ହାଇଦ୍ରାବାଦ: ୨୦୧୭ ମସିହାରେ ବିଶ୍ୱ ସୁନ୍ଦରୀ ମୁକୁଟ ଜିତିଥିବା ଭାରତୀୟ ଝିଅ ମାନୁଷୀ ଛିଲ୍ଲର ଫିଲ୍ମ 'ସମ୍ରାଟ ପୃଥ୍ବୀରାଜ'ରୁ ତାଙ୍କ କ୍ୟାରିଅର୍ ଆରମ୍ଭ କରିଥିଲେ, ଯେଉଁଥିରେ ତାଙ୍କ କାମକୁ ବହୁତ ପସନ୍ଦ କରାଯାଇଥିଲା । ମାନୁଷୀ ତାଙ୍କ ବୃତ୍ତିଗତ ଜୀବନ ବିଷୟରେ ଖୋଲାଖୋଲି ଭାବରେ କଥାବାର୍ତ୍ତା କରନ୍ତି କିନ୍ତୁ ସେ ତାଙ୍କ ବ୍ୟକ୍ତିଗତ ଜୀବନକୁ ନେଇ କେବେ ଆଲୋଚନା କରନ୍ତି ନାହିଁ । କିନ୍ତୁ ବର୍ତ୍ତମାନ ଅଭିନେତ୍ରୀଙ୍କ ବ୍ୟକ୍ତିଗତ ଜୀବନ ସହ ଜଡିତ ଏକ ଖବର ସାମ୍ନାକୁ ଆସିଛି ଯାହା ପ୍ରଶଂସକଙ୍କୁ ଆଶ୍ଚର୍ଯ୍ୟ କରିଛି । ମନୁଷୀଙ୍କ ଜୀବନରେ ଜଣେ ଯୁବକଙ୍କର ଏଣ୍ଟ୍ରି ହୋଇଛି । କୁହାଯାଉଛି ଯେ, ମାନୁଷୀ ନିଜଠାରୁ ୧୦ବର୍ଷ ବଡ଼ ବ୍ୟବସାୟୀ ନିଖିଲ କାମତଙ୍କ ସହ ରିଲେସନସିପ୍ରେ ଅଛନ୍ତି ଏବଂ ଉଭୟ ଗୁପ୍ତ ଭାବରେ ସେମାନଙ୍କ ସମ୍ପର୍କକୁ ଆଗକୁ ବଢାଉଛନ୍ତି ।
ରିଲେସନସିପ୍ରେ ଅଛନ୍ତି ମାନୁଷୀ !
ମାନୁଷୀ ବର୍ତ୍ତମାନ ନିଜ ପ୍ରେମ ଜୀବନକୁ ନେଇ ଚର୍ଚ୍ଚାରେ ଅଛନ୍ତି । ଗଣମାଧ୍ୟମ ରିପୋର୍ଟରେ ଦାବି କରାଯାଇଛି ଯେ ମାନୁଷୀ ଛିଲ୍ଲର ଏବଂ ଜେରୋଧାର ସହ-ପ୍ରତିଷ୍ଠାତା ନିଖିଲ 2021 ମସିହାରୁ ପରସ୍ପରକୁ ଡେଟ କରୁଛନ୍ତି ଏବଂ ଉଭୟ ନିଜ ସମ୍ପର୍କକୁ ନେଇ ଗମ୍ଭୀର ଅଛନ୍ତି । ଏହି କାରଣରୁ ଉଭୟ ଏକ ଲିଭଇନ୍ ରିଲେସନସିପ୍ରେ ଅଛନ୍ତି । ଏମିତି କି ଦୁହେଁ ଅନେକ ଥର ବୁଲୁଥିବାର ନଜର ଆସିଛନ୍ତି । ନିକଟରେ ଏହି ପ୍ରେମୀଯୁଗଳ ଋଷିକେଶ ଯାଇଥିବା କୁହାଯାଉଛି ।
ରିପୋର୍ଟରେ ଏହା ମଧ୍ୟ କୁହାଯାଇଛି ଯେ, ମାନୁଷୀ ବର୍ତ୍ତମାନ ତାଙ୍କ କ୍ୟାରିୟର ଉପରେ ଧ୍ୟାନ ଦେବାକୁ ଚାହୁଁଛନ୍ତି ଏବଂ ସେଥିପାଇଁ ସେ ନିଜ ଏବଂ ନିଖିଲଙ୍କ ସମ୍ପର୍କକୁ ସାର୍ବଜନୀନ କରୁନାହାଁନ୍ତି । କିନ୍ତୁ ଦୁହିଁଙ୍କ ପରିବାର ବିବାହ ପାଇଁ ରାଜି ଅଛନ୍ତି । ହେଲେ ଏବେ ବିବାହ କରିବାର ଯୋଜନା ନଥିବାରୁ ଦୁହେଁ ନିଜ ସମ୍ପର୍କକୁ ଲୋକଲୋଚନକୁ ଆଣିବାକୁ ଚାହୁଁନଥିବା କୁହାଯାଉଛି ।
ନିଖିଲ କାମତ କିଏ?
ନିଖିଲ କାମତ ଜଣେ ଜଣାଶୁଣା ବ୍ୟବସାୟୀ ଏବଂ ମାନୁଷୀଙ୍କ ପୂର୍ବରୁ ମଧ୍ୟ ତାଙ୍କ ଜୀବନରେ ଜଣେ ମହିଳା ଥିଲେ । ନିଖିଲ 18 ଏପ୍ରିଲ 2019 ରେ ଅମାଣ୍ଡାଙ୍କୁ ବିବାହ କରିଥିଲେ। ଉଭୟ ଇଟାଲୀର ଫ୍ଲୋରେନ୍ସରେ ବିବାହ କରିଥିଲେ, ଯେଉଁଥିରେ କିଛି ଘନିଷ୍ଠ ବ୍ୟକ୍ତି ଯୋଗ ଦେଇଥିଲେ । ତଥାପି, ଉଭୟଙ୍କ ସମ୍ପର୍କ ଅଧିକ ଦିନ ତିଷ୍ଠି ପାରିଲା ନାହିଁ । ଦୁହେଁ ଗୋଟିଏ ବର୍ଷ ମଧ୍ୟରେ ଅଲଗା ହୋଇ 2021 ମସିହାରେ ଛାଡପତ୍ର ନେଇଥିଲେ ।
ବଲିଉଡରେ ମନୁଷୀଙ୍କ ଏଣ୍ଟ୍ରି
କାମ ବିଷୟରେ କହିବା ତ, ମାନୁଷୀ ଅକ୍ଷୟ କୁମାରଙ୍କ ବିପକ୍ଷରେ 'ସମ୍ରାଟ ପୃଥ୍ବୀରାଜ' ସହ ବଲିଉଡରେ କ୍ୟାରିୟର ଆରମ୍ଭ କରିଥିଲେ । ହେଲେ ଫିଲ୍ମଟି ଭଲ ବ୍ୟବସାୟ କରିପାରିନଥିଲା । ଏଥିସହିତ, ନିକଟରେ ଦୁବାଇରେ ଆୟୋଜିତ ହୋଇଥିବା 'ଫିଲ୍ମ ଫେୟାର ମିଡିଲ୍ ଇଷ୍ଟ ଆୱାର୍ଡ ଫଙ୍କସନ୍'ରେ ମନୁଷୀଙ୍କୁ ବହୁତ ଷ୍ଟାଇଲିସ୍ ଲୁକ୍ରେ ଦେଖିବାକୁ ମିଳିଥିଲା ।
