ହାଇଦ୍ରାବାଦ: ଆଜି ଆଇସିସି କ୍ରିକେଟ ବିଶ୍ବକପର ହାଇଭୋଲଟେଜ ମ୍ୟାଚ୍ । ଭାରତ ଓ ପାକିସ୍ତାନ ମଧ୍ୟରେ ହେବ ଟକ୍କର । ଅହମ୍ମଦାବାଦରେ ଖେଳାଯିବ ମ୍ୟାଚ୍ । ଏହି ମ୍ୟାଚ୍ ଉପରେ ରହିଛି ସମଗ୍ର ବିଶ୍ୱର ନଜର। ଉଭୟ ଦେଶର ଲୋକମାନେ ନିଜ ନିଜ ଦଳକୁ ସମର୍ଥନ କରୁଥିବା ଦେଖାଯାଉଛି। ମାତ୍ର ଆଉ କିଛି ଘଣ୍ଟା ମଧ୍ୟରେ ଭାରତ ଏବଂ ପାକିସ୍ତାନ ମଧ୍ୟରେ ମୁକାବିଲା ଆରମ୍ଭ ହେବାକୁ ଯାଉଛି । ଏହି ସମୟରେ ଏହି ମେଗା ଲଢେଇରେ ସଲମାନ ଖାନ ବଲିଉଡରୁ ଟାଇଗର ଭାବରେ ଆସି ତାଙ୍କ ଚଳଚ୍ଚିତ୍ର ‘ଟାଇଗର 3’କୁ ପ୍ରମୋଟ୍ କରିବେ । ଏଥିସହ କଙ୍ଗନା ରଣାୱତଙ୍କ ଫିଲ୍ମ ‘ତେଜସ୍’ ଏବଂ ଭିକି କୌଶଲ ‘ସାମ୍ ବାହାଦୁର’ର ଟିଜର ଏଠାରେ ପ୍ରଦର୍ଶିତ ହେବ ।
ଟାଇଗର 3ର ପ୍ରମୋସନ
ସଲମାନ ଖାନ ବର୍ତ୍ତମାନ ଷ୍ଟାର ସ୍ପୋର୍ଟସ ଚ୍ୟାନେଲରେ ଅଛନ୍ତି । ମ୍ୟାଚ ଏବଂ ତାଙ୍କ ଚଳଚ୍ଚିତ୍ର ଟାଇଗର 3 ବିଷୟରେ ଆଲୋଚନା କରୁଛନ୍ତି । ସଲମାନ ଖାନ ଟାଇଗର 3 ଲୁକରେ ଏଠାକୁ ଆସିଛନ୍ତି। ସଲମାନ ଖାନଙ୍କ ଫିଲ୍ମ ଟାଇଗର 3ର ଟ୍ରେଲର ଆସନ୍ତାକାଲି ଅର୍ଥାତ୍ 16 ଅକ୍ଟୋବର ଦିନ ଦ୍ୱିପ୍ରହରରେ ମୁକ୍ତିଲାଭ କରିବ ।
ଏହା ମଧ୍ୟ ପଢନ୍ତୁ: ଅହମ୍ମଦାବାଦରେ ପହଞ୍ଚିଲେ ସଚିନ-ଅନୁଷ୍କା-ଅରିଜିତ, ଭାରତକୁ କରିବେ ସପୋର୍ଟ
କଙ୍ଗନା ତେଜସ୍ରୁ ଉଡାଣ ଭରିବେ କଙ୍ଗନା
ଏଥିସହିତ ବଲିଉଡର ପଙ୍ଗା କୁଇନ କଙ୍ଗନା ରଣାୱତ ତାଙ୍କ ଆଗାମୀ ଚଳଚ୍ଚିତ୍ର 'ତେଜସ୍' ପାଇଁ ଭାରତ ଏବଂ ପାକିସ୍ତାନ ମଧ୍ୟରେ ହେବାକୁ ଥିବା ମ୍ୟାଚରେ ପାଇଲଟ୍ ଭାବରେ ଉଡାଣ ଭରିବେ । କଙ୍ଗନା ରଣାୱତ ତାଙ୍କ ଚଳଚ୍ଚିତ୍ର ‘ତେଜସ'କୁ ଏଠାରେ ପ୍ରମୋଟ୍ କରିବେ । ଅକ୍ଟୋବର 20ରେ କଙ୍ଗନାଙ୍କ ତେଜସ ମୁକ୍ତିଲାଭ କରୁଛି ।
ଭିକି କୌଶଲ ମଧ୍ୟ ଏଥିରେ ସାମିଲ ହେବେ
କୁହାଯାଉଛି ଯେ ଗତକାଲି ମୁକ୍ତିଲାଭ କରିଥିବା ଭିକି କୌଶଲଙ୍କ ଅଭିନୀତ ଚଳଚ୍ଚିତ୍ର ସାମ୍ ବାହାଦୂରର ରୋମାଞ୍ଚକର ଟିଜର ମଧ୍ୟ ଭାରତ ଏବଂ ପାକିସ୍ତାନ ମ୍ୟାଚ୍ ମଧ୍ୟରେ ପରଦାରେ ପ୍ରଦର୍ଶିତ ହେବ । 'ସାମ ବାହାଦୂର'ର ଏହି ଟିଜରକୁ ସୋସିଆଲ ମିଡିଆରେ ବହୁତ ପସନ୍ଦ କରାଯାଉଛି । ଟିଜର ରିଲିଜ୍ ହେବା ପରେ ଏବେ ସମସ୍ତେ ଉତ୍ସାହର ସହିତ ଭିକି କୌଶଲଙ୍କ 'ସାମ୍ ବାହାଦୂର'ର ମୁକ୍ତିଲାଭକୁ ଅପେକ୍ଷା କରିଛନ୍ତି । ନିର୍ଦ୍ଦେଶକ ମେଘନା ଗୁଲଜାରଙ୍କ ଏହି ଚଳଚ୍ଚିତ୍ର 1 ଡିସେମ୍ବର 2023ରେ ପ୍ରେକ୍ଷାଳୟରେ ମୁକ୍ତିଲାଭ କରିବ । ଉଲ୍ଲେଖଯୋଗ୍ୟ ଯେ, 1971 ମସିହାରେ ହୋଇଥିବା ଭାରତ-ପାକିସ୍ତାନୀ ଯୁଦ୍ଧରେ ମାନେକ୍ସା ଭାରତୀୟ ସେନାର ମୁଖ୍ୟ ଥିଲେ ।
