ହାଇଦ୍ରାବାଦ: ନିକଟରେ ଦକ୍ଷିଣ ଭାରତର ପ୍ରସିଦ୍ଧ ତଥା ଶ୍ରେଷ୍ଠ ଅଭିନେତ୍ରୀମାନଙ୍କ ମଧ୍ୟରୁ ଜଣେ ଅଭିନେତ୍ରୀ ଇନଷ୍ଟାଗ୍ରାମରେ ଡେବ୍ୟୁ କରିଥିଲେ । ଇନଷ୍ଟାଗ୍ରାମରେ ଆସିବାର 10 ଘଣ୍ଟା ମଧ୍ୟରେ, ଏହି ଅଭିନେତ୍ରୀଙ୍କର 1 ମିଲିୟନ୍ ଫଲୋଅର୍ସ ଟପିଯାଇଛି । ଏହାକୁ ଦେଖିବା ପରେ ସମସ୍ତେ ଚକିତ ହୋଇଯାଇଛନ୍ତି । ତେବେ ଏହି ଅଭିନେତ୍ରୀ ଆଉ କେହି ନୁହଁନ୍ତି, ବରଂ ଶାହରୁଖ ଖାନଙ୍କ 'ଜବାନ'ର ମୁଖ୍ୟ ଅଭିନେତ୍ରୀ ନୟନତାରା । ନୟନତାରା ଗତକାଲି (31 ଅଗଷ୍ଟ) ଇନଷ୍ଟାଗ୍ରାମ ଜଗତରେ ପ୍ରବେଶ କରିଥିଲେ ।
ଅଗଷ୍ଟ 31ରେ ଶାହରୁଖ ଖାନଙ୍କ ବନ୍ଧୁ ତଥା ଅଭିନେତ୍ରୀ ନୟନତାରା ତାଙ୍କ ଇନଷ୍ଟାଗ୍ରାମରେ ଡେବ୍ୟୁ କରିଥିଲେ। ଏହି ସମୟରେ ଅଟଲେଙ୍କ ନିର୍ଦ୍ଦେଶିତ 'ଜବାନ'ର ଟ୍ରେଲର ମଧ୍ୟ ରିଲିଜ ହୋଇଥିଲା। ଏହି ସମସ୍ତ ଆଲୋଚନା ମଧ୍ୟରେ, ନୟନତାରାଙ୍କର କିଛି ଘଣ୍ଟା ମଧ୍ୟରେ 10 ଲକ୍ଷରୁ ଅଧିକ ଫଲୋଅର୍ସ ହୋଇଯାଇଛନ୍ତି ।
ଏହା ମଧ୍ୟ ପଢନ୍ତୁ: ଇନ୍ଷ୍ଟାଗ୍ରାମ ଦୁନିଆରେ ପାଦ ଦେଲେ ନୟନତାରା, ଦେଖାଇଲେ ଷ୍ଟାଇଲିସ୍ ଅନ୍ଦାଜ
ଗଣମାଧ୍ୟମର ରିପୋର୍ଟ ଅନୁଯାୟୀ, ନୟନତାରା ମଧ୍ୟ ଏହା ସହ ଆଉ ଏକ ରେକର୍ଡ ସୃଷ୍ଟି କରିଛନ୍ତି । ସେ ଏତେ ଶୀଘ୍ର ଏକ ଲକ୍ଷ ଫଲୋଅର୍ସ ହାସଲ କରିଥିବା ଅଭିନେତ୍ରୀ ହୋଇପାରିଛନ୍ତି । ଏହାପୂର୍ବରୁ, କୌଣସି ଅଭିନେତ୍ରୀଙ୍କର ଏତେ କମ୍ ସମୟ ମଧ୍ୟରେ ଏତେ ସଂଖ୍ୟକ ଫଲୋଅର୍ସ ହୋଇନଥିଲେ ।
କ୍ୟାଟ୍ରିନା କୈଫଙ୍କୁ 24 ଘଣ୍ଟା ଅପେକ୍ଷା କରିବାକୁ ପଡିଥିଲା
ଯେତେବେଳେ କ୍ୟାଟ୍ରିନା କୈଫ ଇନଷ୍ଟାଗ୍ରାମରେ ଡେବ୍ୟୁ କରିଥିଲେ, ତାଙ୍କୁ ଏକ ମିଲିୟନ୍ ଫଲୋଅର୍ସ ପାଇବାକୁ 24 ଘଣ୍ଟା ଅପେକ୍ଷା କରିବାକୁ ପଡିଥିଲା । ଯେଉଁଠାରେ ନୟନତାରାଙ୍କର 24 ଘଣ୍ଟା ମଧ୍ୟରେ ଏହି ସଂଖ୍ୟା 1.4 ନିୟୁତରେ ପହଞ୍ଚିଛି । ଅଭିନେତ୍ରୀ ତାଙ୍କ ଚଳଚ୍ଚିତ୍ର ଜବାନ ସହିତ ଜଡିତ ପ୍ରଥମ ପୋଷ୍ଟ ସେୟାର କରିଥିଲେ । ସେ ପ୍ରଥମେ ଜବାନ ଟ୍ରେଲର ସେୟାର କରିଥିଲେ। ଏହା ପରେ ସେ ତାଙ୍କ ଯାଆଁଳା ପିଲାମାନଙ୍କ ସହିତ ଏକ ଫଟୋ ଏବଂ ଭିଡିଓ ପୋଷ୍ଟ କରିଥିଲେ । ପ୍ରଶଂସକଙ୍କ ସହ ଏହି ଭିଡିଓ ସେୟାର କରିବାବେଳେ ଅଭିନେତ୍ରୀ ଲେଖିଥିଲେ, 'ନାନ୍ ବନ୍ଧୁତେନ ତୁ ସୋଲ' ଏହା ଅର୍ଥ 'ମୋତେ କୁହ ମୁଁ ଆସି ଯାଇଛି' ଅଭିନେତ୍ରୀଙ୍କ ଭିଡିଓ ପୋଷ୍ଟ ପରେ ସୋସିଆଲ ମିଡିଆ ୟୁଜର୍ସ ତାଙ୍କୁ ଇନଷ୍ଟାଗ୍ରାମରେ ସ୍ୱାଗତ କରିଥିଲେ ।
ନୟନତାରାଙ୍କ ଜବାନ
'ଜବାନ' ଅଭିନେତ୍ରୀ ନୟନତାରା ତାମିଲ ଏବଂ ତେଲୁଗୁ ଇଣ୍ଡଷ୍ଟ୍ରିରେ ଅନେକ ନାମ ଅର୍ଜନ କରିଛନ୍ତି । ସେ ମଧ୍ୟ ଏପରି ଜଣେ ଅଭିନେତ୍ରୀ ଯିଏକି ଲେଡି ସୁପରଷ୍ଟାର ମାନ୍ୟତା ପାଇଛନ୍ତି । ସେ ବର୍ତ୍ତମାନ ଜବାନରେ ଶାହରୁଖ ଖାନଙ୍କ ବିପକ୍ଷରେ ହିନ୍ଦୀ ସିନେମାରେ କାମ କରୁଛନ୍ତି। ଯାହା ଆଟଲେଙ୍କ ଦ୍ୱାରା ନିର୍ଦ୍ଦେଶିତ ହୋଇଛି । ଏହା 7 ସେପ୍ଟେମ୍ବର 2023 ରେ ପ୍ରେକ୍ଷାଳୟରେ ମୁକ୍ତିଲାଭ କରୁଛି । ଯେଉଁଠାରେ ବିଜୟ ସେଥୁପତି ଭିଲେନ୍ ହୋଇଛନ୍ତି।
