମ୍ଭ କରିଛି । ପୂର୍ବରୁ ମହେଶ ବାବୁଙ୍କ ଝିଅ ସୀତାରାଙ୍କ ଚିତ୍ର ବିଲବୋର୍ଡରେ ପ୍ରଦର୍ଶିତ ହୋଇଥିଲା । ଏକ ପ୍ରସିଦ୍ଧ ଜୁଏଲେରୀ ବ୍ରାଣ୍ଡ ପାଇଁ ସୀତାରାଙ୍କ ବିଜ୍ଞାପନ ପ୍ରଦର୍ଶିତ ହୋଇଥିଲା । ଏହା ପୂର୍ବରୁ ସାଉଥ ଅଭିନେତା ଥାଲାପତି ବିଜୟଙ୍କ ପ୍ରଶଂସକମାନେ ତାଙ୍କ ଜନ୍ମଦିନ ପାଳନ କରିବା ପାଇଁ ସେଠାରେ ଅଭିନେତାଙ୍କ ଏକ ଭିଡିଓ ସ୍କ୍ରିନ୍ କରିଥିଲେ । ବର୍ତ୍ତମାନ ପ୍ରଭାସଙ୍କ ଆଗାମୀ ପାନ-ଇଣ୍ଡିଆନ୍ ଫିଲ୍ମ 'ପ୍ରୋଜେକ୍ଟ କେ' ର ପୋଷ୍ଟର ପ୍ରଦର୍ଶିତ ହୋଇଛି । ଏନେଇ ପ୍ରଭାସ ସୋସିଆଲ ମିଡିଆ ଏହାର ଭିଡିଓ କ୍ଲିପ୍ ସେୟାର କରିଛନ୍ତି ।
ନିଜ ଟ୍ବିଟରରେ ପ୍ରଭାସ ଟାଇମ୍ସ ସ୍କ୍ବାୟାର ବିଲବୋର୍ଡରେ ପ୍ରଦର୍ଶିତ'ପ୍ରୋଜେକ୍ଟ କେ'ର ଭିଡିଓ ସେୟାର କରିଛନ୍ତି । ଭିଡିଓରେ 'ପ୍ରୋଜେକ୍ଟ କେ' ର ପୋଷ୍ଟର ପ୍ରଦର୍ଶିତ ହୋଇଛି । ଏହାସହ ଜୁଲାଇ 20ରେ ପ୍ରଥମ ଲୁକ୍ ଆସିବା ନେଇ ମଧ୍ୟ ଲେଖା ହୋଇଛି । ତେବେ ଏହି ଭିଡିଓ ସେୟାର କରି ପ୍ରଭାସ ଲେଖିଛନ୍ତି, “ଟାଇମ୍ସ ସ୍କ୍ୱାୟାରରେ ବିଲବୋର୍ଡରେ ପ୍ରୋଜେକ୍ଟ କେ । ଜୁଲାଇ 20 ରେ ପ୍ରଥମ ଲୁକ।” ଏହି ଭିଡିଓକୁ ଫ୍ୟାନ୍ସ ବେଶ ପସନ୍ଦ କରିବା ସହ ଅନକେ ପ୍ରତିକ୍ରିୟା ଦେଇଛନ୍ତି । ଜଣେ ପ୍ରଶଂସକ ଲେଖିଛନ୍ତି,''ଏହି ଫିଲ୍ମ ଭାରତର ସବୁଠାରୁ ବଡ଼ ସିନେମାଟିକ୍ ୟୁନିଭର୍ସ"। ଅନ୍ୟ ଜଣେ ଫ୍ୟାନ ଭିଡିଓର ପୃଷ୍ଠଭୂମି ସଙ୍ଗୀତକୁ ହାଇଲାଇଟ୍ କରି ଲେଖିଛନ୍ତି, "କେହି bgm ମ୍ୟୁଜିକ ଉପରେ ଧ୍ୟାନ ଦେଇଛ ।"
ଏହା ମଧ୍ୟ ପଢନ୍ତୁ: 'ପ୍ରୋଜେକ୍ଟ କେ'ରେ କମଲ ହାସନଙ୍କ ଏଣ୍ଟ୍ରି, ଖଳନାୟକ ଭୂମିକାରେ ଆସିବେ ନଜର
ନାଗ ଅଶ୍ୱିନଙ୍କ ଦ୍ୱାରା ନିର୍ଦ୍ଦେଶିତ, ପ୍ରୋଜେକ୍ଟ କେ ହେଉଛି ତେଲୁଗୁ ସିନେମାର ଏକ ବଡ଼ ଫିଲ୍ମ । ଏହି ଫିଲ୍ମରେ ଅମିତାଭ ବଚ୍ଚନ, ଦୀପିକା ପାଦୁକୋନ ଏବଂ କମଲ ହାସନ, ଦିଶା ପଟାନୀ ପ୍ରମୁଖ ଭୂମିକାରେ ଅଭିନୟ କରିଛନ୍ତି । 2024 ଜାନୁଆରୀ 12ରେ ସିନେମା ହଲରେ ରିଲିଜ ହେବ ଫିଲ୍ମ । ରିପୋର୍ଟ ଅନୁଯାୟୀ, ଫିଲ୍ମର ବଜେଟ ପ୍ରାୟ 50 କୋଟି ଅଟେ। ଏହାକୁ ଭାରତୀୟ ସିନେମାର ସବୁଠାରୁ ମହଙ୍ଗା ଚଳଚ୍ଚିତ୍ର ଭାବରେ ବର୍ଣ୍ଣନା କରାଯାଉଛି । ଫିଲ୍ମ ତେଲୁଗୁ, ହିନ୍ଦୀ, ତାମିଲ, କନ୍ନଡ଼ ଏବଂ ମାଲାୟାଲମରେ ଭାଷାରେ ରିଲିଜ ହେବ ।
ପ୍ରଭାସଙ୍କ ଅନ୍ୟ ଫିଲ୍ମ ବିଷୟରେ କହିବାକୁ ଗଲେ, ଏହା ବ୍ୟତୀତ ପ୍ରଭାସ ସାଲାରରେ ନଜର ଆସିବେ । ଏହି ଫିଲ୍ମରେ ପ୍ରଭାସଙ୍କ ସହ ମୁଖ୍ୟ ଭୂମିକାରେ ଶ୍ରୁତି ହାସନ ଅଭିନୟ କରିଛନ୍ତି । ଏହା ପ୍ରଥମ ଥର ହେବ ଦୁହେଁ ଏକାଠି ସ୍କ୍ରିନ୍ ସେୟାର୍ କରିବେ । ପ୍ରଭାସ ଏହି ଚଳଚ୍ଚିତ୍ରରେ ଜଗପତି ବାବୁଙ୍କ ସହ ସଂଘର୍ଷ କରୁଥିବା ନଜର ଆସିବେ । ଏହି ଫିଲ୍ମରେ ଜଗପତି ବାବୁ ଖଳନାୟକ ଭୂମିକାରେ ନଜର ଆସିବେ। KGF ନିର୍ଦ୍ଦେଶକ ପ୍ରଶାନ୍ତ ନୀଲ ଫିଲ୍ମର ନିର୍ଦ୍ଦେଶନା ଦେଇଛନ୍ତି । ତେବେ ଏହି ଫିଲ୍ମ ସେପ୍ଟେମ୍ବର 28ରେ ତେଲୁଗୁ ଭାଷାରେ ମୁକ୍ତିଲାଭ କରିବାକୁ ଯାଉଛି ଏବଂ କନ୍ନଡ, ତାମିଲ, ମାଲାୟାଲମ୍, ହିନ୍ଦୀ ଏବଂ ଇଂରାଜୀରେ ବି ଏହାର ଟାଇଟଲ ରଖାଯାଇଛି ।
