ହାଇଦ୍ରାବାଦ: ପ୍ରିୟଙ୍କା ଚୋପ୍ରା ସର୍ବଦା ନିଜ ଝିଅ ମାଲତୀ ମେରିଙ୍କ ସହ ଖୁବ ସୁନ୍ଦର ଫଟୋ ସେୟାର କରୁଥିବା ଦେଖିବାକୁ ମିଳିଛି । ଫ୍ୟାନ୍ସ ବି ମାଲତୀଙ୍କ କ୍ୟୁଟ୍ନେସକୁ ଭଲ ପାଆନ୍ତି । ଏହାରି ମଧ୍ୟରେ ବର୍ତ୍ତମାନ ମାଲତୀ ମେରିଙ୍କ କିଛି ଭିଡିଓ ଭାଇରାଲ ହେବାରେ ଲାଗିଛି । ଯାହାକୁ ଫ୍ୟାନ୍ସ ବେଶ ପସନ୍ଦ କରିଛନ୍ତି । ଏହି ଭିଡିଓଚି ପ୍ରିୟଙ୍କା ଚେପ୍ରାଙ୍କ ସ୍ବାମୀ ତଥା ଆମେରିକୀୟ ଗାୟକ ନିକ ଜୋନାସ୍ଙ୍କ କନସର୍ଟର ଅଟେ । ଯେଉଁଥିରେ ମାଲତୀ ଅଡିଏନ୍ସଙ୍କୁ ହେଲୋ କହୁଥିବା ଦେଖିବାକୁ ମିଳିଛି ।
ନିକ ଜୋନାସଙ୍କ କନସର୍ଟରୁ ଅନେକ ଭିଡିଓ ଭାଇରାଲ ହୋଇଛି । ଗୋଟିଏ ଭିଡିଓରେ ମାଲତୀ ପ୍ରିୟଙ୍କାଙ୍କ କୋଳରେ ନଜର ଆସିଛନ୍ତି । ଏବଂ ସେ ହ୍ବାଇଟ ରଙ୍ଗର ପ୍ରକରେ ବେଶ କ୍ୟୁଟ ଲାଗୁଛନ୍ତି । ଏହି ସମୟରେ ସେ ମା' ପ୍ରିୟଙ୍କାଙ୍କ ପରି ଅଡିଏନ୍ସଙ୍କୁ ହେଲୋ କହୁଥିବା ଦେଖିବାକୁ ମିଳିଛି । ଏହାକୁ ଦେଖି ସେଠାରେ ଉପସ୍ଥିତ ସମସ୍ତ ଦର୍ଶକ ବେଶ ଖୁସି ହୋଇଥିବା ବେଳେ ପ୍ରିୟଙ୍କା ମଧ୍ୟ ବେଶ ଖୁସି ଥିବା ନଜର ଆସିଛନ୍ତି ।
ଆଉ ଏକ ଭିଡିଓରେ ପ୍ରିୟଙ୍କା ଚୋପ୍ରାଙ୍କ ସହ ଝିଅ ମାଲତୀ ମେରି ମଧ୍ୟ ନିକ୍ ଜୋନାସଙ୍କୁ ଚିୟରଅପ କରୁଥିବା ଦେଖିବାକୁ ମିଳିଛି । ଅନ୍ୟ ଭିଡିଓରେ ମାଲତୀ ବାପାଙ୍କ ପାଇଁ ତାଳି ମାରୁଥିବା ସହ ବାପାଙ୍କ ଫଛରେ ଷ୍ଟେଜକୁ ଯାଉଥିବା ବି ଦେଖିବାକୁ ମିଳିଛି । ଆଉ ଏକ ଭିଡିଓରେ ପରଫରମାନ୍ସ ସମୟରେ ମାଲତୀଙ୍କ ମଥାକୁ କିସ୍ କରୁଥିବା ନଜର ଆସିଛନ୍ତି । ଏହି ସମସ୍ତ ଭିଡିଓ ସୋସିଆଲ ମିଡିଆରେ ଏବେ ଭାଇରାଲ ହେବାରେ ଲାଗିଛି । ମାଲତୀଙ୍କ ଏହି କ୍ୟୁଟନେସକୁ ସମସ୍ତେ ପସନ୍ଦ କରିଛନ୍ତି ।
ଏହା ମଧ୍ୟ ପଢନ୍ତୁ: ସାଙ୍ଗମାନଙ୍କ ଖେଳୁଥିବା ନଜର ଆସିଲେ ପ୍ରିୟଙ୍କାଙ୍କ ଲାଡଲି, ଫଟୋ ସେୟାର କଲେ ଅଭିନେତ୍ରୀ
କନସର୍ଟ ପରେ ନିକ ଜୋନାସ ନିଜ ଇନଷ୍ଟାଗ୍ରାମରେ ଫ୍ୟାମିଲି ଫଟୋ ସେୟାର କରିଛନ୍ତି । ଏହି ଫଟୋ ଗୁଡିକ ମଧ୍ୟରେ ଗୋଟିଏ ଫଟୋରେ ଝିଅ ମାଲତୀ ମେରୀଙ୍କୁ ନିକ କୋଳରେ ଧରିଥିବାର ନଜର ଆସିଛନ୍ତି । ଦ୍ୱିତୀୟରେ ପୁରା ଫ୍ୟାମିଲି ଫଟୋ ଦେଖିବାକୁ ମିଳିଛି । ଶେଷ ଫଟୋରେ ନିକଙ୍କ ପରଫରମାନ୍ସଙ୍କୁ ମାଲତୀ ଉପଭୋଗ କରୁଥିବା ଦେଖିବାକୁ ମିଳିଛି । ଏହି ଫଟୋ ସେୟାର କରି ନିକ କ୍ୟାପସନରେ ଲେଖିଛନ୍ତି, ''କାମ ଦିନରେ ନିଜ ଫ୍ୟାମିଲିକୁ ସାଥୀରେ ନେଇଆସ ।'' ଏହି ଫଟୋ ସେୟାର ହେବା ମାତ୍ରେ ଫ୍ୟାନ୍ସ ଏହାକୁ ଲାଇକ୍ କରିବା ସହ ପ୍ରଶଂସା କରିଛନ୍ତି ।
