ହାଇଦ୍ରାବାଦ: ବଲିଉଡର ସୁପରହିରୋ ହ୍ରିତିକ୍ ରୋଶନ୍ ତାଙ୍କ ରୁମର ଗର୍ଲଫ୍ରେଣ୍ଡ ସବା ଆଜାଦଙ୍କ ସହ ଏବେ ଚର୍ଚ୍ଚାରେ ଅଛନ୍ତି । ଏମାନଙ୍କୁ ଅନେକ ଥର ଏକାଠି ଦେଖିବାକୁ ମିଳିଛି । ସୋସିଆଲ ମିଡିଆରେ ପରସ୍ପରର ପୋଷ୍ଟକୁ ନେଇ ଉଭୟ ପ୍ରତିକ୍ରିୟା ମଧ୍ୟ ଦେଉଛନ୍ତି । ଏସବୁ ପରେ ହ୍ରିତିକଙ୍କ ପ୍ରଶଂସକମାନେ ଗ୍ରହଣ କରିସାରିଛନ୍ତି ଯେ, ସେ ସବା ଆଜାଦଙ୍କ ସହ ଏକ ନୂଆ ଜୀବନ ଆରମ୍ଭ କରିବାକୁ ଯାଉଛନ୍ତି । ଇତି ମଧ୍ୟରେ, ଏହି କପଲ ପୁଣି ଥରେ ପ୍ରଶଂସକଙ୍କ ସନ୍ଦେହକୁ ବିଶ୍ୱାସରେ ପରିଣତ କରାଇଛନ୍ତି ।
ସୋସିଆଲ ମିଡିଆରେ ଏକ ଫଟୋ ଭାଇରାଲ ହେଉଛି । ଏହି ଫଟୋରେ ହ୍ରିତିକ-ସବା ଏବଂ ହ୍ରିତିକଙ୍କ ପୂର୍ବତନ ପତ୍ନୀ ସୁଜୈନ-ରୁମର ବୟଫ୍ରେଣ୍ଡ ଆର୍ସଲାନ ଗୋନିଙ୍କୁ ଏକାଠି ଦେଖିବାକୁ ମିଳିଛି । ଏହି ସମସ୍ତଙ୍କୁ ଗତକାଲି ରାତିରେ ଗୋଆର ଏକ ପାର୍ଟିରେ ଏକାଠି ଦେଖିବାକୁ ମିଳିଥିଲା । ତେବେ କିଛି ସମୟ ପୂର୍ବରୁ ହ୍ରିତିକ ଏବଂ ସବାଙ୍କୁ ମୁମ୍ବାଇ ବିମାନବନ୍ଦରରେ ଦେଖିବାକୁ ମିଳିଥିଲା । ଏହି ଦମ୍ପତି ଗୋଆରୁ ଫେରିଛନ୍ତି ।
ବଲିଉଡ ତାରକାଙ୍କ ବ୍ୟକ୍ତିଗତ ଜୀବନରେ ଆଗ୍ରହୀ ପ୍ରଶଂସକଙ୍କ ପାଇଁ ଆଶ୍ଚର୍ଯ୍ୟଜନକ କଥା ହେଉଛି ହ୍ରିତିକ, ସବା, ସୁଜୈନ ଖାନ ଏବଂ ଆର୍ସଲାନ ଗୋନି ସମସ୍ତେ ଗୋଆର ଏକ ପାର୍ଟିରେ ଏକାଠି ହୋଇଥିଲେ । ଏହାର ପ୍ରମାଣ ହେଉଛି ଫଟୋ, ଯାହା ଅଭିନେତ୍ରୀ ପୂଜା ବେଦୀ ନିଜ ଇନଷ୍ଟାଗ୍ରାମ ଆକାଉଣ୍ଟରେ ସେୟାର କରିଛନ୍ତି ।
ଏହି ପାର୍ଟିରେ ହ୍ରିତିକ ରୋଶନଙ୍କ ପୂର୍ବତନ ପତ୍ନୀ ସୁଜୈନେ ପ୍ରେମିକ ଆର୍ସଲାନ ଗୋନିଙ୍କ ସହ ପହଞ୍ଚିଥିଲେ। ଏହି ସମୟରେ ହ୍ରିତିକ ସାବାଙ୍କ ସହ ଗୋଆରେ ପହଞ୍ଚିଥିଲେ । ପୂଜା ବେଦୀ ଅଂଶୀଦାର କରିଥିବା ଚିତ୍ରରେ, ଗୋଟିଏ ଫଟୋରେ ସେ ହ୍ରିତିକ ଏବଂ ସବାଙ୍କ ସହ ଏବଂ ଅନ୍ୟ ଏକ ଫ୍ରେମରେ ସେ ସୁଜୈନ ଏବଂ ଆର୍ସଲାନଙ୍କ ସହ ନଜର ଆସିଛନ୍ତି ।
ପୂଜା ବେଦୀ ଏହି ଫଟୋରେ ସ୍ପଷ୍ଟ ଭାବେ ଲେଖିଛନ୍ତି ଯେ, ସେ ଗତକାଲି ରାତିରେ ପାର୍ଟିରେ ଥିଲେ । ଏହି ସମସ୍ତ ଫଟୋ ଗୋଆର ଏକ ପାର୍ଟିର । ଏହି ଫଟୋରେ ନିର୍ଦ୍ଦେଶକ ଅଭିଷେକ କପୁର, ଫରାହ ଖାନ ଅଲି ଏବଂ ଅନ୍ୟାନ୍ୟ ସେଲିବ୍ରିଟି ମଧ୍ୟ ଉପସ୍ଥିତ ଥିଲେ। ତେବେ ଏହି ଫଟୋଗୁଡ଼ିକ ପ୍ରମାଣ କରୁଛି ଯେ ହ୍ରିତିକ ଏବଂ ସୁଜୈନ ବର୍ତ୍ତମାନ ସେମାନଙ୍କର ନୂଆ ଜୀବନରେ ଖୁସି ଅଛନ୍ତି ଏବଂ ଉଭୟଙ୍କ ବିରୁଦ୍ଧରେ କୌଣସି ଅଭିଯୋଗ ନାହିଁ ।
ବ୍ୟୁରୋ ରିପୋର୍ଟ, ଇଟିଭି ଭାରତ
