ହାଇଦ୍ରାବାଦ: ଭାରତୀୟ ବଂଶୋଦ୍ଭବ ଶିଶୁ ଗାୟିକା ଫାଲଗୁନି ଶାହ ଗ୍ରାମୀ ଆଓ୍ୱାର୍ଡ ଜିତିବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଟ୍ୱିଟରରେ ତାଙ୍କୁ ଅଭିନନ୍ଦନ ଜଣାଇଛନ୍ତି। ମଙ୍ଗଳବାର ସକାଳେ ପ୍ରଧାନମନ୍ତ୍ରୀ ଟୁଇଟ୍ କରି କହିଛନ୍ତି, "ଗ୍ରାମୀରେ ସର୍ବଶ୍ରେଷ୍ଠ ଶିଶୁ ସଂଗୀତ ଆଲବମ୍ ପୁରସ୍କାର ଜିତିବା ପାଇଁ ଫାଲଗୁନି ଶାହଙ୍କୁ ଅଭିନନ୍ଦନ । ତାଙ୍କ ଭବିଷ୍ୟତ ଉଦ୍ୟମ ପାଇଁ ତାଙ୍କୁ ଶୁଭେଚ୍ଛା।" ଆମେରିକାରେ ରହୁଥିବା ଗାୟିକା ଫାଲଗୁନି ଶାହ ‘ଏ କଲରଫୁଲ ଓ୍ୱାର୍ଲଡ୍’ ଆଲବମ୍ ପାଇଁ ଶ୍ରେଷ୍ଠ ଶିଶୁ ମ୍ୟୁଜିକ୍ ଆଲବମ ବର୍ଗରେ ଗ୍ରାମୀ ଆଓ୍ୱାର୍ଡ ପାଇଛନ୍ତି।
- " class="align-text-top noRightClick twitterSection" data="
">
ପରେ, ଫାଲଗୁନି ତାଙ୍କ ଅଫିସିଆଲ୍ ଇନଷ୍ଟାଗ୍ରାମ ଆକାଉଣ୍ଟରେ ଏକ ଭାବପ୍ରବଣ ନୋଟ୍ ଲେଖିଥିଲେ । ତାଙ୍କ ବିଜୟକୁ ନେଇ ଖୁସି ବ୍ୟକ୍ତ କରି ଫାଲଗୁନି ଲେଖିଛନ୍ତି, " ଆଜିର ଖୁସିକୁ ବର୍ଣ୍ଣନା କରିବାକୁ ମୋ ପାଖରେ କୌଣସି ଶବ୍ଦ ନାହିଁ। ଗ୍ରାମୀ ପ୍ରିମିୟର୍ ସମାରୋହର ଉଦ୍ଘାଟନ ପାଇଁ ପ୍ରଦର୍ଶନ କରିବା ଏବଂ ପରେ ଏକ ରଙ୍ଗୀନ ଦୁନିଆରେ କାମ କରୁଥିବା ସମସ୍ତ ଅବିଶ୍ବସନୀୟ ଲୋକଙ୍କ ତରଫରୁ ପ୍ରତିମୂର୍ତ୍ତିକୁ ଘରକୁ ନେଇଯିବା କେତେ ଗୌରବର ବିଷୟ। ଏହି ଅତୁଳନୀୟ ସ୍ୱୀକୃତି ପାଇଁ ମୁଁ କୃତଜ୍ଞ ଏବଂ ରେକର୍ଡିଂ ଏକାଡେମୀକୁ ଧନ୍ୟବାଦ ଦେବାକୁ ଚାହୁଁଛି, ଧନ୍ୟବାଦ।"
ଇତି ମଧ୍ୟରେ, ସୋମବାର ଦିନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ଭାରତୀୟ ସଂଗୀତଜ୍ଞ ତଥା ପରିବେଶବିତ୍ ରିକି କେଜଙ୍କୁ ଅଭିନନ୍ଦନ ଜଣାଇଛନ୍ତି। ରିକି କେଜ୍ଙ୍କ ସଂଗୀତ ଆଲବମ୍ ‘ଡିଭାଇନ୍ ଟାଇଡସ୍’ଲାଗି ନ୍ୟୁ ଏଜ୍ କାଟାଗୋରୀରେ ଗ୍ରାମୀ ପୁରସ୍କାର ମିଳିଛି। ଆମେରିକାର ଲାସ୍ ଭେଗାସରେ ଆୟୋଜିତ ଗ୍ରାମୀ ୱାଆର୍ଡ ସମାରୋହରେ ତାଙ୍କୁ ଏହି ପୁରସ୍କାର ପ୍ରଦାନ କରାଯାଇଛି।
ସୂଚନାଯୋଗ୍ୟ ଯେ, ୭୪ ତମ ଜର୍ମାନୀ ଆୱାର୍ଡ ସେରିମନି ଲାସ ଭେଗାସ୍ରେ ସୋମବାର ଅନୁଷ୍ଠିତ ହୋଇଥିଲା। ଚଳିତ ବର୍ଷ ଜନ ବାଟିଷ୍ଟେ ଆଲବମ୍ ଅଫ୍ ଦି ଇୟର ଆୱାର୍ଡ ପାଇଥିଲେ। ସେହିରି ଓଲିଭିଆ ରୋଡ୍ରିଗୋ ବେଷ୍ଟ ନ୍ୟୁ ଆର୍ଟିଷ୍ଟ ଆୱାର୍ଡ ପାଇଥିବା ବେଳେ ସିଲ୍କ ସୋନିକ ସଂଙ୍ଗ ଅଫ୍ ଦି ଇୟର ଓ ରେକର୍ଡ ଅଫ୍ ଦି ଇୟର ପୁରସ୍କାର ପାଇଥିଲେ।
