ହାଇଦ୍ରାବାଦ: ବଲିଉଡ ଅଭିନେତା ଆୟୁଷ୍ମାନ ଖୁରାନାଙ୍କ ଫିଲ୍ମ ଡ୍ରିମ୍ ଗାର୍ଲ 2 ନେଇ ଗତ ବର୍ଷଠାରୁ ଚର୍ଚ୍ଚା ଲାଗି ରହିଥିଲା । ଫିଲ୍ମର କାହାଣୀଠାରୁ ଆରମ୍ଭ କରି ମୁଖ୍ୟ ଅଭିନେତ୍ରୀ ପର୍ଯ୍ୟନ୍ତ ଏହି ଫିଲ୍ମ ଅନେକ ଥର ଶିରୋନାମାରେ ରହି ଆସିଥିଲା । ବର୍ତ୍ତମାନ ଡ୍ରିମ୍ ଗାର୍ଲ 2ରୁ ଅନନ୍ୟାଙ୍କ ପ୍ରଥମ ଲୁକ୍ ଏବଂ ଟିଜର ରିଲିଜ ହୋଇଛି । ପୂର୍ବରୁ ଆୟୁଷ୍ମାନଙ୍କ ଲୁକ୍ ରିଲିଜ ହୋଇଥିବା ବେଳେ ଏବଂ ଅନନ୍ୟାଙ୍କ ଲୁକ୍ ରିଲିଜ ହୋଇଛି । ଆସନ୍ତାକାଲି ରିଲିଜ ହେବ ଫିଲ୍ମର ଟ୍ରେଲର ।
ଫିଲ୍ମରେ ଅଭିନେତ୍ରୀ ଅନନ୍ୟା ପାଣ୍ଡେ ଆୟୁଷ୍ମାନଙ୍କ ବିପକ୍ଷରେ ନଜର ଆସିବେ । ବର୍ତ୍ତମାନ ଫିଲ୍ମରୁ ଅନନ୍ୟାଙ୍କ ପ୍ରଥମ ଲୁକ୍ ସହ ଟିଜର ରିଲିଜ କରିଛନ୍ତି ନିର୍ମାତା । ଏଥିସହ ଟ୍ରେଲର କେବେ ରିଲିଜ ହେବ ସେନେଇ ମଧ୍ୟ ଅପଡେଟ ସେୟାର କରିଛନ୍ତି । ସୋସିଆଲ ମିଡିଆରେ ଫିଲ୍ମର ଟିଜର ରିଲିଜ ହୋଇଛି । ଯେଉଁଥିରେ ଆୟୁଷ୍ମାନଙ୍କୁ ପୂଜା ରୂପରେ ଦେଖିବାକୁ ମିଳିଛି । ଏବଂ ଏଥିରେ ଫିଲ୍ମରେ ଫିଲ୍ମର ଟ୍ରେଲର ଆସନ୍ତାକାଲି ରିଲିଜ ହେବା ନେଇ ସୂଚନା ଦିଆଯାଇଛି ।
- " class="align-text-top noRightClick twitterSection" data="">
ପୂର୍ବରୁ ଡ୍ରିମ୍ ଗାର୍ଲ ୨ ମୁଖ୍ୟ ଅଭିନେତା ଆୟୁଷ୍ମାନ ଖୁରାନା ତାଙ୍କ ଅଫିସିଆଲ୍ ଇନ୍ଷ୍ଟାଗ୍ରାମ ଆକାଉଣ୍ଟରେ ଫିଲ୍ମର ଅପଡେଟ୍ ସେୟାର କରିଛନ୍ତି । ସେ ଟିଜର-ଟ୍ରେଲର ରିଲିଜ୍ ଅପଡେଟ୍ ସହ ଡ୍ରିମ୍ ଗାର୍ଲ-2ର ଏକ ନୂତନ ପୋଷ୍ଟର ସେୟାର କରିଛନ୍ତି । ଆୟୁଷ୍ମାନ ସେୟାର କରିଥିବା ପୋଷ୍ଟରରେ ଅନନ୍ୟାଙ୍କ ପ୍ରଥମ ଲୁକ୍ ଦେଖିବାକୁ ମିଳିଛି । ଏହା ସେୟାର କରି ସେ କ୍ୟାପ୍ସନରେ ଲେଖିଛନ୍ତି, 'ଏ ହେଉଛନ୍ତି ପରୀ, ଯିଏ ମୋ ଡ୍ରିମ ଗାର୍ଲ ।' ଏଥିସହ ସେ କହିଛନ୍ତି ଯେ ଆଜି ଟିଜର ରିଲିଜ୍ ହେବ ଏବଂ ଟ୍ରେଲର ଆସନ୍ତାକାଲି ଅର୍ଥାତ୍ 1 ଅଗଷ୍ଟରେ ରିଲିଜ୍ ହେବ । ଫିଲ୍ମ ମେକର୍ସଙ୍କ ପ୍ରତିଶୃତି ଅନୁଯାୟୀ ଆଜି ଟିଜର ରିଲିଜ ହୋଇଛି ।
ଏହା ମଧ୍ୟ ପଢନ୍ତୁ: ଆୟୁଷ୍ମାନ ଖୁରାନାଙ୍କ ପ୍ରଥମ ଲୁକ ଆଉଟ, ପୂଜା ରୂପରେ ଦର୍ଶକଙ୍କୁ କରିବେ ଏଣ୍ଟରଟେନ୍ମେଣ୍ଟ
ଡ୍ରିମ୍ ଗାର୍ଲ 2ରେ ଆୟୁଷ୍ମାନ ଖୁରାନାଙ୍କ ସହ ଅନନ୍ୟା ପାଣ୍ଡେଙ୍କୁ ପ୍ରଥମ ଥର ପାଇଁ ସ୍କ୍ରିନ୍ ସେୟାର କରୁଥିବାର ଦେଖିବାକୁ ମିଳିବ । ତେବେ ପୂଜା ରୂପରେ ଆୟୁଷ୍ମାନଙ୍କ ଲୁକ୍ ସସପେନ୍ସ ଦର୍ଶକଙ୍କ ଆଗ୍ରହ ବଢାଉଛି । ତେବେ ଫିଲ୍ମକୁ ନେଇ ଫ୍ୟାନ୍ସଙ୍କ ଉତ୍ସାହ ବଢିଯାଇଛି । ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି ରାଜ ଶାଣ୍ଡିଲ୍ୟ । ଚଳଚ୍ଚିତ୍ରର ପ୍ରଥମ ଭାଗ 2019ରେ ରିଲିଜ ହୋଇଥିଲା । ଡ୍ରିମ୍ଗାର୍ଲରେ ଆୟୁଷ୍ମାନ ଖୁରାନା ଏବଂ ନୁସ୍ରତ ଭରୁଚ୍ଚା ଲୋକଙ୍କୁ ବେଶ ମନୋରଞ୍ଜନ କରିଥିଲେ । ବର୍ତ୍ତମାନ ଆୟୁଷ୍ମାନ ଏବଂ ଅନନ୍ୟା ଦର୍ଶକଙ୍କୁ ମନୋରଞ୍ଜନ କରିବେ ।
