ହାଇଦ୍ରାବାଦ: ଭୁଲ ଭୁଲେୟା ୨ ର ସଫଳତା ପରେ ପୁଣି କାର୍ତ୍ତିକ ଆର୍ଯ୍ୟନ୍ ଏବଂ କିଆରା ଆଡଭାନୀ ଯୋଡି ବଡ ପରଦାରେ ଏକାଠି ଧମାକା କରିବାକୁ ଯାଉଛନ୍ତି । ଆଗାମୀ ଫିଲ୍ମ ସତ୍ୟପ୍ରେମ କି କଥାରେ କାର୍ତ୍ତିକ କିଆରାଙ୍କ ପୁଣି ଅନସ୍କ୍ରିନ ରୋମାନ୍ସ ଦେଖିବାକୁ ମିଳିବ । ତେବେ ସୋସିଆଲ ମିଡିଆରେ ଆଜି ଫିଲ୍ମର ଏକ ନୂଆ ପୋଷ୍ଟର ରିଲିଜ୍ କରିଛନ୍ତି ନିର୍ମାତା । ଏଥିସହ ଟ୍ରେଲରର ରିଲିଜ୍ ତାରିଖ ମଧ୍ୟ ଘୋଷଣା କରିଛନ୍ତି । ଆସନ୍ତାକାଲି ରିଲିଜ ହେବ ଫିଲ୍ମର ଟ୍ରେଲର ।
- " class="align-text-top noRightClick twitterSection" data="
">
ଇନଷ୍ଟାଗ୍ରାମରେ କାର୍ତ୍ତିକ ଏବଂ କିଆରା ନିଜ ପ୍ରଶଂସକଙ୍କ ସହ ଫିଲ୍ମର ଏକ ନୂଆ ପୋଷ୍ଟର ସେୟାର କରିଛନ୍ତି। ପୋଷ୍ଟରରେ ଉଭୟଙ୍କୁ ଏକ ରୋମାଣ୍ଟିକ ପୋଜରେ ଦେଖିବାକୁ ମିଳିଛି । ପୋଷ୍ଟର ସହ କାର୍ତ୍ତିକ କ୍ୟାପସନରେ ଲେଖିଛନ୍ତି, "ଆଜ କେ ବାଦ ତୁ ମେରୀ ରେହନା''। କାଲି ପୂର୍ବାହ୍ନ 11:11ରେ # ସତ୍ୟପ୍ରେମ କି କଥା ଟ୍ରେଲର ରିଲିଜ । ପୋଷ୍ଟର ସେୟାର ହେବା ମାତ୍ରେ ଫ୍ୟାନ୍ସ ଲାଇକ କରିବା ସହ ପ୍ରତିକ୍ରିୟା ଦେଇଛନ୍ତି । ଜଣେ ଫ୍ୟାନ୍ସ ଲେଖିଛନ୍ତି, 2023ର ବହୁ ପ୍ରତୀକ୍ଷିତ ରୋମାଣ୍ଟିକ ଫିଲ୍ମ । ଅନ୍ୟ ଜଣେ ପ୍ରଶଂସକ ଲେଖିଛନ୍ତି, 'ବହୁତ ଉତ୍ସାହିତ'। ଅନ୍ୟ ଜଣେ ଲେଖିଛନ୍ତି, 'ମୋ ସତ୍ତୁ ଏବଂ କଥା' ।
ନିକଟରେ ନିର୍ମାତାମାନେ ଫିଲ୍ମରୁ 'ନସିବ ସେ' ଗୀତ ରିଲିଜ୍ କରିଥିଲେ । ଯାହାକୁ ଫ୍ୟାନ୍ସ ବେଶ ପସନ୍ଦ କରିଛନ୍ତି। ଗୀତରେ କାର୍ତ୍ତିକ ଏବଂ କିଆରାଙ୍କ ରୋମାଣ୍ଟିକ ସୁନ୍ଦର ଭାବରେ ପ୍ରଦର୍ଶିତ ହୋଇଛି । ପାୟଲ ଦେବ ଏବଂ ବିଶାଲ ମିଶ୍ରଙ୍କ ଦ୍ୱାରା ଗାଇଥିବା ଏହି ଗୀତ କାଶ୍ମୀରର ସୁନ୍ଦର ପରିବେଶରେ ସୁଟ୍ କରାଯାଇଛି। ତେବେ ଏହି ଚଳଚ୍ଚିତ୍ରରେ କିଆରା-କାର୍ତ୍ତିକଙ୍କ ବ୍ୟତୀତ ସୁପ୍ରିୟା ପାଠକ କପୁର, ଗଜରାଜ ରାଓ, ସିଦ୍ଧାର୍ଥ ରନ୍ଧେରିଆ, ଅନୁରାଧା ପଟେଲ ରାଜପାଲ ଯାଦବ, ନିର୍ମିତ ସାୱନ୍ତ ଏବଂ ଶିଖା ତଲସାନିଆ ମଧ୍ୟ ଅଭିନୟ କରିଛନ୍ତି । ଏହି ଚଳଚ୍ଚିତ୍ରଟି ଜୁନ 29ରେ ସିନେମାହଲରେ ରିଲିଜ କରିବ । ନିର୍ଦ୍ଦେଶକ ସମୀର ବିଦୱାନଙ୍କ ଏହି ଫିଲ୍ମର ନିର୍ଦ୍ଦେଶନା ଦେଇଛନ୍ତି ।
ସୂଚନା ଥାଉ କି, ତେବେ ମେ 20 2022ରେ ରିଲିଜ ହୋଇଥିବା ଫିଲ୍ମ ଭୁଲ୍ ଭୁଲେୟା-2ରେ କାର୍ତ୍ତିକ କିଆରା ନଜର ଆସିଥିଲେ। ଏହି ଫିଲ୍ମରେ ଉଭୟଙ୍କୁ ବେଶ ପସନ୍ଦ କରିଥିଲେ ଫ୍ୟାନ୍ସ ଏବଂ ଏହି ଫିଲ୍ମ ବକ୍ସ ଅଫିସରେ ଅଧିକ ଲୋକପ୍ରିୟତା ହାସଲ କରିବା ସହ ହିଟ ହୋଇଥିଲା । ତେବେ ପୁଣି ଏହି ଯୋଡି ଏହି ମ୍ୟୁଜିକାଲ୍ ରୋମାଣ୍ଟିକ୍ ଫିଲ୍ମ 'ସତ୍ୟପ୍ରେମ କି କଥା'ରେ ନଜର ଆସିବେ। ତେବେ ଉଭୟଙ୍କ 'ସତ୍ୟପ୍ରେମ କି କଥା' ଫିଲ୍ମ ମଧ୍ୟ ଭୁଲ୍ ଭୁଲେୟା-2 ଭଳି ହିଟ ହେବ ବୋଲି ଆଶା କରାଯାଉଛି ।
