ହାଇଦ୍ରାବାଦ: କନ୍ନଡ ସୁପରଷ୍ଟାର ୟଶଙ୍କ ଫିଲ୍ମ 'କେଜିଏଫ୍-ଚାପ୍ଟର ୨' ପ୍ରେକ୍ଷାଳୟରେ ମୁକ୍ତିଲାଭ କରିବାକୁ ଯାଉଛି। ପବିତ୍ର ରମଜାନ ମାସରେ ଏହି ଚଳଚ୍ଚିତ୍ର ମୁକ୍ତିଲାଭ କରିବାକୁ ଥିବାବେଳେ ଦର୍ଶକ ଉତ୍ସାହର ସହିତ ଅପେକ୍ଷା କରିଛନ୍ତି ।
ଗଣମାଧ୍ୟମ ରିପୋର୍ଟ ଅନୁଯାୟୀ, ପ୍ରଭାସ ୟଶଙ୍କ ଫିଲ୍ମ 'କେଜିଏଫ୍ ଅଧ୍ୟାୟ ୨' ସହିତ ତାଙ୍କର ଆଗାମୀ ଚଳଚ୍ଚିତ୍ର 'ସାଲାର'କୁ ପ୍ରମୋଟ୍ କରିବାକୁ ଚିନ୍ତା କରୁଛନ୍ତି। ସୂଚନାନୁସାରେ, ପ୍ରଭାସଙ୍କ ଫିଲ୍ମ 'ସାଲାର'ର ପ୍ରଥମ ଲୁକ୍ 'କେଜିଏଫ୍ ଅଧ୍ୟାୟ ୨' ସମୟରେ ପ୍ରକାଶ ପାଇବ। ତେବେ 'କେଜିଏଫ୍' ନିର୍ଦ୍ଦେଶକ ପ୍ରଶାନ୍ତ ନୀଲଙ୍କ ନିର୍ଦ୍ଦେଶିତ 'ସାଲାର'ର ସୁଟିଂ ଏପର୍ଯ୍ୟନ୍ତ ଶେଷ ହୋଇନାହିଁ ।
କୌତୁହଳର ବିଷୟ, 'ସାହୋ' (2019) ର ଏକ ଏମିତି ହିଁ ଇଣ୍ଟ୍ରୋ ଟିଜର 'ବାହୁବଲୀ 2 - ଦ କନକ୍ଲୁଜନ' (2017) ର ପ୍ରିଣ୍ଟ ସହିତ ଯୋଡା ଯାଇଥିଲା । ସୂତ୍ରରୁ ପ୍ରକାଶ ଯେ 'ସାଲାର'ର ପ୍ରମୋ ଲଞ୍ଚ ମଧ୍ୟ 'ସାହୋ' ଭଳି ହେବ। କହିବାକୁ ଗଲେ 'ରାଧେ ଶ୍ୟାମ'ର ଫ୍ଲପ୍ ପରେ ପ୍ରଭାସ ପ୍ରଥମେ 'ଆଦିପୁରୁଷ 'ଏବଂ ପରେ 'ସାଲାର୍' ସହିତ ବଡ ପରଦାରେ ଫେରିବେ । ପ୍ରଭାସଙ୍କ ବ୍ୟତୀତ ସଲାରର ମୁଖ୍ୟ ଭୂମିକାରେ ଶ୍ରୁତି ହାସନ ମଧ୍ୟ ନଜର ଆସିବେ | ତେବେ ମହାମାରୀ ଏବଂ ପରେ ପ୍ରଭାସଙ୍କ ଆଣ୍ଠୁ ଅସ୍ତ୍ରୋପଚାର କାରଣରୁ ଏହି ଚଳଚ୍ଚିତ୍ରଟି ସ୍ଥଗିତ ରଖାଯାଇଥିଲା ଏବଂ ଶେଷରେ ଏହା 14 ଏପ୍ରିଲ 2022 ରେ ମୁକ୍ତିଲାଭ କରିବାକୁ ଯାଉଛି।
ବ୍ୟୁରୋ ରିପୋର୍ଟ, ଇଟିଭି ଭାରତ
