ହାଇଦ୍ରାବାଦ: ବଲିଉଡ ଅଭିନେତା ନୱାଜୁଦ୍ଦିନ ସିଦ୍ଦିକି ପୁଣି ଥରେ ପରଦାରେ ନଜର ଆସିବାକୁ ଯାଉଛନ୍ତି । ନିକଟରେ ତାଙ୍କର ଚଳଚ୍ଚିତ୍ର ଟିକୁ ୱେଡସ୍ ଶେରୁ ରିଲିଜ କରିଥିଲା । ଏହି ଚଳଚ୍ଚିତ୍ରରେ ସେ ଟିଭି ଅଭିନେତ୍ରୀ ଅବନୀତ କୌରଙ୍କ ସହ ନଜର ଆସିଥିଲେ । ଏବେ ତାଙ୍କ ନୂଆ ଚଳଚ୍ଚିତ୍ର “ହଡ୍ଡି” ର ପୋଷ୍ଟର ରିଲିଜ ହୋଇଛି । ସୋସିଆଲ ମିଡିଆରେ ନିର୍ମାତାମାନେ ପୋଷ୍ଟର ରିଲିଜ କରିବା ସହ ଫିଲ୍ମଟି ଓଟିଟିରେ ରିଲିଜ ହେବ ବୋଲି ସୂଚନା ଦେଇଛନ୍ତି ।
ଏହି ଚଳଚ୍ଚିତ୍ର ନୱାଜୁଦ୍ଦିନ ସିଦ୍ଦିକିଙ୍କ ଫିଲ୍ମ "ହଡ୍ଡି" ପ୍ରେକ୍ଷାଳୟରେ ନୁହେଁ ବରଂ OTT ପ୍ଲାଟଫର୍ମ ZEE5ରେ ରିଲିଜ କରିବ । ନିର୍ଦ୍ଦେଶକ ଅନୁରାଗ କଶ୍ୟପ ତାଙ୍କ ଇନ୍ଷ୍ଟାଗ୍ରାମରେ ଫିଲ୍ମ "ହଡ୍ଡି"ର ନୂଆ ପୋଷ୍ଟର ରିଲିଜ କରି ଏହାର କ୍ୟାପସନରେ ଲେଖିଛନ୍ତି, "ଏଥିପାଇଁ ବହୁତ ଉତ୍ସାହିତ । ଖୁବ ଶୀଘ୍ର Zee5ରେ ଆସିବ ।" ନୂତନ ପୋଷ୍ଟରରେ ନୱାଜୁଦ୍ଦିନ ସିଦ୍ଦିକିଙ୍କୁ ଏକ ଟ୍ରାନ୍ସଜେଣ୍ଡର ଚରିତ୍ରରେ ଶାଢୀ ପିନ୍ଧି ଏକ ଚେୟାରରେ ବସିଥିବାର ଦେଖିବାକୁ ମିଳିଛି । ଏବଂ ତାଙ୍କ ପଛରେ ଏପରି ଅନ୍ୟ ଅନେକ ଟ୍ରାନ୍ସଜେଣ୍ଡର ଛିଡ଼ା ହୋଇଥିବା ନଜର ଆସିଛନ୍ତି । ତେବେ ନୱାଜଙ୍କ ଏହି ଲୁକ୍କୁ ବେଶ ପସନ୍ଦ କରିଛନ୍ତି ଫ୍ୟାନ୍ସ।
ସୂଚନା ଥାଉ କି, ନୱାଜୁଦ୍ଦିନ ସିଦ୍ଦିକି ଫିଲ୍ମ "ହଡ୍ଡି"ରେ ଜଣେ କିନ୍ନରଙ୍କ ଭୂମିକାରେ ଅଭିନୟ କରୁଛନ୍ତି । ଏପର୍ଯ୍ୟନ୍ତ ଫିଲ୍ମରୁ ଅଭିନେତାଙ୍କର ତିନିରୁ ଚାରିଟି ଲୁକ୍ ପ୍ରକାଶ ପାଇଛି ଏବଂ ବର୍ତ୍ତମାନ ପ୍ରଶଂସକମାନେ ଏହା ଦେଖି ଫିଲ୍ମକୁ ନେଇ ଉତ୍ସାହର ସହ ଅପେକ୍ଷା କରିଛନ୍ତି । ନୱାଜୁଦ୍ଦିନ ସିଦ୍ଦିକିଙ୍କ ଫିଲ୍ମ "ହଡ୍ଡି" OTT ପ୍ଲାଟଫର୍ମ ZEE5ରେ ଷ୍ଟ୍ରିମିଂ କରିବ, କିନ୍ତୁ ଏହା କେବେ ରିଲିଜ୍ ହେବ ତାହା ପ୍ରକାଶ କରାଯାଇ ନାହିଁ । ଏହି ଚଳଚ୍ଚିତ୍ରଟି ଅକ୍ଷତ ଅଜୟ ଶର୍ମା ନିର୍ଦ୍ଦେଶନା ଦେଇଥିବାବେଳେ ଏହା ZEE ଷ୍ଟୁଡିଓ ଦ୍ୱାରା ନିର୍ମିତ ହୋଇଛି ।
ଏହା ମଧ୍ୟ ପଢନ୍ତୁ: ଆସିଲା ଟ୍ରେଲର, ଟ୍ରାନ୍ସଜେଣ୍ଡର ଗୌରୀ ସାୱନ୍ତଙ୍କ ସଂଘର୍ଷର କାହାଣୀ କହିବେ ସୁସ୍ମିତା ସେନ
କୁହାଯାଉଛି ଯେ ଅନୁରାଗ ମଧ୍ୟ ଏହି ଚଳଚ୍ଚିତ୍ରରେ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିବେ । ଆଦମ୍ୟା ଭଲା ଏହି ଫିଲ୍ମ ଲେଖିଛନ୍ତି । ଏହା ଏକ କ୍ରାଇମ ରିଭେଞ୍ଜ୍ ଫିଲ୍ମ ଅଟେ । ଯେଉଁଥିରେ ନୱାଜୁଦ୍ଦିନ କିନ୍ନର ଭାବରେ ହଡ୍ଡି ଏବଂ ହରିକା କିନ୍ନର ଭୂମିକାରେ ନଜର ଆସିବେ। ଏହି ଚଳଚ୍ଚିତ୍ରରେ ଇଲା ଅରୁଣ, ମହମ୍ମଦ ଜିଶାନ ଆୟୁବ, ସୌରଭ ସଚ୍ଚଦେବ, ଶ୍ରୀଧର ଦୁବେ, ରାଜେଶ କୁମାର, ବିପିନ୍ ଶର୍ମା ଏବଂ ସାହାରା ଶୁକ୍ଲା ପ୍ରମୁଖ ଭୂମିକାରେ ନଜର ଆସିବେ ।
