ହାଇଦ୍ରାବାଦ: ବିବାହକୁ ନେଇ ଚର୍ଚ୍ଚାରେ ରହିଛନ୍ତି ବଲିଉଡ ଅଭିନେତ୍ରୀ ପରିଣୀତି ଚୋପ୍ରା । ଆମ୍ ଆଦମୀ ପାର୍ଟି ନେତା ରାଘବ ଚଢାଙ୍କ ସହ ଚଳିତ ବର୍ଷ ଶେଷ ସୁଦ୍ଧା ବିବାହ କରିବାକୁ ଯାଉଛନ୍ତି । ଏହାରି ମଧ୍ୟରେ ଉଭୟଙ୍କୁ ମୁମ୍ବାଇର ଏକ ସ୍ଥାନରେ କାରରେ ଏହି କପଲଙ୍କୁ ଦେଖିବାକୁ ମିଳିଛି । ଏହି ସମୟରେ ପ୍ୟାପ୍ସ ତାଙ୍କୁ ଦେଖିବା ପରେ ସେ ମୁହଁ ଲୁଚାଇଥିବାର ନଜର ଆସିଥିଲେ । ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ଭାଇରାଲ ଭିଡିଓରେ ରାଘବ ଏକ ଧଳା ସାର୍ଟ ପିନ୍ଧିଥିବାବେଳେ ପରିଣୀତି ବ୍ଲାକ ଆଉଟଫିଟରେ ନଜର ଆସିଛନ୍ତି । ୟୁଜର୍ସ ଏହି ଭିଡିଓ ଉପରେ ମନ୍ତବ୍ୟ ଦେଉଛନ୍ତି । ଜଣେ ପ୍ୟାପ୍ସକୁ ନେଇ ଲେଖିଛନ୍ତି, ଆପଣ କାହିଁକି ସେମାନଙ୍କର ଗୋପନୀୟତା ଉଲ୍ଲଘଂନ କରୁଛନ୍ତି, ଆପଣ କାରର ଗ୍ଲାସ ଭାଙ୍ଗି ଭିତରକୁ ପ୍ରବେଶ କରୁନାହାଁନ୍ତି କାହିଁକି ? ଅନ୍ୟ ଜଣେ ଲେଖିଛନ୍ତି, ଏହି ସୁନ୍ଦର କପଲ କେବେ ବିବାହ କରିବେ ।
ନିକଟରେ ପରିଣୀତି ରାଘବଙ୍କ ପରିବାର ଏବଂ ସମ୍ପର୍କୀୟଙ୍କ ମଧ୍ୟରେ ଦିଲ୍ଲୀର କପୁରଥାଲା ହାଉସରେ ଚଳିତ ବର୍ଷ ମେ ମାସରେ ନିର୍ବନ୍ଧ ହୋଇଥିଲା । ବର୍ତ୍ତମାନ ପରିଣୀତିଙ୍କ ପ୍ରଶଂସକମାନେ ତାଙ୍କ ବିବାହକୁ ଉତ୍ସାହର ସହ ଅପେକ୍ଷା କରିଛନ୍ତି। ପରିଣୀତି ଏବଂ ରାଘବଙ୍କ ବିଷୟରେ କୁହାଯାଉଛି ଯେ ଏହି ଦମ୍ପତି ଶୀତଦିନରେ ବିବାହ କରିବେ ଏବଂ ଚଳିତ ବର୍ଷ ଶେଷ ସୁଦ୍ଧା ହାତକୁ ଦି ହାତ ହେବେ । ଏହାପୂର୍ବରୁ ପରିଣୀତି ତାଙ୍କ ଭାବିସ୍ୱାମୀ ରାଘବଙ୍କ ସହ ସମୟ ବିତାଉଥିବାର ନଜର ଆସିଛନ୍ତି ।
ନିର୍ବନ୍ଧ ହେବା ପରେ ପରିଣୀତିଙ୍କୁ ତାଙ୍କ ଭାବିସ୍ବାମୀ ରାଘବଙ୍କ ସହ ଅନେକ ଥର ଦେଖିବାକୁ ମିଳିଛି । ଅଭିନେତ୍ରୀ ଅନେକ ସମୟରେ ମଧ୍ୟାହ୍ନ ଭୋଜନରେ ଏବଂ ରାତ୍ରୀ ଭୋଜନରେ ନଜର ଆସିଥାନ୍ତି । କେବଳ ଏତିକି ନୁହେଁ, ନିକଟରେ ପରିଣୀତି ଏବଂ ରାଘବ ମଧ୍ୟ ଲଣ୍ଡନରେ ବିବାହ ସପିଂ କରୁଥିବା ଦେଖିବାକୁ ମିଳିଥିଲା । ଏବେ ଗତକାଲି ରାତିରେ ବାନ୍ଦ୍ରା ଠାରେ ଏହି କପଲଙ୍କୁ ଦେଖିବାକୁ ମିଳିଛି । ପରିଣୀତି ଏବଂ ରାଘବ ଗତକାଲି ରାତିରେ ଏକ କାରରେ ନଜର ଆସିଥିଲେ ଏବଂ ଯେତେବେଳେ ପ୍ୟାପ୍ ସେମାନଙ୍କୁ ଦେଖିଥିଲେ, ଅଭିନେତ୍ରୀ ତାଙ୍କ ମୁହଁ ଲୁଚାଇଥିଲେ ।
ଏହା ମଧ୍ୟ ପଢନ୍ତୁ:ରାଜସ୍ଥାନରେ ପରିଣୀତି-ରାଘବଙ୍କ ବିବାହ !
ସେପଟେ ପରିଣୀତିଙ୍କ ୱାର୍କଫ୍ରଣ୍ଟ୍ କଥା କହିବାକୁ ଗଲେ, ଖୁବ୍ଶୀଘ୍ର ପରିଣୀତିଙ୍କୁ ଇମତିଆଜ୍ ଅଲିଙ୍କ ନିର୍ଦ୍ଦେଶିତ ଫିଲ୍ମ 'ଚମକିଲା'ରେ ଦେଖିବାକୁ ମିଳିବ । ଏହି ଫିଲ୍ମରେ ଦିଲଜିତ୍ ଦୋସାଞ୍ଜଙ୍କ ସହ ସ୍କ୍ରିନ୍ ସେୟାର କରୁଥିବାର ନଜର ଆସିବେ । ମେ' 31ରେ ଏହି ଫିଲ୍ମର ଟିଜର ରିଲିଜ ହୋଇଥିଲା । ଏହି ଚଳଚ୍ଚିତ୍ର ପଞ୍ଜାବର ରକଷ୍ଟାର ଅମର ସିଂ ଚମକିଲାଙ୍କ ସତ୍ୟ କାହାଣୀ ଉପରେ ଆଧାରିତ । ଟିଜରକୁ ବେଶ ପସନ୍ଦ କରିଥିଲେ ଫ୍ୟାନ୍ସ । 2024ରେ ଓଟିଟିରେ ଷ୍ଟ୍ରିମିଂ ହେବ ଫିଲ୍ମ ।
