ହାଇଦ୍ରାବାଦ: କରଣ ଜୋହରଙ୍କ ନିର୍ଦ୍ଦେଶିତ ରୋମାଣ୍ଟିକ ଡ୍ରାମା ଫିଲ୍ମ ରକି ଔର ରାନୀ କି ପ୍ରେମ କାହାନୀ ବକ୍ସ ଅଫିସରେ ଧମାକା କରୁଛି । ରକି ଏବଂ ରାନୀଙ୍କ ଲଭଷ୍ଟୋରୀ ଫିଲ୍ମ ରିଲିଜ୍ ହେବାର 9 ଦିନ ବିତିଗଲାଣି । ତଥାପି କମିନି ଫିଲ୍ମର କ୍ରେଜ । ଦ୍ବିତୀୟ ସପ୍ତାହରେ ପ୍ରଥମ କିଛି ଦିନ ଫିଲ୍ମ ଆୟରେ ହ୍ରାସ ଘଟିଥିବା ବେଳେ 9ମ ଦିନରେ ବ୍ୟବସାୟରେ 70% ରୁ ଅଧିକ ବୃଦ୍ଧି ପାଇଛି । ଫିଲ୍ମ ଭାରତୀୟ ବକ୍ସ ଅଫିସରେ ଖୁବଶୀଘ୍ର 100କୋଟି ଆୟ କରିବାକୁ ଯାଉଛି । ଯାହା ପଠାନ ପରେ ଫିଲ୍ମ ଏକ ନୂଆ ରେକର୍ଡ ସୃଷ୍ଟି କରିଛି ।
ରକି ଔର ରାନୀ କି ପ୍ରେମ କାହାନୀ ଜୁଲାଇ 28ରେ ରିଲିଜ ହୋଇଥିଲା । ଫିଲ୍ମର ଓପନିଂ ଦମଦାର ରହିଥିଲା । ଏପରିକି ଓପନିଂ ସପ୍ତାହ ମଧ୍ୟ ଭଲ ରହିଥିଲା । ଦ୍ବିତୀୟ ସପ୍ତାହରେ ଫିଲ୍ମର ଆୟରେ ହ୍ରାସ ଘଟିଥିଲା । କିନ୍ତୁ 9ମ ଦିନରେ ଫଇଲ୍ମ ପୁଣି ବମ୍ପ କଲେକ୍ସନ କରିବାରେ ସଫଳ ହୋଇଛି । 9ମ ଦିନରେ ଅର୍ଥାତ ଦ୍ବିତୀୟ ଶନିବାରରେ 11.50 କୋଟି ରୋଜଗାର କରିଛି, ଯାହା ପରେ ଫିଲ୍ମର ମୋଟ ସଂଗ୍ରହ 90.58 କୋଟି ପର୍ଯ୍ୟନ୍ତ ପହଞ୍ଚିଛି । ରକି ଔର ରାନି କି ପ୍ରେମ କାହାନୀଙ୍କ ବକ୍ସ ଅଫିସ୍ ସଂଗ୍ରହ 9ମ ଦିନରେ 70.3% ବୃଦ୍ଧି ପାଇଛି । ଅନ୍ୟପକ୍ଷରେ, ବିଶ୍ବର ରୋଜଗାର ବିଷୟରେ କହିବାକୁ ଗଲେ ଏହି ଫିଲ୍ମ 146.5 କୋଟି ରୋଜଗାର କରିଛି । 160 କୋଟି ବଜେଟରେ ନିର୍ମିତ ଏହି ଫିଲ୍ମଟି ଖୁବଶୀଘ୍ର ତା ବଜେଟ ମୂଲ୍ୟ ବାହାର କରିବାରେ ସଫଳ ହେବ ବୋଲି କୁହାଯାଉଛି ।
ସୂଚନା ଅନୁସାରେ, ଚଳିତ ବର୍ଷ ଅନେକ ବଡ ଚଳଚ୍ଚିତ୍ର ରିଲିଜ କରିଛି । କିନ୍ତୁ 'ରକି ଔର ରାନୀ' ବର୍ଷ ଆରମ୍ଭରେ ରିଲିଜ ହୋଇଥିବା ଫିଲ୍ମ ପଠାନର ରୋଜଗାରର ଆକଳନ ପରେ ବର୍ତ୍ତମାନ ଏହି ଫିଲ୍ମ ଦ୍ୱିତୀୟ ସର୍ବାଧିକ ଆୟ କରିଥିବା ଚଳଚ୍ଚିତ୍ର ଅଟେ । ବାସ୍ତବରେ ଏହି ରେକର୍ଡ ପ୍ରଥମ ସପ୍ତାହ ଅଟେ । ପଠାନ ପ୍ରଥମ ସପ୍ତାହରେ ଭଲ ରୋଜଗାର କରିଥିଲା । ବର୍ତ୍ତମାନ 'ରକି ଔର ରାନୀ କି ପ୍ରେମ କାହାନୀ' ପ୍ରଥମ ସପ୍ତାହରେ ବିଶ୍ୱରେ ଦ୍ୱିତୀୟ ସର୍ବାଧିକ ଆୟ କରିଥିବା ଚଳଚ୍ଚିତ୍ର ହୋଇପାରିଛି ।
ଏହା ମଧ୍ୟ ପଢନ୍ତୁ: ପୁତ୍ର ସନ୍ତାନର ଜନନୀ ହେଲେ ଇଲିଆନା ଡି’କ୍ରୁଜ୍, ଫଟୋ ସେୟାର କରି ଜଣାଇଲେ ଖୁସି ଖବର
ସୂଚନା ଥାଉ କି, 'ରକି ଏବଂ ରାନୀ କି ପ୍ରେମ କାହାନି' ଏକ ରୋମାଣ୍ଟିକ୍ କମେଡି ଫିଲ୍ମ ଅଟେ । ଏହାର ନିର୍ଦ୍ଦେଶନା ଦେଇଛନ୍ତି କରଣ ଜୋହର ଏବଂ ଇଶିତା ମୈତ୍ରା, ଶଶାଙ୍କ ଖୈତାନ ଏବଂ ସୁମିତ ରୟ ଏହାକୁ ଲେଖିଛନ୍ତି । ଏହି ଚଳଚ୍ଚିତ୍ରଟି ଧର୍ମା ପ୍ରଡକ୍ସନ୍ସ ଏବଂ ବାୟାକମ୍ 18 ଷ୍ଟୁଡିଓ ଦ୍ୱାରା ନିର୍ମିତ । ରଣଭୀର-ଆଲିଆଙ୍କ ବ୍ୟତୀତ ଧର୍ମେନ୍ଦ୍ର, ଜୟା ବଚ୍ଚନ ଏବଂ ଶବାନା ଆଜମି ମୁଖ୍ୟ ଭୂମିକାରେ ଅଭିନୟ କରିଛନ୍ତି । ସୈଫ ଅଲି ଖାନଙ୍କ ପୁଅ ଇବ୍ରାହିମ ଅଲି ଖାନ ଏହି ଫିଲ୍ମରେ ସହକାରୀ ନିର୍ଦ୍ଦେଶକ ଭାବରେ କାର୍ଯ୍ୟ କରିଛନ୍ତି । ଏହି ଚଳଚ୍ଚିତ୍ରଟି ମୁମ୍ବାଇ, ନୂଆଦିଲ୍ଲୀ, ଋଷ ଏବଂ ଜମ୍ମୁ କାଶ୍ମୀରରେ ସୁଟିଂ କରାଯାଇଛି ।
