ମୁମ୍ବାଇ: ନୱାଜୁଦ୍ଦିନ ସିଦ୍ଦିକି ସବୁଠାରେ ନିଜର ପ୍ରତିଭା ପ୍ରମାଣ କରିସାରିଛନ୍ତି। ନୱାଜଙ୍କ କ୍ୟାରିଅରକୁ ଏହି ସ୍ଥାନରେ ପହଞ୍ଚାଇବାରେ ତାଙ୍କ ଭାଗ୍ୟ ତାଙ୍କୁ ସାଥ୍ ଦେଇଛି । ବର୍ତ୍ତମାନ ଅଭିନେତା ବିଶ୍ବର ଅଗ୍ରଣୀ କାନ୍ସ ଫେଷ୍ଟିଭାଲରେ ଯୋଗ ଦେଇ ତାଙ୍କର ଜଲଓ୍ବା ଦେଖାଇଛନ୍ତି । ଏହି ସମୟରେ ଅଭିନେତା ତାଙ୍କର 48ତମ ଜନ୍ମଦିନ ମଧ୍ୟ ସେଠାରେ ପାଳନ କରିଛନ୍ତି । କାନ୍ସ ଫିଲ୍ମ ଫେଷ୍ଟିଭାଲରେ ନୱାଜୁଦ୍ଦିନ ନିଜର ସ୍ଥାନ ହାସଲ କରିସାରିଛନ୍ତି । ଏହିପରି ଭାବରେ ନୱାଜ ଚଳିତ ବର୍ଷ ସପ୍ତମ ଥର ପାଇଁ ତାଙ୍କ ଜନ୍ମଦିନ ପାଳନ କରିଛନ୍ତି ।
- " class="align-text-top noRightClick twitterSection" data="
">
2012 ରିଲିଜ୍ ମିସ୍ ଲଭଲି ଏବଂ ଗ୍ୟାଙ୍ଗସ୍ ଅଫ୍ ୱାସେପୁର ଠାରୁ ନେଇ 2013ରେ ରିଲିଜ ହୋଇଥିବା ମାନସୁନ୍ ସୁଟ୍ଆଉଟ୍, ଦ ଲଞ୍ଚ ବକ୍ସ, ବମ୍ବେ ଟକିଜ୍ ଏବଂ ଏହା ପରେ 2016 ଆସିଥିବା ଚଳଚ୍ଚିତ୍ର ସାଇକୋ ରମନ ଏବଂ 2018ରେ ଆସିଥିବା ମଣ୍ଟୋ, ଏହି ସମସ୍ତ ଚଳଚ୍ଚିତ୍ର କାନ୍ସ ଫେଷ୍ଟିଭାଲରେ ମନୋନୀତ ହୋଇଥିଲା । ଏହି ବର୍ଷ ମଧ୍ୟ ସେ ତାଙ୍କ ଜନ୍ମଦିନ ଅବସରରେ କାନ୍ସ 2022 ରେ ଉପସ୍ଥିତ ଅଛନ୍ତି । ଦେଶ ପାଇଁ ସମ୍ମାନ ପାଇବା ପାଇଁ ଜଣେ ଭାରତୀୟ ପ୍ରତିନିଧି ଭାବରେ ଏହି କାର୍ଯ୍ୟକ୍ରମରେ ଅଭିନେତା ଅଂଶଗ୍ରହଣ କରିଛନ୍ତି, ଯାହା ସେ ସୋସିଆଲ ମିଡିଆରେ ମଧ୍ୟ ସେୟାର କରିଛନ୍ତି ।
କାନ୍ସ ଫିଲ୍ମ ଫେଷ୍ଟିଭାଲରେ ରେଡ୍ କାର୍ପେଟ୍ ଇଭେଣ୍ଟରେ ନୱାଜଙ୍କୁ ସବୁବେଳେ କୁଲ ଅନ୍ଦାଜରେ ଦେଖିବାକୁ ମିଳେ । ଏହି କାର୍ଯ୍ୟକ୍ରମରେ, ସେ ପ୍ରାୟତଃ ମ୍ୟାଚିଂ ପ୍ୟାଣ୍ଟ ସହିତ ଏକ ବ୍ଲେଜର ସୁଟ୍ କ୍ୟାରି କରନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
