ମୁମ୍ବାଇ: ହଲିଉଡର ପ୍ରସିଦ୍ଧ ଚଳଚ୍ଚିତ୍ର ଓପେନହାଇମର ଭାରତରେ ତାର ଜଲୱା ଜାରି ରଖିଛି । ଏହି ଚଳଚ୍ଚିତ୍ରଟି ଭାରତୀୟ ବକ୍ସ ଅଫିସରେ 100 କୋଟି କ୍ଲବରେ ସାମିଲ ହେବାକୁ ଯାଉଛି । ଓପେନହାଇମର ଫିଲ୍ମକୁ ନେଇ ବଲିଉଡ ତାରକାମାନଙ୍କ ମଧ୍ୟରେ ବହୁତ କ୍ରେଜ ରହିଛି । ବର୍ତ୍ତମାନ ବଲିଉଡ କୁଇନ କଙ୍ଗନା ରଣାୱତ ହଲିଉଡର ବରିଷ୍ଠ ନିର୍ଦ୍ଦେଶକ ଖ୍ରୀଷ୍ଟୋଫର ନୋଲନଙ୍କ ଫିଲ୍ମ ଓପେନହାଇମର ଦେଖିଛନ୍ତି । ଫିଲ୍ମ ଦେଖିବା ପରେ କଙ୍ଗନା ସୋସିଆଲ ମିଡିଆରେ ଏକ ଭିଡିଓ ସେୟାର କରିଛନ୍ତି ଏବଂ ଏହି ଚଳଚ୍ଚିତ୍ରଟି କିପରି ଏବଂ ଏହି ଚଳଚ୍ଚିତ୍ରର କେଉଁ ସିନ୍ ତାଙ୍କୁ ଅଧିକ ପସନ୍ଦ ଆସିଛି ତାହା ମଧ୍ୟ କହିଛନ୍ତି ।
ଏହି ଭିଡିଓରେ କଙ୍ଗନା ରଣାୱତ କାରରେ ହ୍ବାଇଟ ଆଉଟଫିଟରେରେ ନଜର ଆସିଛନ୍ତି । ଏବଂ ସେଲଫି ଭିଡିଓ କରି ଫିଲ୍ମର ସମୀକ୍ଷା କରିଛନ୍ତି । କଙ୍ଗନା ପ୍ରଥମେ ଫିଲ୍ମର କାହାଣୀ ପ୍ରକୃତରେ କ’ଣ କହିଛନ୍ତି । ଏହା ମଧ୍ୟ କହିଛନ୍ତି ଯେ 'ଓପେନହାଇମର' ହେଉଛି ଖ୍ରୀଷ୍ଟୋଫର ନୋଲନଙ୍କ ଆଜି ପର୍ଯ୍ୟନ୍ତ ସବୁଠାରୁ ସୁନ୍ଦର ଅବଦାନ । ଏହାପରେ ସେ ଫିଲ୍ମର କାହାଣୀ ବିଷୟରେ କୁହନ୍ତି । ଏଥି ସହିତ, ଶେଷରେ, କଙ୍ଗନା କହିଛନ୍ତି ଯେ ତାଙ୍କୁ ଫିଲ୍ମର କେଉଁ ଦୃଶ୍ୟ ବେଶ ପସନ୍ଦ ଆସିଛି । ଭଗବତ ଗୀତାର ବିବାଦୀୟ ସିନ୍ କଙ୍ଗନାଙ୍କୁ ବେଶ ପସନ୍ଦ ଆସିଥିବା ସେ କହିଛନ୍ତି ।
ସୂଚନା ଥାଉ କି, ଓପେନହାଇମର ଫିଲ୍ମଟି 21 ଜୁଲାଇରେ ଭାରତରେ ରିଲିଜ ହୋଇଛି । ଜେ ରୋବର୍ଟ ଓପେନହାଇମରଙ୍କ ବାୟୋପିକ ନେଇ ପ୍ରସ୍ତୁତ ହୋଇଛି ଏହି ଫିଲ୍ମ । ସିଲିୟନ ମର୍ଫି ଫିଲ୍ମରେ ଓପେନହାଇମରଙ୍କ ଭୂମିକାରେ ଅଭିନୟ କରିଛନ୍ତି । ଜେ ରୋବର୍ଟ ଓପେନହାଇମର ଭଗ୍ବତ୍ ଗୀତା ପଢୁଥିଲେ, କିନ୍ତୁ ଫିଲ୍ମରେ ଅଭିନେତା କିଲିଆନ୍ ମର୍ଫି ଭଗବଦ୍ ଗୀତାଙ୍କ ଏକ ପଦ ପାଠ କରୁଛନ୍ତି । ଚଳଚ୍ଚିତ୍ରର ଏକ ଇଣ୍ଟିମେଟ୍ ସିନ୍ ସମୟରେ ଅଭିନେତା ଭଗବଦ୍ ଗୀତା ପଢୁଥିବା ନଜର ଆସିଛନ୍ତି । ଯାହାକୁ ନେଇ ସାରା ଦେଶରେ ବିବାଦ ସୃଷ୍ଟି ହୋଇଥିଲା ।
ଏହା ମଧ୍ୟ ପଢନ୍ତୁ: ଇଣ୍ଟିମେଟ୍ ସିନ ବେଳେ ଭଗବଦ୍ ଗୀତା ପଢିବାକୁ ବିରୋଧ, ଉଠିଲା ବୟକଟ ଦାବି
ଓପେନହାଇମରର ରୋଜଗାର ବିଷୟରେ କହିବାକୁ ଗଲେ, ଫିଲ୍ମ ଇଣ୍ଡିଆନ ବକ୍ସ ଅଫିସରେ ପ୍ରଥମ ଦିନରୁ ଭଲ ପ୍ରଦର୍ଶନ କରିଆସୁଛି । ଏହି ଚଳଚ୍ଚିତ୍ରଟି ଭାରତୀୟ ବକ୍ସ ଅଫିସରେ ପ୍ରଥମ ଦିନରେ 14 କୋଟି ସହିତ ଦମଦାର ଓପେନିଂ କରିଥିଲା ଏବଂ ବର୍ତ୍ତମାନ ଦଶମ ଦିନରେ 7.25 କୋଟି ଟଙ୍କା ସଂଗ୍ରହ କରିଛି । ଭାରତୀୟ ବକ୍ସ ଅଫିସରେ ଓପେନହାଇମର ମୋଟ କଲେକ୍ସନ 92 କୋଟି ଟଙ୍କା ରହିଛି । ଏହି ଫିଲ୍ମ 100 କୋଟି କ୍ଲବରେ ସାମିଲ ହେବ । ଫିଲ୍ମର ଆୟ ସାରା ବିଶ୍ବରେ ବିଶ୍ ମୋଟ 400 ନିୟୁତ ଡଲାର (3 ହଜାର କୋଟିରୁ ଅଧିକ) ହୋଇଛି।
