ହାଇଦ୍ରାବାଦ: କାର୍ତ୍ତିକ ଆର୍ଯ୍ୟନ୍ ଏବଂ କିଆରା ଆଡଭାନୀଙ୍କ ଅଭିନୀତ ଚଳଚ୍ଚିତ୍ର 'ସତ୍ୟପ୍ରେମ କି କଥା' ଜୁଲାଇ 12ରେ ବକ୍ସ ଅଫିସରେ ଦୁଇ ସପ୍ତାହ ପୂରଣ କରିଛି । ଫିଲ୍ମ 'ସତ୍ୟପ୍ରେମ କି କଥା'ର ନିକଟରେ ବିଶ୍ବ ବକ୍ସ ଅଫିସରେ 100 କୋଟି କ୍ଲବରେ କରିଥିଲା । ବର୍ତ୍ତମାନ ଫିଲ୍ମର 14 ତମ ଦିନ ବକ୍ସ ଅଫିସରେ ଆୟରେ ହ୍ରାସ ଘଟିଛି । କାରଣ ହଲିଉଡ ତାରକା ଟମ କ୍ରୁଜଙ୍କ ଫିଲ୍ମ ମିଶନ ଇମ୍ପସିବଲ୍-7 ରିଲିଜ ହୋଇଛି । ଯାହା ଦର୍ଶକଙ୍କୁ ଆକର୍ଷିତ କରିଛି । ରିଲିଜର ପ୍ରଥମ ଦିନରେ ବମ୍ପର ରୋଜଗାର କରିଛି ।
ଟମ କ୍ରୁଜଙ୍କ ଫିଲ୍ମ ମିଶନ ଇମ୍ପସିବଲ୍ 7 କାର୍ତ୍ତିକ ଆର୍ଯ୍ୟନ୍ ଏବଂ କିଆରା ଆଡଭାନୀଙ୍କ ଅଭିନୀତ ଚଳଚ୍ଚିତ୍ର 'ସତ୍ୟପ୍ରେମ କି କଥା'ର ରୋଜଗାର ଉପରେ ବେଶ ପ୍ରଭାବ ପକାଇଛି । ଫଳରେ 'ସତ୍ୟପ୍ରେମ କି କଥା' ଫିଲ୍ମ 14 ତମ ଦିନରେ ମାତ୍ର 1.25 କୋଟି ଟଙ୍କା ବ୍ୟବସାୟ କରିଛି । ଯାହା ଫିଲ୍ମର ଆଜି ପର୍ଯ୍ୟନ୍ତର ସବୁଠାରୁ କମ ଆୟ ଭାବେ ରେକର୍ଡ କରାଯାଇଛି । ଚତୁର୍ଦ୍ଦଶ ଦିନର ରୋଜଗାର ସହ ଭାରତରେ କାର୍ତ୍ତିକ ଏବଂ କିଆରାଙ୍କ ଫିଲ୍ମର ମୋଟ ସଂଗ୍ରହ 71.41 କୋଟି ଟଙ୍କାକୁ ବୃଦ୍ଧି ପାଇଛି । ଏଥିସହିତ ଫିଲ୍ମର ବିଶ୍ବବ୍ୟାପୀ ସଂଗ୍ରହ 100 କୋଟିରୁ ଅଧିକ ଅଟେ ।
ସେପଟେ ଓପନିଂ ଦିନରେ ଟମ କ୍ରୁଜଙ୍କ ଫିଲ୍ମ ମିଶନ ଇମ୍ପସିବଲ୍-7 ଦର୍ଶକଙ୍କୁ ହଲକୁ ଟାଣିବାରେ ସକ୍ଷମ ହୋଇଛି । ପ୍ରଥମ ଦିନରେ ଭଲ ରୋଜଗାର କରିଛି । ଟମଙ୍କ ଫିଲ୍ମ ମିଶନ ଇମ୍ପସିବଲ୍ 7 ପ୍ରଥମ ଦିନରେ 12.50 କୋଟି ଟଙ୍କା ରୋଜଗାର କରି ଭାରତୀୟ ବକ୍ସ ଅଫିସରେ ଏକ ଦମଦାର ପ୍ରଦର୍ଶନ କରିଛି । ଭାରତରେ ହିନ୍ଦୀ, ତାମିଲ ଏବଂ ତେଲୁଗୁ ଭାଷାରେ ଇଂରାଜୀ ମିଶନ୍ ଇମ୍ପସିବଲ୍ 7 ରିଲିଜ୍ ହୋଇଛି । ତେବେ ମିଶନ୍ ଇମ୍ପସିବଲ୍ 6 ଅପେକ୍ଷା ଭାରତୀୟ ବକ୍ସ ଅଫିସରେ ପ୍ରଥମ ଦିନରେ ମିଶନ୍ ଇମ୍ପସିବଲ୍ 7 ଅଧିକ ରୋଜଗାର କରିଛି । 2018ରେ ରିଲିଜ୍ ହୋଇଥିବା ମିଶନ୍ ଇମ୍ପସିବଲ୍ 6, ଭାରତରେ 9.25 କୋଟି ଟଙ୍କା ଓପନିଂ କରିଥିଲା ।
ଏହା ମଧ୍ୟ ପଢନ୍ତୁ: 13ତମ ଦିନରେ 70କୋଟି ପାର୍ କଲା ଫିଲ୍ମ
ସୂଚନା ଥାଉ କି, ଟମ୍ କ୍ରୁଜ୍ ତାଙ୍କ କ୍ୟାରିୟରର ସବୁଠାରୁ ବଡ ଚଳଚ୍ଚିତ୍ର ମିଶନ୍ ଇମ୍ପସିବଲ୍ ସିରିଜରେ ଇଥନ୍ ହଣ୍ଟ ନାମକ ଜଣେ ଗୁପ୍ତଚର ଅଧିକାରୀଙ୍କ ଚରିତ୍ରରେ ଅଭିନୟ କରିଛନ୍ତି । ମାନବିକତା ବଜାୟ ରଖିବା ପାଇଁ ଇଥନ୍ ଏବଂ ତାଙ୍କର ଆଇଏମ୍ଏଫ୍ ଟିମ (ଅସମ୍ଭବ ମିଶନ୍ ଫୋର୍ସ) ପ୍ରତ୍ୟେକ ମିଶନ୍ କରିବାକୁ ପ୍ରସ୍ତୁତ ଅଟନ୍ତି । ଫିଲ୍ମର ଷ୍ଟାର୍ କାଷ୍ଟ ବିଷୟରେ କହିବାକୁ ଗଲେ, ଏଥିରେ ତାଙ୍କ ପୁରୁଣା ସାଥୀ ସାଇମନ୍ ପେଗ୍, ଭିଙ୍ଗ୍ ରେମସ୍, ହାଲ୍ ଏଟୱେଲ, ରେବେକା ଫର୍ଗୁସନ୍, ଏସାଇ ମୋରାଲସ, ଭେନେସା କିର୍ବି, ପଲ୍ମେ ଲେମେଣ୍ଟିଫ୍ ଏବଂ ହେନେରୀ ଜୈନ ନଜର ଆସିଛନ୍ତି । ଫିଲ୍ମର ବଜେଟ୍ ହେଉଛି 290 ଆମେରିକୀୟ ଡଲାର୍ ।
