ହାଇଦ୍ରାବାଦ: ପୁଣିଥରେ ତଥାକଥିତ ବୟଫ୍ରେଣ୍ଡ ଶିଖର ପହରିଆଙ୍କ ସହ ଏକାଠି ନଜର ଆସିଛନ୍ତି ଜାହ୍ନବୀ କପୁର । ମୁମ୍ବାଇ ବିମାନ ବନ୍ଦରରେ ଛୁଟିଦିନ କଟାଇବାକୁ ବାହାରକୁ ଯିବା ବେଳେ ବିମାନ ବନ୍ଦରରେ ଏହି ଲଭବାର୍ଡ ନଜର ଆସିଥିଲେ । ଉଭୟଙ୍କ ସହ ଜାହ୍ନବୀଙ୍କ ପରିବାର ଓ ତାଙ୍କ ଘନିଷ୍ଠ ବନ୍ଧୁ ନଜର ଆସିଛନ୍ତି ।
- " class="align-text-top noRightClick twitterSection" data="
">
ତେବେ ଅନେକ ଥର ଏକାଠି ନଜର ଆସିଥିବା ପ୍ରେମୀଯୁଗଳ ବର୍ତ୍ତମାନ ଛୁଟି କଟାଇବା ପାଇଁ ବାହାର ସ୍ଥାନକୁ ଯାଉଥିବା ସୂଚନା ମିଳିଛି । ବିମାନବନ୍ଦରରେ ମଙ୍ଗଳବାର ଦିନ ଉଭୟ ଏକାଠି ଦେଖା ଯାଇଥିବା ବେଳେ ଜାହ୍ନବୀଙ୍କ ସାନ ଭଉଣୀ ଖୁସୀ କପୁର ଏବଂ ସେମାନଙ୍କ ଘନିଷ୍ଠ ବନ୍ଧୁ ତନିଶା ସାଣ୍ଟୋସି ମଧ୍ୟ ନଜର ଆସିଥିଲେ । ଏଥିସହ ଜାନଭୀ ଏବଂ ଖୁସିଙ୍କ ପିତା ବୋନି କପୁରଙ୍କୁ ମଧ୍ୟ ବିମାନବନ୍ଦରରେ ଦେଖିବାକୁ ମିଳିଥିଲା ।
ସୂଚନା ଥାଉ କି, ଜାହ୍ନବୀ ଓ ଶିଖର, କିଛି ବର୍ଷ ପୂର୍ବେ ଡେଟ୍ କରୁଥିଲେ । କିନ୍ତୁ ମଝିରେ ଉଭୟଙ୍କ ମଧ୍ୟରେ ଫାଟ ସୃଷ୍ଟି ହୋଇଥିଲା । ଉଭୟେ ଅଲଗା ରହୁଥିବା ବେଳେ ଗତବର୍ଷ ହାଲୋଏନ୍ ପାର୍ଟି ପର ଠାରୁ ପ୍ରାୟତଃ ଏକାଠି ନଜର ଆସୁଛନ୍ତି । ଅନନ୍ତ ଅମ୍ବାନୀ ଏବଂ ରାଧିକା ମର୍ଚାଣ୍ଟଙ୍କ ଯୋଗଦାନ ବାସରେ ଯୋଗଦେବା ଠାରୁ ଆରମ୍ଭ କରି ସୋନମ କପୁରଙ୍କ ଦିପାବଳୀ ପାର୍ଟି ଯାଏଁ ସବୁ ବେଳେ ଏହି ପ୍ରେମୀଯୁଗଳଙ୍କ ଏକାଠି ନଜର ଆସୁଥିବା ନେଇ ହେଡଲାଇନ ରହିଆସୁଥିଲେ ।
ତେବେ ଜାନଭୀଙ୍କ ୱାର୍କ ଫ୍ରଣ୍ଟ କଥା କହିବାକୁ ଗଲେ, ଜାହ୍ନବୀଙ୍କୁ ନୀତେଶ ତିୱାରୀଙ୍କ ଫିଲ୍ମ ବାୱାଲରେ ବରୁଣ ଧୱନଙ୍କ ସହ ଦେଖିବାକୁ ମିଳିବ । ଏଥିସହ ଶରଣ ଶର୍ମାଙ୍କ ଦ୍ବାରା ନିର୍ଦ୍ଦେଶିତ ଫିଲ୍ମ ଶ୍ରୀ ଏବଂ ଶ୍ରୀମତୀ ମାହିରେ ମଧ୍ୟ ସହ-ତାରକା ରାଜକୁମାର ରାଓଙ୍କ ସହ ନଜର ଆସିବେ। ଏହାଛଡ଼ା ଅଭିନେତ୍ରୀ ସାଉଥରେ ମଧ୍ୟ ଡେବ୍ୟୁ କରିବେ ବୋଲି କୁହାଯାଉଥିବା ବେଳେ କିନ୍ତୁ ଏପର୍ଯ୍ୟନ୍ତ ଆନୁଷ୍ଠାନିକ ଭାବେ କିଛି ଘୋଷଣା କରାଯାଇନାହିଁ ।
ତେବେ 2018 ମସିହାରେ ଜାହ୍ନବୀ ବଲିଉଡ ଫିଲ୍ମ ଧଡ଼କରୁ ନିଜ କ୍ୟାରିୟର ଆରମ୍ଭ କରିଥିବା ବେଳେ ଫିଲ୍ମ ବହୁ ଲୋକପ୍ରିୟ ହାସଲ କରିଥିଲା । ପରେ 2020 ମସିହାରେ ghost stories ଏବଂ ଗୁନଜନ ସସ୍କେନା (the kergil girl), 2021 ମସିହାରେ ରୁହି, 2022 ମସିହାରେ ଗୁଡ ଲକ ଜେରି ଓ ମିଲି ଫିଲ୍ମରେ ଅଭିନୟ କରି ଦର୍ଶକଙ୍କ ମନ ଜିତିପାରିଥିଲେ।
