ହାଇଦ୍ରାବାଦ: ବଲିଉଡ ଅଭିନେତ୍ରୀ ଉର୍ବଶୀ ରୌତେଲା ଏବଂ ପାକିସ୍ତାନୀ କ୍ରିକେଟର ନସିମ ଶାହାଙ୍କ ଲଭ୍ ରିଲେସନକୁ ନେଇ ପୁଣି ଥରେ ଚର୍ଚ୍ଚା । ଏସିଆ କପ୍ 2022 ପର ଠାରୁ ଏମାନଙ୍କ ଲଭ୍ ଷ୍ଟୋରୀ ଆଉ ଟିକିଏ ଆଗକୁ ବଢିଛି । ନିକଟରେ ନାସିମ ଶାହା ଉର୍ବଶୀଙ୍କୁ ଚିହ୍ନିନଥିବା କହିଥିଲେ, ମଙ୍ଗଳବାର ଏହି ଦ୍ରୁତ ବୋଲର ଇନଷ୍ଟାଗ୍ରାମରେ ଅଭିନେତ୍ରୀଙ୍କୁ ଫଲୋ କରିବା ଆରମ୍ଭ କରିଛନ୍ତି । ଏହା ସେହି ମିମ୍ସର ସ୍କ୍ରିନସଟରେ ଦେଖିବାକୁ ମିଳୁଛି, ଯାହା ନସିମ ଶାହାଙ୍କ ଇନଷ୍ଟାଗ୍ରାମରୁ ସାମ୍ନାକୁ ଆସିଛି ।
ଏହା ଦର୍ଶାଯାଇଛି ଯେ, ନସିମ ଶାହା ପ୍ରଥମେ ଇନଷ୍ଟାଗ୍ରାମରେ ଉର୍ବଶୀଙ୍କୁ ଫଲୋ କରିଥିଲେ ଏବଂ ପରେ ତାଙ୍କୁ ଅନ୍ଫଲୋ କରିଥିଲେ । ନିକଟରେ ଏକ ସାକ୍ଷାତକାରରେ ଉର୍ବଶୀ କିଏ, ସେ ଜାଣନ୍ତି ନାହିଁ ବୋଲି ନସିମ କହିଥିଲେ । କିନ୍ତୁ ବର୍ତ୍ତମାନ ନସିମଙ୍କ ଇନଷ୍ଟାଗ୍ରାମ ଫଲୋଅର ତାଲିକାର କିଛି ସ୍କ୍ରିନସଟ ସୋସିଆଲ ମିଡିଆରେ ଭାଇରାଲ ହେଉଛି । ଏହି ସ୍କ୍ରିନସଟ୍ ସେୟାର କରି ପ୍ରଶଂସକମାନେ ଉଭୟଙ୍କୁ ଖୁବ୍ ଜୋରରେ ଟ୍ରୋଲ କରୁଛନ୍ତି ।
ନସିମଙ୍କ ଏହି ବୟାନ ପରେ ଉର୍ବଶୀ ତାଙ୍କ ଇନଷ୍ଟା ଷ୍ଟୋରୀରେ ଆଉ ଏକ ପୋଷ୍ଟ ସେୟାର କରିଥିଲେ । ଯେଉଁଥିରେ ଅଭିନେତ୍ରୀ ଲେଖିଛନ୍ତି, 'କିଛି ଦିନ ପୂର୍ବରୁ ମୋ ଟିମ୍ କିଛି ଫ୍ୟାନ୍ ମେଡ ଏଡିଟ୍ ଭିଡିଓ ସେୟାର କରିଥିଲେ। ଟିମ୍ ଅନ୍ୟ ଲୋକଙ୍କ (ଅର୍ଥାତ୍ ନସିମ୍ ଶାହା)ଙ୍କ ବିନା ଅନୁମତିରେ ଏହାକୁ ସେୟାର କରିଥିଲେ । ଗଣମାଧ୍ୟମକୁ ଏହା ଉପରେ କୌଣସି ଖବର ନକରିବାକୁ ଅନୁରୋଧ କରାଯାଉଛି । ସମସ୍ତଙ୍କୁ ଧନ୍ୟବାଦ ଏବଂ ବହୁତ ଭଲପାଇବା ।
-
Aj pata Chala hamare NASEEM ko kiski Nazar lagi hai#UrvashiRautela pic.twitter.com/kllpMbbN6E
— Muhammad Ibrahim (@Muhmmd_here) September 6, 2022 " class="align-text-top noRightClick twitterSection" data="
">Aj pata Chala hamare NASEEM ko kiski Nazar lagi hai#UrvashiRautela pic.twitter.com/kllpMbbN6E
— Muhammad Ibrahim (@Muhmmd_here) September 6, 2022Aj pata Chala hamare NASEEM ko kiski Nazar lagi hai#UrvashiRautela pic.twitter.com/kllpMbbN6E
— Muhammad Ibrahim (@Muhmmd_here) September 6, 2022
ନିକଟରେ ଏସିଆ କପ୍ରେ ଭାରତ ଓ ପାକିସ୍ତାନରେ ହୋଇଥିବା ମ୍ୟାଚ୍ ଦେଖିବା ପାଇଁ ଦୁବାଇ ପହଞ୍ଚିଥିଲେ ଉର୍ବଶୀ । ତେବେ କ୍ରିକେଟର ଋଷଭ ପନ୍ତ ଏବଂ ତାଙ୍କ ମଧ୍ୟରେ ଚାଲିଥିବା ଶୀତଳ ଯୁଦ୍ଧ ଯୋଗୁଁ ଉର୍ବଶୀ ଏହି ମ୍ୟାଚ୍ ଦେଖିବା ପାଇଁ ଯାଇଥିବା କିଛି ଲୋକ ବିଶ୍ୱାସ କରୁଥିଲେ । ସେପ୍ଟେମ୍ବର ୪ରେ, ଉର୍ବଶୀ ପୁଣି ଥରେ ଇଣ୍ଡୋ-ପାକ୍ ମ୍ୟାଚ୍ ଦେଖିବାକୁ ଆସିଥିଲେ । ତେବେ ଏଥର ତାଙ୍କ ନଜର ପନ୍ତ ଉପରେ ନୁହେଁ ବରଂ ପାକିସ୍ତାନୀ କ୍ରିକେଟର ନସିମଙ୍କ ଉପରେ ଥିଲା । ପନ୍ତଙ୍କ ସହ ଝଗଡା ମଧ୍ୟରେ ପାକିସ୍ତାନ କ୍ରିକେଟର ନସିମଙ୍କ ପ୍ରେମରେ ପଡି ଯାଇଛନ୍ତି ଉର୍ବଶୀ । ମ୍ୟାଚ୍ ପରେ ଉର୍ବଶୀ ନସିମଙ୍କ ଏକ ଭିଡିଓ ନିଜ ଇନ୍ଷ୍ଟାଗ୍ରାମ ଷ୍ଟୋରୀରେ ପୋଷ୍ଟ କରି ଏଭଳି କିଛି ହିଣ୍ଟ ଦେଇଥିଲେ ।
ଏହି ଭିଡିଓରେ ନସିମ୍ କ୍ରିକେଟ ପିଚ୍ରେ ହସୁଥିବା ବେଳେ ଉର୍ବଶୀ ତାଙ୍କୁ ଦେଖି ଲାଜେଇ ଯାଉଥିବା ଦେଖିବାକୁ ମିଳିିଥିଲା । ଭିଡିଓ ସେୟାର ହେବା ମାତ୍ରେ ସୋସିଆଲ ମିଡିଆରେ ମିମ୍ସ ଭାଇରାଲ ହୋଇଥିଲା । ପୂର୍ବରୁ ଉର୍ବଶୀ ଏବଂ ଭାରତୀୟ କ୍ରିକେଟର ଋଷଭ ପନ୍ତଙ୍କ ମଧ୍ୟରେ ସମ୍ପର୍କ ଥିବା ଖବର ଆସିଥିଲା । କିନ୍ତୁ ଉଭୟଙ୍କ ମଧ୍ୟରେ କିଛି ମତଭେଦ ଥିବା ଯାହା ଖୁବ ଚର୍ଚ୍ଚା ହେଉଥିଲା ।
