ହାଇଦ୍ରାବାଦ: ବଲିଉଡ ଅଭିନେତା ରଣବୀର କପୁରଙ୍କ ଅଭିନୀତ ଆଗାମୀ ଚଳଚ୍ଚିତ୍ର 'ଆନିମଲ' ଆସନ୍ତା ମାସ ଅର୍ଥାତ୍ ଜିସେମ୍ବର ୧ରେ ରିଲିଜ ହେବ । ଏହା ପୂର୍ବରୁ ନିର୍ମାତା ଫିଲ୍ମର ଟ୍ରେଲର ଗତକାଲି ଅର୍ଥାତ୍ ଗୁରୁବାର ଦିନ ରିଲିଜ କରିଛନ୍ତି । ଏହି ଟ୍ରେଲର ଦେଖିବା ପରେ ଫ୍ୟାନଙ୍କ ଉତ୍ସାହ ଫିଲ୍ମକୁ ନେଇ ଦ୍ବିଗୁଣିତ ହୋଇଛି । କେବଳ ଯେ, ଫ୍ୟାନ୍ସ ନୁହଁ ଏପରିକି ବଲିଉଡ ସେଲିବ୍ରିଟିମାନେ ମଧ୍ୟ ଟ୍ରେଲର ଦେଖି ଉତ୍ସାହିତ ହୋଇଛନ୍ତି । ରଣବୀରଙ୍କ ପତ୍ନୀ ତଥା ଅଭିନେତ୍ରୀ ଆଲିଆ ଭଟ୍ଟ, ତାଙ୍କ ମାତା ନୀତୁ କପୁର, କରୀନା କପୁର, ସାଉଥ୍ ଷ୍ଟାର ପ୍ରଭାସ ଏବଂ ସୋନି ରାଜଦାନଙ୍କ ସମେତ ବିଭିନ୍ନ ସେଲିବ୍ରିଟି ଟ୍ରେଲରକୁ ନେଇ ପ୍ରତିକ୍ରିୟା ଦେଉଛନ୍ତି ।
ଟ୍ରେଲର ସେୟାର କରି ଆଲିଆ ଇନ୍ଷ୍ଟାଗ୍ରାମରେ ଲେଖିଛନ୍ତି, ବାସ୍ତବରେ ମୁଁ ଏକ ପୁରା କ୍ୟାପସନ ଟାଇପ କରିପାରୁନି । ୭୦୦୦ ଥର ଏହି ଟ୍ରେଲରକୁ ଦେଖିବାରେ ବ୍ୟସ୍ତ ଅଛି । ସେ ଏହା ମଧ୍ୟ କହିଛନ୍ତି ଯେ ଏହା ମୋ ହୋସ୍ ଉଡ଼ାଇ ଦେଇଛି ଏବଂ ସେ ତୁରନ୍ତ ଚଳଚ୍ଚିତ୍ର ଦେଖିବାକୁ ଚାହୁଁଛି । ଅନ୍ୟପକ୍ଷରେ ରଣବୀରଙ୍କ ମା ଏବଂ ଭେଟେରାନ୍ ଅଭିନେତ୍ରୀ ନୀତୁ କପୁର ଏହି ଭିଡିଓ ସେୟାର କରିଛନ୍ତି ଏବଂ କେବଳ ଲେଖିଛନ୍ତି, 'ଗୁସବମ୍ପସ୍' । ଆଲିଆଙ୍କ ମା' ସୋନି ରାଜଦାନ ମଧ୍ୟ ଲେଖିଛନ୍ତି, "ଉଫଫ୍ । ଚତ୍ମକାର ହିରୋ ! ସମସ୍ତେ ଚମତ୍କାର ଦେଖାଯାଉଛନ୍ତି । ମୁଁ ଏହାକୁ ଅପେକ୍ଷା କରିପାରିବି ନାହିଁ ।
ଏହି ସମୟରେ କରୀନା କପୁର ନିଜ ଇନଷ୍ଟାଗ୍ରାମ ଷ୍ଟୋରୀରେ ରଣବୀର କପୁର ଏବଂ ଅନିଲ କପୁରଙ୍କ ଏକ ସିନର ଭିଡିଓ ସେୟାର କରି ଫିଲ୍ମର ଖୁବ ପ୍ରଶଂସା କରିଛନ୍ତି । ସେ କ୍ୟାପସନରେ ଲେଖିଛନ୍ତି, "କେବଳ ରଣବୀର କପୁର ଅଛନ୍ତି । ମୋର ପ୍ରିୟ ଅନୀଲ କପୁର ଏବଂ ପୁରା କାଷ୍ଟ ଏବଂ ଟିମକୁ ଅଭିନନ୍ଦନ । ଦମଦାର ଟ୍ରେଲର ।" ଅଭିନେତ୍ରୀ ବବି ଦେଓଲ, ରଶ୍ମିକା ମନ୍ଦାନା ଏବଂ ସନ୍ଦୀପ ରେଡ୍ଡୀ ଭଙ୍ଗାଙ୍କୁ ମଧ୍ୟ ଅଭିନନ୍ଦନ ଜଣାଇଛନ୍ତି ।
ଅର୍ଜୁନ କପୁର ମଧ୍ୟ ନିଜ ଇନଷ୍ଟାଷ୍ଟୋରୀରେ ଲେଖିଛନ୍ତି, "ୱାଃ, କି ଟ୍ରେଲର ! ଡିସେମ୍ବର ୧ ପାଇଁ ଅପେକ୍ଷା କରିପାରିବି ନାହିଁ । ମ୍ୟାଡନେସ୍ ଡ୍ରାମା ଅନୀଲ କପୁର ସବୁଥର ପରି ମନ ଜିତୁଛନ୍ତି । ବବି ଦେଓଲ୍ ୱାଃ ଚମତ୍କାର, ରଶ୍ମିକା ମନ୍ଦାନା ଗ୍ରାଉଣ୍ଡିଂ ଫ୍ୟାକ୍ଟର୍ ଏବଂ ଜଣେ ବ୍ୟକ୍ତି (ରଣବୀର କପୁର)ଙ୍କ ପାଇଁ ଯିଏ ଇନଷ୍ଟାଗ୍ରାମରେ ନାହାଁନ୍ତି । ଏହା ନିଶ୍ଚିତ ଯେ ଫିଲ୍ମ ଧମାକା କରିବ । ଏବଂ ଏହା ବଡ଼ ପରଦାରେ ଦେଖିବା ଯୋଗ୍ୟ । ଭେଙ୍ଗା ସାର୍, ଆପଣ ଏହି କାହାଣୀକୁ କିପରି କଳ୍ପନା କରିଛନ୍ତି ?"
ସେପଟେ ସାଉଥ ସୁପରଷ୍ଟାର ପ୍ରଭାସ ତାଙ୍କ ଇନଷ୍ଟାଗ୍ରାମ ଷ୍ଟୋରୀରେ ଟ୍ରେଲର ସେୟାର ପ୍ରତିକ୍ରିୟା ଦେଇଛନ୍ତି । ସେ ଏହାକୁ ଅସାଧାରଣ ଏବଂ ଚମତ୍କାର ବୋଲି ବର୍ଣ୍ଣନା କରିଛନ୍ତି । ସେ ଅଭିନନ୍ଦନ ଜଣାଇବା ସହ ଆନିମଲ ରିଲିଜକୁ ଅପେକ୍ଷା କରିଥିବା କହିଛନ୍ତି । ସୂଚନା ଥାଉ କି ୩ ମିନିଟ ୩୨ ସେକେଣ୍ଡରେ ରିଲିଜ ହୋଇଥିବା ଟ୍ରେଲରରେ ରଣବୀରଙ୍କୁ ଦମଦାର ଏବଂ ଭିନ୍ନ ଲୁକ୍ରେ ଦେଖିବାକୁ ମିଳିଛି । ସେହିପରି ବବି ଦେଓଲ ଏବଂ ଅନୀଲ କପୁର, ରଶ୍ମିକା ମନ୍ଦାନାଙ୍କ ଅଭିନୟ ମଧ୍ୟ ଦମଦାର ରହିଛି । ଏଥିରୁ ଅନୁମାନ କରାଯାଇପାରେ ଯେ, ଫିଲ୍ମଟି ନିଶ୍ଚୟ ଧମାକାଦାର ହେବ ।
ଏହା ମଧ୍ୟ ପଢନ୍ତୁ: ଆନିମଲର ଟ୍ରେଲର ରିଲିଜ, ଦମଦାର ଭୂମିକାରେ ରଣବୀର
'ଆନିମଲ' ଡିସେମ୍ବର ୧ରେ ପ୍ରେକ୍ଷାଳୟରେ ମୁକ୍ତିଲାଭ କରିବ । ଏହି ଫିଲ୍ମରେ ରଣବୀରଙ୍କ ବିପକ୍ଷରେ ପ୍ରଥମ ଥର ପାଇଁ ସାଉଥ ସୁନ୍ଦରୀ ରଶ୍ମିକା ମନ୍ଦାନା ନଜର ଆସିବେ । ସନ୍ଦୀପ ରେଡ୍ଡୀ ଭଙ୍ଗା ରେଡ୍ଡୀଙ୍କ ନିର୍ଦ୍ଦେଶିତ ଏହି ଫିଲ୍ମରେ ରଣବୀର, ରଶ୍ମିକାଙ୍କ ବ୍ୟତୀତ ଅନୀଲ କପୁର ଏବଂ ବବି ଦେଓଲ ମୁଖ୍ୟ ଭୂମିକାରେ ନଜର ଆସିବେ । ଏହି ଚଳଚ୍ଚିତ୍ର ୫ଟି ଭାଷାରେ ହିନ୍ଦୀ, ତେଲୁଗୁ, ତାମିଲ, କନ୍ନଡ଼ ଏବଂ ମାଲାୟାଲମରେ ମୁକ୍ତିଲାଭ କରିବ । ସେପଟେ ଏହି ଦିନ ବିକି କୌଶଲଙ୍କ ସାମ୍ ବାହାଦୂର ବି ରିଲିଜ ହେବ । ତେବେ ଉଭୟ ଫିଲ୍ମ ମଧ୍ୟରେ କଡ଼ା ଟକ୍କର ଦେଖିବାକୁ ମିଳିବ ।
