ହାଇଦ୍ରାବାଦ: ଶାହାରୁଖ ଖାନଙ୍କ 'ଜବାନ୍' ରିଲିଜ୍ ହେବାର ଏକ ମାସ ବିତିଗଲାଣି ଏବଂ ଫିଲ୍ମଟି ବକ୍ସ ଅଫିସରେ ଏବେ ବି ଧମାଲ ମଚାଉଛି । 'ଜବାନ୍' ବକ୍ସ ଅଫିସରେ କ୍ରମାଗତ ଭାବରେ ଭଲ ପ୍ରଦର୍ଶନ କରୁଛି ଏବଂ ସାରା ବିଶ୍ୱରେ ଗୋଟିଏ ପରେ ଗୋଟିଏ ରେକର୍ଡ ଭାଙ୍ଗି ଚାଲିଛି । କ୍ରମାଗତ ଭାବରେ ଇତିହାସ ସୃଷ୍ଟି କରୁଥିବା ଏହି ଚଳଚ୍ଚିତ୍ର ବର୍ତ୍ତମାନ ଆଉ ଏକ ମାଇଲଖୁଣ୍ଟ ଅତିକ୍ରମ କରିଛି । ଆସନ୍ତୁ ଜାଣିବା ଶେଷରେ 'ଜବାନ' କେଉଁ ରେକର୍ଡ ସୃଷ୍ଟି କରିଛି ।
ଶାହାରୁଖ ଖାନଙ୍କ ଫିଲ୍ମ 'ଜବାନ'ର ଚମତ୍କାର ସଫଳତା କେବଳ ଭାରତରେ ସୀମିତ ନୁହେଁ, ଏହା ଅନ୍ତର୍ଜାତୀୟ ବଜାରରେ ମଧ୍ୟ ନିଜର ସ୍ଥାନ ବଜାୟ ରଖିଛି । ଏହି ଚଳଚ୍ଚିତ୍ରରେ ବିକ୍ରମ ରାଠୋର ଏବଂ ତାଙ୍କ ପୁଅର କାହାଣୀ ସମଗ୍ର ବିଶ୍ୱରେ ଦର୍ଶକଙ୍କ ହୃଦୟ ଜିତି ନେଇଥିଲା ଏବଂ ଏହା ସହିତ ସବୁଠାରୁ ଅଧିକ କଲେକ୍ସନ କରିଥିଲା । ଅଟଲିଙ୍କ ନିର୍ଦ୍ଦେଶିତ ଏହି ଚଳଚ୍ଚିତ୍ର ବର୍ତ୍ତମାନ ଭାରତୀୟ ସିନେମା ଇତିହାସରେ ପ୍ରଥମ ହିନ୍ଦୀ ଚଳଚ୍ଚିତ୍ର ହୋଇ ସାରା ବିଶ୍ୱରେ 1100 କୋଟି ଟଙ୍କାର ପାର୍ କରି ବିଶ୍ୱ ରେକର୍ଡ ବକ୍ସ ଅଫିସରେ ଆଉ ଏକ ରେକର୍ଡ ଭାଙ୍ଗିଛି । ଏହାସହିତ 'ଜବାନ' 2023 ବର୍ଷର ସର୍ବାଧିକ ଆୟ କରିଥିବା ଭାରତୀୟ ଚଳଚ୍ଚିତ୍ର ହୋଇପାରିଛି ।
ଏହା ମଧ୍ୟ ପଢନ୍ତୁ: ପୁଣି ସଫଳତା ସାଉଁଟିଲା ‘ଜବାନ୍’: ମିଡିଲ-ଇଷ୍ଟ୍ରେ ଭାଙ୍ଗିଲା କଲେକ୍ସନ ରେକର୍ଡ
ଶୁକ୍ରବାର ସନ୍ଧ୍ୟାରେ 'ଜବାନ' ନିର୍ଦ୍ଦେଶକ ଅଟଲି ଇନଷ୍ଟାଗ୍ରାମରେ ଏକ ପୋଷ୍ଟରେ ସେୟାର କରିଛନ୍ତି । ଏଥିରେ ସେ ଲେଖିଛନ୍ତି 'ଜବାନ' ବର୍ତ୍ତମାନ 1100 କୋଟି ଟଙ୍କା ପାର୍ କରିଥିବା ପ୍ରଥମ ଚଳଚ୍ଚିତ୍ର ହୋଇ ବିଶ୍ୱ ବକ୍ସ ଅଫିସରେ ଇତିହାସ ସୃଷ୍ଟି କରିଛି । ଜବାନର ଆୟ ବର୍ତ୍ତମାନ 1103.27 କୋଟିରେ ପହଞ୍ଚିଛି । କଲେକ୍ସନ ବିବରଣୀ ଅନୁଯାୟୀ, ଭାରତୀୟ ଜାତୀୟ ବକ୍ସ ଅଫିସରେ 619.92 କୋଟି ଟଙ୍କା ଥିବାବେଳେ ବିଶ୍ୱ ବକ୍ସ ଅଫିସରେ 369.90 କୋଟି ଟଙ୍କା ରହିଛି । ଏହି ପୋଷ୍ଟର କ୍ୟାପସନରେ ଲେଖା ଅଛି, "ଜବାନ, ପ୍ରତିଦିନ ବକ୍ସ ଅଫିସରେ ରେକର୍ଡ ତିଆରି କରୁଛି ଏବଂ ଭାଙ୍ଗୁଛି । ବର୍ତ୍ତମାନ ଆପଣ ଟିକେଟ୍ ବୁକ୍ କରନ୍ତୁ ! ପ୍ରେକ୍ଷାଳୟରେ ଜବାନ ଦେଖନ୍ତୁ- ହିନ୍ଦୀ, ତାମିଲ ଏବଂ ତେଲୁଗୁ ଭାଷାରେ ।"
ସୂଚନାଯୋଗ୍ୟ ଯେ, ୟୁଏଇ ବକ୍ସ ଅଫିସରେ 16 ମିଲିୟନ ଡଲାର ପାର କରିଛି ଫିଲ୍ମ ଜବାନ୍ । ଏହା ସହିତ ଜବାନ ମଧ୍ୟପ୍ରାଚ୍ୟରେ ଏଭଳି ସଫଳତା ହାସଲ କରିଥିବା ପ୍ରଥମ ଭାରତୀୟ ଚଳଚ୍ଚିତ୍ର ହୋଇପାରିଛି । ପ୍ରାୟ ଏକ ମାସ ପୂର୍ବରୁ ମୁକ୍ତିଲାଭ କରିଥିବା ଏହି ଫିଲ୍ମ ବକ୍ସ ଅଫିସରେ ଏମିତି ରେକର୍ଡ ପରେ ରେକର୍ଡ ଭାଙ୍ଗି ଚାଲିଛି ।
