ହାଇଦ୍ରାବାଦ: ସଲମାନ ଖାନଙ୍କ ସହ ଅଭିନେତ୍ରୀ ତଥା ସାଉଥ ଅଭିନେତ୍ରୀ ପୂଜା ହେଗଡେଙ୍କୁ ହତ୍ୟା ଧମକ । ମିଡିଆ ରିପୋର୍ଟ ଅନୁସାରେ, ଦୁବାଇର ଏକ ଲଞ୍ଚିଂ ଇଭେଣ୍ଟରେ ଅଭିନେତ୍ରୀଙ୍କୁ ଏଭଳି ଧମକ ମିଳିଥିବା ଜଣାପଡିଛି । ଏହି ଘଟଣା ପରେ ବର୍ତ୍ତମାନ ଅଭିନେତ୍ରୀ ଭାରତ ଫେରିଥିବା କୁହାଯାଉଛି । ଏହି ଘଟଣା ନେଇ ଏକ ପାପରାଜି ତାଙ୍କ ସୋସିଆଲ ମିଡିଆରେ ସେୟାର କରିଥିଲେ । ସେପଟେ ଘଟଣା ନେଇ ଅଭିନେତ୍ରୀଙ୍କ ଟିମ୍କୁ ଏହାକୁ ମିଥ୍ୟା ବୋଲି କହିଛି ।
ରିପୋର୍ଟ ଅନୁସାରେ, ଦୁବାଇରେ ଏକ କ୍ଲବର ଓପନିଂ ସମାରୋହରେ ସାମିଲ ହୋଇଥିଲେ ପୂଜା ହେଗଡେ । ଏହି ଇଭେଣ୍ଟରେ ପୂଜାଙ୍କ ସହ ଜଣେ ବ୍ୟକ୍ତିଙ୍କ ଯୁକ୍ତିତର୍କ ହୋଇଥିଲା । ଯାହା ପରେ ଅଭିନେତ୍ରୀଙ୍କୁ ହତ୍ୟା ଧମକ ମିଳିଥିଲା । ଏହି ବିବାଦ ପରେ ଅଭିନେତ୍ରୀ ଭାରତ ଫେରିଛନ୍ତି । ସେପଟେ ଅଭିନେତ୍ରୀ ପୂଜା ହେଗଡେଙ୍କ ଟିମ୍ ସ୍ପଷ୍ଟ କରିଛନ୍ତି ଯେ ପୂଜାଙ୍କ ସହ ଏପରି ଘଟଣା ଘଟିନାହିଁ । ସେ କହିଛନ୍ତି, ଏହି ରୁମର ଖବର କିଏ ଆରମ୍ଭ କରିଛି ଆମେ ଜାଣିନାହୁଁ। ଏହା ସମ୍ପୂର୍ଣ୍ଣ ମିଥ୍ୟା ଅଟେ । ସେପଟେ ପାପରାଜିଙ୍କ ଦ୍ବାରା ସେୟାର ହୋଇଥିବା ପୋଷ୍ଟ ମଧ୍ୟ ବର୍ତ୍ତମାନ ଡିଲିଟ ହୋଇଯାଇଛି । ତେବେ ଘଟଣା ନେଇ ଏପର୍ଯ୍ୟନ୍ତ ପୂଜା ପକ୍ଷରୁ କୌଣସି ପ୍ରତିକ୍ରିୟା ମିଳିନାହିଁ । ସୂଚନା ଥାଉ କି, ବୁଧବାର ସକାଳେ ପୂଜା ମୁମ୍ବାଇରୁ ବାହାରକୁ ଯାଉଥିବାର ନଜର ଆସିଥିଲେ । ଏହି ଅଭିନେତ୍ରୀ କାଜୁଆଲ ଲୁକରେ ନରଜର ଆସିଥିଲେ ।
ପୂଜାଙ୍କ ୱାର୍କପ୍ରଣ୍ଟ କଥା କହିବାକୁ ଗଲେ, ଚଳିତ ବର୍ଷ ଏପ୍ରିଲରେ ମୁକ୍ତିଲାଭ କରିଥିବା ସଲମାନ ଖାନଙ୍କ ସହ ପୂଜାଙ୍କୁ 'କିସି କା ଭାଇ କିସି କି ଜାନ'ରେ ଶେଷ ଥର ପାଇଁ ଦେଖିବାକୁ ମିଳିଥିଲା । ତାଙ୍କର ପରବର୍ତ୍ତୀ ପ୍ରୋଜେକ୍ଟ ହେଉଛି ରୋଶନ୍ ଆଣ୍ଡ୍ର୍ୟୁଙ୍କ ନିର୍ଦ୍ଦେଶିତ ତଥା ସିଦ୍ଧାର୍ଥ ରୟ କପୁର ଏବଂ ଜି ଷ୍ଟୁଡିଓ ଦ୍ୱାରା ନିର୍ମିତ ସାହିଦ କପୁରଙ୍କ ସହ ଆଗାମୀ ଆକ୍ସନ୍ ଥ୍ରୀଲର ଫିଲ୍ମ 'ଦେବା' ରେ ନଜର ଆସିବେ । ଏହି ଫିଲ୍ମ ସହ ସେ ପ୍ରଥମ ଥର ପାଇଁ ସାହୀଦଙ୍କ ସହ ସ୍କ୍ରିନ ସେୟାର କରିବେ । ଏହି ଫିଲ୍ମ ଆସନ୍ତା ବର୍ଷ ଅକ୍ଟୋବର ୧୧ ରେ ରିଲିଜ ହେବ ।
ଏହା ମଧ୍ୟ ପଢନ୍ତୁ: ପୂଜାଙ୍କ ପ୍ରେମରେ ପଡିଛନ୍ତି କି ସଲମାନ, ମୁହଁ ଖୋଲିଲେ ଅଭିନେତ୍ରୀ
'ଦେବା' ବ୍ୟତୀତ ଏହି ଅଭିନେତ୍ରୀ 'ହାଉସଫୁଲ' ଫ୍ରାଞ୍ଚାଇଜର ପଞ୍ଚମ କିସ୍ତିରେ ନଜର ଆସିବେ । ଏହି ଫିଲ୍ମରେ ଅକ୍ଷୟ କୁମାର, ରୀତେଶ ଦେଶମୁଖଙ୍କ ବ୍ୟତୀତ ଜନ୍ ଅବ୍ରହାମ, ଅଭିଷେକ ବଚ୍ଚନ, ବବି ଦେଓଲ, କ୍ରିତି ସାନନ, କ୍ରିତି ଖରବାଣ୍ଡା, ଜ୍ୟାକଲିନ ଫର୍ଣ୍ଣାଣ୍ଡିଜ ନଜର ଆସିପାରନ୍ତି । ତେବେ ଫିଲ୍ମଟି ଦିୱାଲୀ ପରିବର୍ତ୍ତେ ୨୦୨୫ ଜୁନ ୬ରେ ରିଲିଜ ହେବ ।
