ହାଇଦ୍ରାବାଦ: ବଲିଉଡ ଅଭିନେତ୍ରୀ କିଆରା ଆଡଭାନୀ ତାଙ୍କର 31 ତମ ଜନ୍ମଦିନକୁ ଏକ ନିଆରା ଢଙ୍ଗରେ ପାଳନ କରିଛନ୍ତି । ଏହି ସମୟରେ ଅଭିନେତ୍ରୀ ସ୍ୱାମୀଙ୍କ ସହ ଛୁଟିରେ ଥିଲେ ଏବଂ ବିବାହ ପରେ ସେ ତାଙ୍କର ପ୍ରଥମ ଜନ୍ମଦିନକୁ ସ୍ୱତନ୍ତ୍ର କରିଛନ୍ତି । କିଆରା ଏକ ଦ୍ୱୀପରୁ ଏକ ଭିଡିଓ ସେୟାର କରିଛନ୍ତି ଯେଉଁଠାରେ ସେ ସିଦ୍ଧାର୍ଥଙ୍କ ସହିତ କ୍ବାଲିଟି ଟାଇମ୍ ବିତାଇଛନ୍ତି । ଏହି ଭିଡିଓରେ ସେ ଏକ ଉଚ୍ଚ ସ୍ଥାନରୁ ଡେଇଁ ପହଁରି ଉପଭୋଗ କରୁଥିବା ନଜର ଆସିଛନ୍ତି ।
ଅଭିନେତ୍ରୀଙ୍କ ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ଯେଉଁଥିରେ ସେ ଏବଂ ସିଦ୍ଧାର୍ଥ ନଜର ଆସିଛନ୍ତି । ଦୁହେଁ ବହୁତ ଖୁସି ଦେଖାଯାଉଛନ୍ତି ଏବଂ ସମୁଦ୍ରରେ ଗାଧୋଉଛନ୍ତି । ଏହି ସମୟରେ ସିଦ୍ଧାର୍ଥ ଏକ ଲାଲ କ୍ୟାପ୍ରିରେ ଥିବାବେଳେ ଅନ୍ୟ ପଟେ କିଆରାଙ୍କୁ କଳା ଏବଂ ଧଳା ରଙ୍ଗର ଏକ ମନୋକୋନିରେ ଦେଖିବାକୁ ମିଳିଥିଲା । ଭିଡିଓ ସେୟାର କରିବା ସହିତ କିଆରା କ୍ୟାପସନରେ ଲେଖିଛନ୍ତି - 'ମୋତେ ଜନ୍ମଦିନର ଶୁଭେଚ୍ଛା । ମୁଁ ପ୍ରତିଦିନ ପାଉଥିବା ଏତେ ଭଲପାଇବା ପାଇଁ ନିଜକୁ ଧନ୍ୟ ମନେ କରୁଛି ।'
ତେବେ ଭିଡିଓର ବ୍ୟାକଗ୍ରାଉଣ୍ଡରେ ନାଇଟ୍ ଚେଞ୍ଜେସ୍ ଗୀତ ବାଜୁଛି, ଯେଉଁଥିରେ ବଲିଉଡର ଏହି ପାୱାର୍ ଦମ୍ପତି ରୋମାନ୍ସ କରୁଥିବା ଦେଖାଯାଉଛି । ପ୍ରଶଂସକମାନେ କିଆରାଙ୍କୁ ତାଙ୍କ ଜନ୍ମଦିନର ଶୁଭେଚ୍ଛା ଜଣାଉଥିବା ଦେଖିବାକୁ ମିଳିଛି । ଏହା ବ୍ୟତୀତ ବଲିଉଡର ସେଲିବ୍ରେଟମାନେ ମଧ୍ୟ ଏହି ଅବସରରେ କିଆରାଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି । କିଆରା ଆଡଭାନୀଙ୍କୁ ଶୁଭେଚ୍ଛା ଜଣାଇ ଶ୍ରଦ୍ଧା କପୁର କହିଛନ୍ତି,'ଜନ୍ମଦିନର ଶୁଭେଚ୍ଛା, ଆପଣଙ୍କ ଦିନ ଚମତ୍କାର ଏବଂ ପ୍ରେମରେ ପରିପୂର୍ଣ୍ଣ ହେଉ ।' ଏହା ବ୍ୟତୀତ ସୋଫି ଚୌଧୁରୀ ଭିଡିଓ ସେୟାର କହି କହିଛନ୍ତି-'ଜନ୍ମଦିନର ଶୁଭେଚ୍ଛା କିଆରା ।'
ଏହି ଚଳଚ୍ଚିତ୍ରରେ କିଆରାଙ୍କୁ ଦେଖିବାକୁ ମିଳିବ
2023 ବର୍ଷ କିଆରା ଆଡଭାନୀଙ୍କ ପାଇଁ ଅତ୍ୟନ୍ତ ସ୍ୱତନ୍ତ୍ର ଥିଲା । ଏହି ଅଭିନେତ୍ରୀ ଚଳିତ ବର୍ଷ ତାଙ୍କ ଶେରଶାହା ସହ-ତାରକା ସିଦ୍ଧାର୍ଥ ମଲହୋତ୍ରାଙ୍କୁ ବିବାହ କରିଥିଲେ । ବର୍ତ୍ତମାନ ଅଭିନେତ୍ରୀ ତାଙ୍କ ବ୍ୟକ୍ତିଗତ ଜୀବନରେ ଆଗକୁ ବଢିଛନ୍ତି । ୱାର୍କ ଫ୍ରଣ୍ଟ ବିଷୟରେ କହିବାକୁ ଗଲେ, କିଆରା ଆଡଭାନୀଙ୍କୁ କାର୍ତ୍ତିକ ଆର୍ଯ୍ୟନଙ୍କ ବିପକ୍ଷରେ ସତ୍ୟପ୍ରେମ କି କଥାରେ ଶେଷ ଥର ପାଇଁ ଦେଖିବାକୁ ମିଳିଥିଲା । ବର୍ତ୍ତମାନ ଏହି ଅଭିନେତ୍ରୀ ତାମିଲ ଚଳଚ୍ଚିତ୍ର ଗେମ୍ ଚେଞ୍ଜରର ଏକ ଅଂଶ ।
