ହାଇଦ୍ରାବାଦ: ବିବାହ ବିଚ୍ଛେଦ ପରେ ନିଜ ସାଥୀଙ୍କୁ ନେଇ ଖୁବ ଚର୍ଚ୍ଚାରେ ବଲିଉଡ ଅଭିନେତା ହ୍ରିତିକ୍ ରୋଶନ୍ ଏବଂ ତାଙ୍କ ପୂର୍ବତନ ପତ୍ନୀ ସୁଜାନ ଖାନ । ଉଭୟ ନିଜ ସାଥୀଙ୍କ ସହ ପ୍ରାୟ ସମୟରେ ଏକାଠି ସ୍ପଟ୍ ହୋଇଥାଆନ୍ତି । ତେବେ ଉଭୟ ଏବେ ଭ୍ୟାକସନକୁ ବେଶ ଉପଭୋଗ କରୁଛନ୍ତି । ବର୍ତ୍ତମାନ ହ୍ରିତିକ ତାଙ୍କ ପ୍ରେମିକା ସବା ଆଜାଦଙ୍କ ସହ ଆର୍ଜେଣ୍ଟିନାରେ ଛୁଟିକୁ ଉପଭୋଗ କରୁଥିବା ବେଳେ ନିକଟରେ ସୁଜାନ ଖାନ ତାଙ୍କ ବୟଫ୍ରେଣ୍ଡ ଅର୍ସଲାନ ଗୋନିଙ୍କ ସହ ସମର ଭ୍ୟାକେସନ ଉପଭୋଗ କରିଥିଲେ । ହ୍ରିତିକ ଏବଂ ସୁଜାନ ନିଜ ସାଥୀଙ୍କ ସହ ଭ୍ୟାକେସନର ଫଟୋ ସୋସିଆଲ ମିଡିଆରେ ସେୟାର କରି ସେହି ସ୍ମୃତିକୁ ତାଜା କରିଛନ୍ତି ।
ହ୍ରିତିକ ତାଙ୍କ ଇନଷ୍ଟାଗ୍ରାମରେ ସବାଙ୍କ ସହ ତାଙ୍କ ଭ୍ୟାକେସନର ଏକ ରୋମାଣ୍ଟିକ ଝଲକ ସେୟାର କରିଛନ୍ତି । ଫଟୋ ସେୟାର କରି ହ୍ରିତିକ ସବାଙ୍କୁ 'ୱିଣ୍ଟର ଗାର୍ଲ' ବୋଲି କହିଛନ୍ତି । ହ୍ରିତିକ ସବାଙ୍କ ସହ ଏକ ସେଲଫି ନେଇଛନ୍ତି । ଯେଉଁଥିରେ ହ୍ରିତିକ୍ ଷ୍ଟାଇଲିସ୍ ବ୍ଲୁ ଟି-ସାର୍ଟ ଏବଂ ଏକ କଳା ରଙ୍ଗର ଜ୍ୟାକେଟ୍ ସହ ଏକ କ୍ୟାପ୍ ପିନ୍ଧିଥିବା ବେଳେ ସବା ଏକ ବ୍ଲାକ୍ ଓଭରକୋଟ ଆଉଟ୍ଫିଟ୍ରେ ଖୁବ ସୁନ୍ଦର ଦେଖାଯାଉଛନ୍ତି । ହ୍ରିତିକ ଏହି ଫଟୋ ସେୟାର କରିବା ପରେ ଫ୍ୟାନ୍ସ ଏହାକୁ ଲାଇକ୍ କରିବା ସହ କମେଣ୍ଟ୍ ବର୍ଷା କରିଛନ୍ତି । ପ୍ରତିକ୍ରିୟାରେ ଲାଲ ହାର୍ଟ ଇମୋଜି ସହ ଫାୟାର ଇମୋଜି ଦେଇଛନ୍ତି ।
ତେବେ ଏହାପୂର୍ବରୁ ସବା ତାଙ୍କ ଇନ୍ଷ୍ଟାଗ୍ରାମ ଷ୍ଟୋରୀରେ ସେମାନଙ୍କ ଛୁଟିଦିନରୁ ଆକର୍ଷଣୀୟ ସ୍ନାପ୍ସଟ୍ ସେୟାର କରିଥିଲେ । ସେ ହ୍ରିତିକଙ୍କର ଏକ ଫଟୋ ସେୟାର କରିଥିଲେ, ଯାହା ବହୁତ ସୁନ୍ଦର ଦେଖା ଯାଉଥିଲା । ଫଟୋରେ କାଜୁଆଲ୍ ବ୍ଲାକ୍ ଆଉଟଫିଟରେ ଏକ ରେସ୍ତୋରାଁରେ ହ୍ରିତିକ ବସିଥିବାର ନଜର ଆସିଥିଲେ । ଏହି ଫଟୋ ସେୟାର କରି ସେ କ୍ୟାପ୍ସନ୍ରେ ଲେଖିଥିଲେ, "ମାଇ ହିପ୍ପୋ ହାର୍ଟ।" ଉଭୟ ଏକ ସେଲ୍ଫି ଫଟୋ ମଧ୍ୟ ସବା ସେୟାର କରିଥିଲେ ।
ହ୍ରିତିକ ରୋଶନ ସବାଙ୍କ ସହ ସ୍ମୃତି ସେୟାର କରିଥିବାବେଳେ ତାଙ୍କର ପୂର୍ବତନ ପତ୍ନୀ ତଥା ଇଣ୍ଟେରିଅର ଡିଜାଇନର୍ ସୁଜାନ ଖାନ ମଧ୍ୟ ତାଙ୍କ ପ୍ରେମିକ ଅର୍ସଲାନ ଗୋନିଙ୍କ ସହ ବେଶ ଉପଭୋଗ କରୁଛନ୍ତି । ନିକଟରେ ସୁଜାନ ଆମେରିକା ଏବଂ ମେକ୍ସିକୋରେ ଅର୍ସଲାନଙ୍କ ସହ ଗ୍ରୀଷ୍ମ ଛୁଟିଦିନ ବିତାଇଥିଲେ । ଯାହାକୁ ମନେ ପକାଇ ସେ ନିଜ ଇନ୍ଷ୍ଟାଗ୍ରାମରେ ଉଭୟଙ୍କ ଭ୍ୟାକେସନର ଏକ କ୍ୟୁଟ୍ ମୋମେଣ୍ଟ ଭିଡିଓ ସେୟାର କରିଛନ୍ତି । ଭିଡିଓରେ ଏଠାରେ ଉଭୟଙ୍କ ଡ୍ୟାନ୍ସ, ଡିନର ପାର୍ଟି ଏବଂ ପ୍ରିୟଜନଙ୍କ ସହ ସମୟ ଅତିବାହିତ କରିଥୁବା ଝଲକ ଦେଖିବାକୁ ମିଳିଛି ।
ଏହା ମଧ୍ୟ ପଢନ୍ତୁ: ହ୍ରିତିକ ରୋଶନ ହୋଲି ଖେଳିବା ନେଇ ଏମିତି କହିଲେ ପୂର୍ବତନ ପତ୍ନୀ ସୁଜୈନ ଖାନ
ହ୍ରିତିକଙ୍କ ୱାର୍କ୍ଫ୍ରଣ୍ଟ ବିଷୟରେ କହିବାକୁ ଗଲେ, ହ୍ରିତିକଙ୍କୁ ଆଗାମୀ ଚଳଚ୍ଚିତ୍ର, ଫାଇଟର୍ ଏବଂ ୱାର୍-2ରେ ଦେଖିବାକୁ ମିଳିବ । ଫାଇଟରରେ ହ୍ରିତିକ୍ ଦୀପିକା ପାଦୁକୋନ୍ ଏବଂ ଅନିଲ କପୁରଙ୍କ ସହ ପ୍ରଥମ ଥର ପାଇଁ ସ୍କ୍ରିନ୍ ସେୟାର କରୁଥିବାର ଦେଖିବାକୁ ମିଳିବ । ଅନ୍ୟପକ୍ଷରେ, ଅୟାନ୍ ମୁଖାର୍ଜୀଙ୍କ ନିର୍ଦ୍ଦେଶିତ ୱାର-2ରେ ବି ନଜର ଆସିବେ । ଏହି ଫିଲ୍ମରେ ସାଉଥ ସୁପରଷ୍ଟାର Jr NTR ଏବଂ ବଲିଉଡ ଅଭିନେତ୍ରୀ କିଆରା ଆଡଭାନୀଙ୍କ ସମେତ ଅନେକ ଷ୍ଟାର କାଷ୍ଟଙ୍କୁ ଦେଖିବାକୁ ମିଳିପାରେ । ତେବେ Jr NTR ଏବଂ କିଆରାଙ୍କ ସହ ମଧ୍ୟ ପ୍ରଥମ ଥର ପାଇଁ ନଜର ଆସିବେ ହ୍ରିତିକ ।
