ହାଇଦ୍ରାବାଦ: ବଲିଉଡ ଲୋକପ୍ରିୟ ଅଭିନେତ୍ରୀ କାଜୋଲ ତାଙ୍କର ଆଗାମୀ ଧାରାବାହିକ ଲଷ୍ଟ ଷ୍ଟୋରୀ 2 ସହ ଶିରୋନାମାରେ ରହିଛନ୍ତି । ସେ ଏହି ଚଳଚ୍ଚିତ୍ରରେ ଏକ ମୁଖ୍ୟ ଭୂମିକାରେ ନଜର ଆସିବାକୁ ଯାଉଛନ୍ତି । ଫିଲ୍ମର ସମସ୍ତ ଷ୍ଟାର କାଷ୍ଟ ପ୍ରମୋସନରେ ବ୍ୟସ୍ତ ଅଛନ୍ତି । ଏହି ସମୟରେ ଏହି ସିରିଜର ଷ୍ଟାର କାଷ୍ଟ କାଜୋଲ, ନୀନା ଗୁପ୍ତା, ତମନ୍ନା ଭାଟିଆ ଏବଂ ବିଜୟ ଧର୍ମା ସାକ୍ଷାତକାରରେ ନିଜ ଅଭିଜ୍ଞତା ବାଣ୍ଟିଛନ୍ତି । ନିକଟରେ ନୀନା ଗୁପ୍ତା ତାଙ୍କ କ୍ୟାରିୟରର ଏକ କିସ ସିନ ଉପରେ କହିଥିବା ବେଳେ ବର୍ତ୍ତମାନ କାଜୋଲ ଫିମେଲ ପ୍ଲେଜର ଉପରେ ନିଜର ମତ ରଖିଛନ୍ତି । ସେ କହିଛନ୍ତି ଯେ ଫିମେଲ ପ୍ଲେଜର ସ୍ୱାଭାବିକ ହେବା ଉଚିତ୍ ।
କାଜୋଲ ଫିଲ୍ମ ପ୍ରମୋସନର ଏକ ସାକ୍ଷାତକାରରେ ଫିମେଲ ପ୍ଲେଜରକୁ ନେଇ ନିଜ ପ୍ରତିକ୍ରିୟା ଦେଇଛନ୍ତି । ସେ କହିଛନ୍ତି ଯେ, "ଏକଦା ଆମେ ଏହା ବିଷୟରେ ଖୋଲାଖୋଲି ଭାବରେ କଥା ହେଉଥିଲୁ । ପରେ ଆମେ ଏହା ବିଷୟରେ କହିବା ବନ୍ଦ କରିଦେଲୁ । କିନ୍ତୁ, ଏହା ଆମ ଜୀବନର ଏକ ଅଂଶ ଏବଂ ଆମେ ଏହା ବିନା ବଞ୍ଚି ପାରିବୁ ନାହିଁ । ମୁଁ ଭାବୁଛି ଯେଉଁଭଳି ଆମେ ଖାଦ୍ୟ ଏବଂ ପାନୀୟକୁ ସ୍ବାଭାବିକ କରିଛୁ, ସେହିପରି ଏହା ମଧ୍ୟ ସ୍ୱାଭାବିକ ହେବା ଉଚିତ । ଏହା ଆମର ବାର୍ତ୍ତାଳାପର ଏକ ଅଂଶ ଅଟେ ।
ଏହା ମଧ୍ୟ ପଢନ୍ତୁ: OTTରେ କାଜୋଲଙ୍କ ଡେବ୍ୟୁ, ଦ ଗୁଡ ୱାଇଫରେ ଆସିବେ ନଜର
କେବେ ରିଲିଜ ହେବ ଲଷ୍ଟ ଷ୍ଟୋରୀ 2: କାଜୋଲ, ନୀନା ଗୁପ୍ତା, ତମନ୍ନା ଭାଟିଆ, ବିଜୟ ଧର୍ମା, ଶ୍ରୀନାଲ ଠାକୁର, କୁମୁଦ ମିଶ୍ରା, ଅମୃତା ସୁଭାଷ, ତିଲୋତ୍ତମା, ଅଙ୍ଗନ୍ଦ ବେଦୀ ଏହି ସିରିଜରେ ମୁଖ୍ୟ ଭୂମିକାରେ ନଜର ଆସିବେ । ଏହି ଧାରାକୁ ଆର ବାଲ୍କି, କୌକଣା ସେନ୍ ଶର୍ମା, ସୁଜୋୟ ଘୋଷ ଏବଂ ଅମିତ ଶର୍ମା ରବିନ୍ଦ୍ରଙ୍କ ସମେତ ଚାରିଜଣ ନିର୍ଦ୍ଦେଶକଙ୍କ ଦ୍ୱାରା ପ୍ରସ୍ତୁତ କରାଯାଇଛି । ଏହି ସିରିଜ୍ ଆଜି ଅର୍ଥାତ୍ ଜୁନ୍ 29 ରେ ନେଟଫ୍ଲିକ୍ସରେ ମୁକ୍ତିଲାଭ କରିବାକୁ ଯାଉଛି ।
ସୂଚନା ଥାଉ କି, 'ଲଷ୍ଟ ଷ୍ଟୋରୀ'ର ପ୍ରଥମ ଭାଗ 2018 ମସିହାରେ ମୁକ୍ତିଲାଭ କରିଥିଲା, ଯାହା ଶ୍ରେଷ୍ଠ ଟିଭି ଚଳଚ୍ଚିତ୍ର / ମିନି-ସିରିଜ୍ ଏବଂ ଶ୍ରେଷ୍ଠ ଡ୍ରାମା ବର୍ଗରେ ଆନ୍ତର୍ଜାତୀୟ ଏମି ଆୱାର୍ଡ ପାଇଁ ମନୋନୀତ ହୋଇଥିଲା । ଏଥିରେ ବିକି କୌଶଲ, କିଆରା ଆଡଭାନୀ, ରାଧିକା ଆପ୍ଟେ, ଭୂମି ପେଡନେକର, ମନୀଷା କୋଇରାଲା ନଜର ଆସିଥିଲେ । 'ଲଷ୍ଟ ଷ୍ଟୋରୀ'ର ପ୍ରଥମ ଭାଗକୁ କରଣ ଜୋହର, ଅନୁରାଗ କଶ୍ୟପ, ଜୋୟା ଅଖତର ଏବଂ ଦିବ୍ୟାକର ବାନାର୍ଜୀ ନିର୍ଦ୍ଦେଶନା ଦେଇଥିଲେ।
