ହାଇଦ୍ରାବାଦ: ବଲିଉଡ ଅଭିନେତ୍ରୀ ଟ୍ବିଙ୍କଲ ଖନ୍ନାଙ୍କ ୫୦ତମ ଜନ୍ମଦିନ । ଏହି ଅବସରରେ ପରିବାର ସହ ବର୍ଥ ଡ୍ ସେଲିବ୍ରେଟ କରିଛନ୍ତି ଅଭିନେତ୍ରୀ । ଯାହାର ଝଲକ ସେ ସୋସିଆଲ ମିଡିଆରେ ଦେଖାଇଛନ୍ତି । ଅଭିନେତ୍ରୀ ଜନ୍ମଦିନରେ ଅଣ୍ଡର ୱାର୍ଟର ସୁଇମିଂ କରୁଥିବା ନଜର ଆସିଛନ୍ତି । ସେପଟେ ଅଭିନେତ୍ରୀଙ୍କ ଏକ ମଜାଳିଆ ଭିଡିଓ ପୋଷ୍ଟ କରି ସ୍ବାମୀ ଅକ୍ଷୟ କୁମାର ତାଙ୍କୁ ଜନ୍ମଦିନ ଶୁଭେଚ୍ଛା ଜଣାଇଛନ୍ତି ।
ଟ୍ବିଙ୍କଲ ଖନ୍ନା ଇନଷ୍ଟାଗ୍ରାମରେ ଏକ ଭିଡିଓ ସେୟାର କରିଛନ୍ତି । ଭିଡିଓ ସେ ନିଜ ସ୍ବାମୀ ଏବଂ ପୁଅ ଆରବ ଏବଂ ଝିଅ ନିତାରାଙ୍କ ସହ ଅଣ୍ଡର ୱାର୍ଟର ସୁଇମିଂ କରୁଥିବା ନଜର ଆସିଛନ୍ତି । ଏହା ସହ ସେ ସାମୁଦ୍ରିକ ଜୀବଙ୍କ ମଧ୍ୟ ଝଲକ ଦେଖାଇଛନ୍ତି । ଏଥିସହ ସେ ଅକ୍ଷୟ କୁମାରଙ୍କୁ କିସ କରୁଥିବା ମଧ୍ୟ ନଜର ଆସିଛନ୍ତି । ଏହି ଭିଡିଓ ସେୟାର କରି ସେ ଲେଖିଛନ୍ତି, 'ମୋର ୫୦ତମ ଜନ୍ମଦିନରେ ଯେବେ ମୁଁ ମୋର ଆଖପାଖ ଦୁନିଆ ଦେଖୁଛି, ସେତେବେଳେ କେବଳ ମୋତେ ମୋ ପରିବାର ଦେଖାଇଦିଅନ୍ତି । ଲୋକେ ଦାର୍ଶନିକମାନଙ୍କୁ ଫଲୋ କରନ୍ତିଷ ଏବଂ ମୁଁ ଫାଇଡିଂ ନିମୋଙ୍କ ଡୋରିକୁ ଫଲୋ କରେ । ଜୀବନ କେତେବେଳେ ବି କୁଆଡେ ଯାଏ । ବାସ୍ ପହଁରୁଥାଅ । ଦୁଃସାହସିକ କାର୍ଯ୍ୟ କେବେ ସରେନାହିଁ ।'
ସେପଟେ ଅକ୍ଷୟ କୁମାର ପତ୍ନୀଙ୍କ ଏକ ମଜାଳିଆ ଭିଡିଓ ନିଜ ଇନଷ୍ଟାଗ୍ରାମରେ ସେୟାର କରି ଜନ୍ମଦିନ ଶୁଭେଚ୍ଛା ଜଣାଇଛନ୍ତି । ଏହି ଭିଡିଓରେ ଲେଖାଅଛି, ମୁଁ ବେଳେବେଳେ ଭାବେ ମୁଁ ଟ୍ବିଙ୍କଲଙ୍କୁ ବିବାହ କରିଛି । ହେଲେ ଅସଲରେ ମୁଁ ଏହାଙ୍କୁ ବିବାହ କରିଛି । ପରେ ପରେ ଭିଡିଓରେ ଟ୍ବିଙ୍କଲଙ୍କ ମଜାଳିଆ ଅନ୍ଦାଜ ଦେଖିବାକୁ ମିଳେ । ଏହା ସେୟାର କରି ଅକ୍ଷୟ ଲେଖିଛନ୍ତି, ଦୀର୍ଘ ବର୍ଷ ବଞ୍ଚ । ମୋ ଜୀବନରେ ତୁମର ଅନେକ ଖୁସି ଭରିଥିବାରୁ ଅନେକ ଧନ୍ୟବାଦ । ଭଗବାନ ତୁମକୁ ଦୀର୍ଘାୟୁ କରନ୍ତୁ । ହାପି ବର୍ଥ ଡେ ଟିନା ।
ଏହା ମଧ୍ୟ ପଢନ୍ତୁ: ଅକ୍ଷୟଙ୍କୁ ଅପନା ମାଲ୍ କହିଲେ ଟ୍ୱିଙ୍କଲ, ପୋଷ୍ଟ ଭାଇରାଲ
ଏହି ଭିଡିଓ ସେୟାର ହେବା ପରେ ଅନେକ ସେଲିବ୍ରିଟି ସମେତ ଅନେକ ଫ୍ୟାନ୍ସ ଏହାକୁ ଲାଇକ କରିବା ସହ ପ୍ରତିକ୍ରିୟାରେ ଟ୍ବିଙ୍କଲଙ୍କୁ ଜନ୍ମଦିନ ଶୁଭେଚ୍ଛା ଜଣାଇଛନ୍ତି । ସୂଚନା ଥାଉ କି, ଅକ୍ଷୟ ଏବଂ ଟ୍ବିକଲ ବିବାହକୁ ୨୩ ବର୍ଷ ବିତିଛି । ଉଭୟଙ୍କର ୨୧ ବର୍ଷର ପୁଅ ଆରବ ଏବଂ ୧୧ ବର୍ଷର ଝିଅ ନିତାରାଙ୍କ ରହିଛନ୍ତି । ଅକ୍ଷୟ ଏବଂ ଟ୍ବିକଲ ସର୍ବଦା ନିଜ ପରିବାର ସହ ସୋସିଆଲ ମିଡିଆରେ ଫଟୋ ସେୟାର କରିଥାନ୍ତି ।
