ମୁମ୍ବାଇ: ଗତ କିଛି ଦିନ ହେବ ଆପ୍ ସାଂସଦ ରାଘବ ଚଢାଙ୍କ ସହ ସମ୍ପର୍କ ଥିବା ନେଇ ହେଡଲାଇନରେ ରହିଆସିଛନ୍ତି ବଲିଉଡ ଅଭିନେତ୍ରୀ ପରିଣୀତି ଚୋପ୍ରା । ଗତକାଲି ଉଭୟଙ୍କ ସମ୍ପର୍କ ପାଇଁ ସୋସିଆଲ ମିଡିଆରେ ଜଣେ ଆପ୍ ନେତା ପରିଣୀତି ଏବଂ ରାଘବଙ୍କୁ ଅଭିନନ୍ଦନ ଜଣାଇଥିଲେ । ଯାହା ଖୁବ ଭାଇରାଲ ହେବା ସହ ସମସ୍ତଙ୍କୁ ଚକିତ କରିଥିଲା । ଏହି ପୋଷ୍ଟ ପରେ ପରିଣୀତି ଏବଂ ରାଘବ ଖୁବଶୀଘ୍ର ବିବାହ କରିବେ ବୋଲି ଚର୍ଚ୍ଚା ଜୋର ଧରିଛି । ଏହାରି ମଧ୍ୟରେ ବିମାନବନ୍ଦରରେ ସ୍ପଟ ବେଳେ ନିଜ ବିବାହ ଖବରକୁ ନେଇ ପ୍ରତିକ୍ରିୟା ଦେଇଛନ୍ତି ଅଭିନେତ୍ରୀ ପରିଣୀତି ଚୋପ୍ରା ।
-
Spotted at Mumbai Airport last Night 🫶🏻🥰@ParineetiChopra #parineetichopra pic.twitter.com/Gg5GzNCZrG
— taiyabaaaaa🦋 (@Taiyaba_Pari) March 29, 2023 " class="align-text-top noRightClick twitterSection" data="
">Spotted at Mumbai Airport last Night 🫶🏻🥰@ParineetiChopra #parineetichopra pic.twitter.com/Gg5GzNCZrG
— taiyabaaaaa🦋 (@Taiyaba_Pari) March 29, 2023Spotted at Mumbai Airport last Night 🫶🏻🥰@ParineetiChopra #parineetichopra pic.twitter.com/Gg5GzNCZrG
— taiyabaaaaa🦋 (@Taiyaba_Pari) March 29, 2023
ମଙ୍ଗଳବାର ବିଳମ୍ବିତ ରାତିରେ ମୁମ୍ବାଇ ବିମାନବନ୍ଦରରେ ନଜର ଆସିଥିଲେ ଅଭିନେତ୍ରୀ ପରିଣୀତି ଚୋପ୍ରା। ଯେଉଁଠାରେ ପାପାରାଜି ତାଙ୍କୁ ରାଘବ ଚଢାଙ୍କ ସହ ତାଙ୍କ ବିବାହ ଗୁଜବ ବିଷୟରେ ପଚାରିଥିଲେ । ତେବେ ବଲିଉଡ ଅଭିନେତ୍ରୀ ପରିଣୀତି ଚୋପ୍ରା ପ୍ରଥମ ଥର ବିବାହ ଗୁଜବ ଉପରେ ପ୍ରତିକ୍ରିୟା ପ୍ରକାଶ କରିଛନ୍ତି । ଯେଉଁଥିରେ ସେ କିଛି ନକହି ହସୁଥିବାର ନଜର ଆସିଥିଲେ । ଅଭିନେତ୍ରୀଙ୍କୁ ବ୍ଲାକ ପ୍ୟାଣ୍ଟ ଏବଂ ଧଳା ଟପ୍ ଉପରେ ଏକ ବ୍ଲାକ ବ୍ଲେଜର ସହ ଗଗର୍ଲ୍ସରେ ଦେଖିବାକୁ ମିଳିଥିଲା । ପରିଣୀତି ଏହି ଡ୍ରେସ ଲୁକରେ ଖୁବ ଗର୍ଜିୟସ ଲାଗୁଥିଲେ।
ପାପାରାଜି ପରିଣୀତିଙ୍କୁ ରାଘବ ଚଢାଙ୍କ ସହ ବିବାହ ସମ୍ପର୍କ ନେଇ ହେଉଥିବା ଗୁଜବ ସତ କି ପଚାରିବା ସହ ଏନେଇ କିଛି ତ କୁହନ୍ତୁ ବୋଲି କହିଥିଲେ । ପାପାରାଜିର ଏହି ପ୍ରଶ୍ନ ଶୁଣି ପରିଣୀତି ହସିବାକୁ ଲାଗିଲେ ଏବଂ କିଛି କହିବାକୁ ବାରଣ କଲେ । ହସୁଥିବା ଅଭିନେତ୍ରୀଙ୍କୁ ଦେଖି ପାପାରାଜି କହିଥିଲେ, 'ବ୍ଲସିଂ ବ୍ଲସିଂ। ଏହା ଉପରେ ସେ ଅଧିକ ଜୋରରେ ହସିବାକୁ ଲାଗିଲେ ।
ସୂଚନା ଥାଉ କି, ମଙ୍ଗଳବାର AAP ନେତା ସଞ୍ଜୀବ ଆରୋରା ନିଜ ଟ୍ୱିଟରରେ ପରିଣୀତି ଏବଂ ରାଘବଙ୍କ ଏକ ଫଟୋ ସେୟାର କରି ଉଭୟଙ୍କ ସମ୍ପର୍କ ପାଇଁ ଶୁଭେଚ୍ଛା ଜଣାଇବା ସହ ଆଶୀର୍ବାଦ କରିଥିଲେ । ଏହା ପରେ ଏହି ଶୁଭେଚ୍ଛା ଖୁବ ଭାଇରାଲ ହୋଇଥିଲା । ଏହା ପୂର୍ବରୁ ମଧ୍ୟ ଉଭୟଙ୍କୁ ଏକ ରେସ୍ତୋରାଁରେ ଏକାଠି ଦେଖିବାକୁ ମିଳିଥିଲା । ତେବେ ଏହି ସମସ୍ତ ଫଟୋ ଏବଂ ଭିଡିଓ ଭାଇରାଲ ପରେ ଉଭୟଙ୍କ ମଧ୍ୟରେ ସମ୍ପର୍କ ନେଇ ଚାଲିଥିବା ଗୁଜବ ସତ ଥିବା ଭଳି ମନେ ହେଉଛି ।
ପରିଣୀତି ଚୋପ୍ରାଙ୍କ ୱାର୍କଫ୍ରଣ୍ଟ କଥା କହିବାକୁ ଗଲେ, ପରିଣୀତିଙ୍କୁ ଶେଷ ଥର ପାଇଁ ଫିଲ୍ମ 'ଉଞ୍ଚାଇ'ରେ ଦେଖିବାକୁ ମିଳିଥିଲା । ଯେଉଁଥିରେ ବିଗ ବି ଅମିତାଭ ବଚ୍ଚନ, ବୋମନ ଇରାନୀ ଏବଂ ଅନୁପମ ଖେର ମଧ୍ୟ ତାଙ୍କ ସହ ନଜର ଆସିଥିଲେ । ତେବେ ତାଙ୍କୁ ଖୁବ୍ ଶୀଘ୍ର ଇମତିଆଜ୍ ଅଲିଙ୍କ ନିର୍ଦ୍ଦେଶିତ ଫିଲ୍ମ 'ଚମକିଲା'ରେ ଦେଖିବାକୁ ମିଳିବ । ଏଥିରେ ଦିଲଜିତ ଦୋସାଞ୍ଜ ମଧ୍ୟ ଅଭିନୟ କରିଛନ୍ତି ।
